Newsletter Signup

Sign-up to stay in touch with Saint George FC

Reagent/Protectorator
Yidnekatchew Tessema
Mengistu Worku

St. George Gallery

News

St George wins Ethiopian Premier League title after 3-1 Victory over Arbaminch City

Sunday, May 17, 2015

By Staff writer

St George has won the premier league title for a twelfth time after beating Arbaminch City. Fasil Tekalegne’s men went into their clash with Arbaminch needing a win to take the crown- and duly delivered a 3-1 victory to kick – start celebrations at Addis Ababa Stadium.

It took two goals in the first 20 minutes to break Arbaminchi’s resistance. But ten points clear is not boring- it’s a procession. Scoring 33 goals in 24 games isn’t boring- it’s a better strike rate. Playing with Ethiopia Coffee and smoothing their forwards under a defensive blanket is not boring. It’s a comfort rug for those who fear clean sheets were an endangered species in Ethiopia football.

And winning the title with two weeks to spare is not boring; it just shows we are a team a head of our time. About two weeks ahead of our time. 

St George was sharp and inspired for the 90 minutes. Even when Arbaminch players were down the horsemen were stout of heart, firm of rectum and, yes, stylish.

Behailu Assefa, ramping into the box without an escort, picked out Adane Girma with a low center and the old warhorse tucked away his seventh goal of the season.

Robert Obi Odonkara had already been required to make a sprawling low penalty save to deny Arbaminchi’s equalizer before St George’s midfielder Mentsenot Adane scored the second goal of the match.  

Arbaminchi’s resolve never buckled, but going to watch St George these days is like watching your favorite film.

From a right –wing corner delivered by Behailu Assefa gets Adane was on hand to poke the ball and makes it 3-0.

From that moment Arbaminch city players knew it was all over. And that day the title race is over, too.   

ሆራይዘን አዲስ ጎማ ለቅዱስ ጊዮርጊስ ስፖርት ማህበር የአውቶቢስ ስጦታ አበረከተ

  • ድርጅቱ በስጦታ ካበረከተው አውቶቢስ በተጨማሪ በየአመቱ የ2000000 ብር ድጋፍ ያደርጋል
  • የቅዱስ ጊዮርጊስ ስፖርት ክለብ የልምምድ ትጥቅ ስፖንሰር በመሆን ከፍተኛ እገዛ እያደረገ ይገኛል፡፡

ሆራይዘን አዲስ ጎማ ለቅዱስ ጊዮርጊስ ስፖርት ክለብ ዋናው ቡድን የሰርቪስ አገልግሎት የሚውል በልዩ ትዕዛዝ የተሰራ አውቶቢስ በስጦታ አበርክቷል፡፡የርክክብ ስነ ስርዓቱ በትናንትናው ዕለት  በድርጅቱ ግቢ በተካሄደበት ወቅት የድርጅቱ ስራ አስኪያጅ እና የክለባችን የረዥም አመት ደጋፊ እና የጀርባ አጥንት የሆኑት አቶ ጀማል አህመድ እንደተናገሩት የቤተሰቦቼ፣ የአካባቢያችን ማህበረሰብ ጽኑ ፍላጎትና ቀደምት ታሪኩና ባህሉ ቅዱስ ጊዮርጊስን ከልብ እንዳፈቅር መነሻ ሆኖኛል፡፡ የዘር፣የጐሳና የሀይማኖት ልዩነት ሳያደርግ ለረጅም ዘመናት መጓዙ የመላው ኢትዮጵያውያንን ቀልብ ሊስብ በመቻሉ የዚህ ክለብ አንዱ አባል በመሆኔ ክብርና ኩራት ይሰማኛል፡፡ ክለባችን «ምንጊዜም ጊዮርጊስ» በማለት ሁሌም ለውጤት የሚተጋ በመሆኑ ይህን መሰል ጽኑ አቋም ያለውን ቡድን አቅሜ በፈቀደ መጠን መርዳት የህሊና እርካታ ይሰጠኛል፡፡ ለወደፊቱም ቢሆን ከክለቡ ጎን በመቆም የበኩሌን ድርሻና ሀላፊነት በተግባር እወጣለሁ ሲሉ ገልፀዋል፡፡አቶ ጀማል አህመድ ክለባችን በአህጉራዊው መድረክ የሚያልመውን ራዕይ እንዲሳካ የሁሉም ደጋፊ እና ስፖንሰር ድርጅቶች ሚና ወሳኝ መሆኑን አሳስበዋል፡፡

ሆራይዘን አዲስ ጎማ የተጨዋቾች ማመላለሻ አውቶቡስ ከመስጠቱ በተጨማሪ የቅዱስ ጊዮርጊስ ክለብ የመለማመጃ ትጥቅ ስፖንሰር በመሆን ለክለባችን ስኬት ያላሰለሰ ጥረት በማድረግ ላይ የሚገኝ ድርጅት ነው፡፡

ቅዱስ ጊዮርጊስ ለተጨዋቾች የሰርቪስ አገልግሎት በመስጠት በኢትዮጵያ ቀዳሚው ክለብ ነው፡፡ በተለይም ከ1950ዎቹ እንስቶ የተለያዩ ግለሰቦች በበጎ ፈቃደኝነት ተጨዋቾችን ከልምምድ እና ከጨዋታ በኋላ መኖሪያ ቤታቸው ድረስ ያደርሱ የነበረ ሲሆን በ1960ዎቹ መጨረሻ ላይ የክለቡ ደጋፊ እና በአንድ ወቅት ፕሬዘዳንት የነበሩት አቶ ህሩይ ተክለማርያም ለተጨዋቾች ማመላለሻ የሚሆን የማርቼዲስ አውቶቡስ በማበርከታቸው ቅዱስ ጊዮርጊስ ለተጨዋቾች ሰርቪስ በማዘጋጀት የመጀመሪያው ኢትዮጵያዊ ክለብ ለመሆን በቅቷል፡፡

እስከ ቅርብ ጊዜ ድረስ የቅዱስ ጊዮርጊስ ስፖርት ክለብ ዋናው የወንዶች ቡድንና የሴቶች ቡድን እንዲሁም የተስፋ እና ታዲጊ ቡድኖቻችን የሚጠቀሙበትን የብሉ በርድ እና የሬኖ መኪናን ገዝተው ያበረከቱት ክቡር ዶ/ር ሼክ መሀመድ ሁሴን አሊ አላሙዲን ናቸው፡፡

ፌዴሬሽኑ የውጪ ተጨዋቾችን ኮታ ለመቀነስ ያወጣውን ደንብ በድጋሚ ያጢነው!

አለም እየዘመነች ነው፡፡ የዚህ መዘመን መገለጫ ደግሞ ሰዎች በነፃነት ከቦታ ቦታ፤ ከሀገር ሀገር፤ ድንበር፤ ፆታ ፤ ሀይማኖት እና የቀለም ልዩነት ሳይገድባቸው ተንቀሳቅሰው መስራታቸው ነው፡፡

በእግር ሱም ከ1990 ዓ.ም ጀምሮ የተለያዩ ሀገር ዜግነት ያላቸው ተጨዋቾች በኢትዮጵያ ፕሪምየር ሊግ እና ብሄራዊ ሊግ በሚጫወቱ ክለቦች ውስጥ በመጫወት ለክለቦቹ ውጤት ማማር እና መሳካት የበኩላቸውን ጥረት በማድረግ ላይ ይገኛሉ፡፡ በተለይም ሀገራችንን በመወከል በአፍሪካ ሻምፒዮንስ ሊግ እና ኮንፌዴሬሽን ዋንጫ ላይ የሚካፈሉ ክለቦቻችን አንድ ክለብ  አምስት የውጪ ተጫዋቾችን አስመዝግቦ መጫወት ይችላል በሚለው ደንብ ተጠቃሚ ሆነው ያሰቡትን ያህል ባይሆንም የተሻለ ውጤት ማምጣት ችለዋል፡፡

ከዚህ በተፃረረ ግን የኢትዮጵያ እግር ስ ፌዴሬሽን በቀጣዩ አመት በተግባር ላይ ሊያውለው ባሰበው የተጨዋቾች ደረጃና ዝውውር መመሪያ ላይ እስከ አሁን ሁሉም ክለቦች ተስማምተውበት ሲሰሩበት የቆዩበትን  አንድ ክለብ እስከ አምስት ተጨዋች ማስፈረም ይችላል የሚለውን ኮታ ወደ ሶስት ዝቅ በማድረግ ስራ ላይ ሊያውለው መሆኑን በተላከልን ደንብ ላይ ተመልክተነዋል፡፡

በመጀመሪያ ደረጃ የእነዚህ የውጪ ተጨዋቾች መምጣት ፋይዳው ምንድን ነው? መምጣታቸው እግር ኳሱን የሚጎዳው ነገር አለ ወይ ? የሚሉት ጥያቄዎች በጥናት በተደገፈ መረጃ መልስ ባላገኙበት ሁኔታ እንዲሁ በደፈናው አንድ ክለብ አምስት ተጨዋቾችን ማስፈረሙ እግር ኳሳችንን እየጎዳው ነው ማለት አይቻልም፡፡

የውጪ ሀገር ተጨዋቾችን ማስፈረም ኢትዮጵያ ብቻ የምትመራበት ህግ አይደለም፡፡ በእግር ኳሱ ትልቅ ደረጃ የደረሱት ሀገራትም ይህንን ደንብ ያለ ቁጥር ገደብ እየተጠቀሙበት ይገኛሉ፡፡ የውጪ ተጨዋቾች ወደ ሀገራችን በመጡ ቁጥር በተለያዩ ክለባት የሚገኙ ተጨዋቾች እነሱም ወደ ሌላ ሀገር ሄደው መስራት እንደሚችሉ ትምህርት ይወስዱበታል፡፡ ለዚህም ነው ባለፉት ጥቂት አመታት ብቻ ቁጥራቸው በዛ ያሉ ተጨዋቾቻችን ከሀገር ውስጥ ክለቦች ወደ ውጪ የተዘዋወሩት፡፡

ቀደም ሲል አምስት የውጭ ተጨዋች ሲጫወቱ የኢትዮጵያ እግር ኳስ እድገት ላይ ተግባራዊ ለውጥ ያመጣና የፕሪሚየር ሊጉን ደረጃ ከፍ ያደረገና ተፎካካሪነት እንዲኖር ያስቻለ ነው፡፡ በተጨባጭ ከፕሪሚየር ሊጉም አልፎ በአሁኑ ጊዜ የብሔራዊ ሊግ ክለቦችም ፕሮፌሽናል ተጨዋች በማምጣት ተጠቃሚ እየሆኑ ነው፡፡ ስለዚህም

  • በመላው ዓለም የሚሰራበት በመሆኑ ሊበረታታ እንጂ ሊቀነስ የሚገባ መሆን የለበትም
  • እኛ እነሱ ገበያ ውስጥ እየገባን እነሱን ማስቀረት ተገቢ አይደለም፡፡
  • ይህ ደንብ ሲወጣ የጥቂት የኢትዮጵያውን ተጨዋቾች ዋጋ ይጨምራል፡፡ የአቅም ውስንነት ያላቸውን ክለቦች ይጎዳል፡፡
  • በኢንተርናሽናል መድረክ ውጤታማ ለመሆን እያደረግነው ያለው ትግል ይገታል፡፡ ስለሆነም ከተለያዩ የአፍሪካ ሀገሮች ተሞክሮ በመነሳት ቁጥሩ ሊጨምር እንጂ ሊቀነስ አይገባውም
  • ከዚህ የተሻለ የሚሆነው ለሚመጡት ፕሮፌሽናል ተጨዋቾች መስፈርት ማስቀመጥ ይሻላል ብሎ ክለባችን ያምናል፡፡

የክለባችን እቅድ በአፍሪካ ውስጥ ከሚገኙ ስምንት ምርጥ ክለቦች አንዱ መሆንና ለአመታትም በዚሁ ደረጃ መቀጠል ነው፡በአህገራዊው ውድድር ከእኛ ጋር የሚወዳደሩት ክለቦች ደግሞ ቢያንስ ቢያንስ አምስት የውጪ ሀገር ተጨዋቾችን ሲይዙ ተመልክተናል፡፡ በዚህ አመት ክለባችንን በአፍሪካ ሻምፒዮንስ ሊግ የገጠመውን የአልጄርያውን ኤም ሲ ኤል ኡልማን ብንመለከት ከአራት በላይ የምዕራብ አፍሪካ ተጨዋቾችን ይዞ ይገኛል፡፡ የኤም ሲ ኤል ኡልማ ይህንን ያክል ቁጥር የውጪ ተጨዋች መያዝ የአልጄርያን ብሄራዊ ቡድንን  የወቅቱ የአፍሪካ ምርጥ ቡድን ከመባል አላገደውም፡፡ የዚህ ህግ መፅደቅ ክለባችን በአፍሪካ ሻምፒየንስ ሊግ ላይ እያደረገ ያለውን ጥረት የሚያዳክም እና የማያበረታታ በመሆኑ ፌዴሬሽኑ በድጋሚ እንዲያጤነው አበክረን  እንጠይቃለን፡፡

ጉዳዩ የሚመለከታቸው ሌሎች የሀገር ውስጥ ክለቦችም ጉዳዩ ለሀገራችን እግር ኳስ እድገት የሚያበረክተውን አስተዋፅኦ በጥሞና እንዲመለከቱትም በዚሁ አጋጣሚ እናሳስባለን፡፡

ቅዱስ ጊዮርጊስ ሆላንዳዊውን አሰልጣኝ ማርቲን ኩፕማንን አሰልጣኝ አድርጎ ቀጠረ

ቅዱስ ጊዮርጊስ በቀጣይ አመት ለሚጠብቁት የአህጉራዊ እና የውስጥ ውድድሮች ዋናውን ቡድን በአሰልጣኝነት እንዲመሩለት ሆላንዳዊው አሰልጣኝ ማርቲን ኩፕማንን አሰልጣኝ አድርጎ ቀጥሯል፡፡ በዚህም መሰረት ሆላንዳዊው አሰልጣኝ ከቅዱስ ጊዮርጊስ ስፖርት ክለብ ጋር የሁለት አመት የኮንትራት ስምምነት በዛሬው እለት የተፈራረሙ ሲሆን በመጪው ሀምሌ ወር ላይም ቡድናችን ቅዱስ ጊዮርጊስን በማሰልጠን ስራቸውን የሚጀምሩ ይሆናል፡፡

ማርቲን ኩፕማን የተወለዱት እ.ኤ.አ. በ1956 ጉልደርስ በተባለችው የሆላንድ ግዛት ውስጥ ሲሆን የተጨዋችነት ዘመናቸውንም በጎ ኤሄድ ኤግልስ፤ኤፍ ሲ ቲዌንቴ እና ኤስ ሲ ካምበር ተጫውተው አሳልፈዋል፡፡

ቅዱስ ጊዮርጊስ በቀሪው የውድድር ዘመን የሚቀሩትን የፕሪምየር ሊግ እና የጥሎ ማለፍ ጨዋታዎች በፋሲል ተካልኝ እየተመራ የሚጨርስ ሲሆን ኩፕመንም በመጪው ሀምሌ ወር ላይ ወደ ኢትዮጵያ በመምጣት የቅዱስ ጊዮርጊስ አሰልጣኝነት መንበርን የሚረከቡ ይሆናል፡፡

አሰልጣኝ ኩፕማን በአሰልጣኝነት ዘመናቸው በሀገራቸው እና በተለያዩ የውጭ ሀገራት ተዘዋውረው የሰሩ ሲሆን በተለይም በአፍሪካ የኮንጎውን ታላቅ ክለብ ኤኤስ ቪታ ክለብን ጭምር አሰልጥነዋል፡፡

የቅዱስ ጊዮርጊስ ስፖርት ማህበር ለአሰልጣኝ ማርቲን ኩፕማን መልካም የስራ ዘመን ይመኝላቸዋል፡፡

የቅዱስ ጊዮርጊስ ስራ አመራር ቦርድ ሆላንዳዊውን ሬኔ ሂድኒክን በማነጋገር ላይ ነው

የቅዱስ ጊዮርጊስ ስራ አመራር ቦርድ ሆላንዳዊውን ሬኔ ሂድኒክን በማነጋገር ላይ ነው

የቅዱስ ስፖርት ክለብ ደብረዘይት ቀበሌ 01 ውስጥ እያስገነባ ለሚገኘው የይድነቃቸው ተሰማ እግር ኳስ አካዳሚ ውስጥ የሚሰሩ አሰልጣኞችን ለመቅጠር በማወዳደር ላይ የሚገኝ ሲሆን ሆላንዳዊው ሬኔ ሂድኒክም በትናንትናው ዕለት ቢቀጠሩ አካዳሚውን በምን መልኩ ማስተዳደር እንደሚችሉ ለስራ አመራር ቦርድ አባላት አቅርበው ለቀረቡላቸው ጥያቄዎችም መልስ ሰጥተዋል፡፡

የቀድሞው የጋና ከ17 አመት በታች እና የሩዋንዳውን ኤፒአር ያሰለጠኑ ሲሆን በሀገራቸውም የኤፍ ሲ ዶርቼት እና ግራፍሻፕ የተባሉ ፕሮፌሽናል ክለቦችን አሰልጥነዋል፡፡
የአሰልጣኙ የአካዳሚ አሰልጣኝነት ቅጥር ያልተጠናቀቀ ሲሆን በቀጣይ ቀናት በውይይት ከዳበረ በኋላ ስምምነት ላይ ሊደረስ ይችላል፡፡

“ የእኛ ምኞት ደጋፊው ከጨዋታ መልስ እየጨፈረ ከስታዲየም እንዲወጣ ነው ” ፋሲል ተካልኝ

ለቅዱስ ጊዮርጊስ ወጣት እና ዋናው ቡድን ከአስራ ዘጠኝ ሰማንያዎቹ መጀመሪያ አንስቶ እስከ ዘጠናዎቹ አጋማሽ ድረስ ለበርካታ አመታት በቀኝ መስመር ተጨዋችነት እና በአምበልነት ተጫውቶ አሳልፏል፡፡ ለኢትዮጵያ ወጣትና ኦሎምፒክ ቡድንም በበርካታ ኢንተርናሽል ጨዋታዎች ላይ በቋሚነት ለመጫወት የበቃ ተጨዋች ነው፡፡

የቅዱስ ጊዮርጊስ ስፖርት ክለብን ወክሎ ይጫወት በነበረበት ዘመንም በበርካታ የሻምፒዮንነት ድሎችን በአምበልነት ለማንሳት የበቃ ተጨዋች ነው፡፡ በተጨዋችነት ዘመኑ በሜዳ ላይ ምርጥ ችሎታው የሚታወቀው ፋሲል ተካልኝ ጫማውን ከሰቀለ በኋላም በቅድሚያ የቅዱስ ጊዮርጊስ ዋናው ቡድን ምክትል አሰልጣኝነት ግልጋሎት በመስጠት እስከ መጋቢት 11/2007 ዓ.ም ድረስ ከቆየ በኋላ የዋናው ቡድን አሰልጣኝ በመሆን ስራውን ጀምሯል፡፡ ይህንንም ምክንያት በማድረግ ተከታዩን ቃለ ምልልስ ይዘንላችሁ ቀርበናል፡፡

ልሳነ ጊዮርጊስ ፡- የመጀመሪያውን ዙር የቡድናችንን ውጤት እንዴት ተመለከትከው ?

ፋሲል፡- በ2007 ዓ.ም የኢትዮጵያ ፕሪሚየር ሊግ የመጀመሪያ ዙር ጥሩ ተጫውተናል ብዬ አላስብም፡፡ ደጋፊው እና ሌላው ሰው ከቅዱስ ጊዮርጊስ በሚጠብቀው መልኩ እንደ ጊዮርጊስ አልተጫወትንም፡፡

ልሳነ ጊዮርጊስ ፡- በቀድሞ ጊዜ በብዙ ጨዋታዎች በዛ ያሉ ግቦችን አስቆጥረን እናሸንፍ ነበር፡፡ አሁን ይህንን ያህል ቁጥር ግብ ቡድናችን ሲያስቆጥር አንመለከትም ለምን ይሆን ?

ፋሲል፡- ጥናት ያስፈልገዋል፡፡ የተጨዋቾች የአጨዋወት ዘይቤ፣ የሊጉ ደረጃ፣ የአጥቂዎች ብቃትን ያካተቱ ጉዳዮች በጥናት ሊታዩ ይገባል፡፡ ከዚህ ሌላ ግን ተጋጣሚዎቻችን ቅዱስ ጊዮርጊስን ሲገጥሙ በተለየ ሁኔታ ተዘጋጅተው መምጣታቸው፣ እኛ ደግሞ የቅዱስ ጊዮርጊስ ተጨዋቾች ስለሆንን ብቻ እነሱን በቀላሉ ማሸነፍ እንደምንችል አድርገን ወደ ግጥሚያው መግባታችንም ሊሆን ይችላል፡፡ ከዚህ በተጨማሪም ከአመታት በፊት ቡድኖች እኛን ሲያገኙ ቀድመው ተስፋ ቆርጠው ይገቡ ነበር አሁን ግን ነጥብ ማስጣልን አስበው ነው የሚገቡት እነዚህ ምክንያቶች ሊሆኑ ቢችሉም በጥናት መረጋገጥ አለበት፡፡

ልሳነ ጊዮርጊስ ፡- ላንተ ውብ እግር ኳስ ምንድን ነው ?

ፋሲል፡- ውብ እግር ኳስ የሚጫወት ቡድን ኳስን በአግባቡ የሚቆጣጠር እና ቶሎ ቶሎ በማጥቃት የግብ ዕድሎችን በመፍጠርና ግብ አስቆጥሮ ማሸነፍ የሚችል ቡድን ለእኔ ውብ እግር ኳስን ይጫወታል እላለሁ፡፡

ልሳነ ጊዮርጊስ ፡- የምትመርጠው የታክቲክ አሰላለፍ ?

ፋሲል፡- በቁጥር ግለፅ ካልከኝ እኔ ቁጥሮች ብዙም አያሳስቡኝም የታክቲክ ምርጫውን ስመርጥ የማስበው ነገር ቢኖር በሁሉም የሜዳ ክፍሎች ላይ ተጨዋቾችን ባላንስ ያደረገና አጥቅቼ እንድጫወት የሚያደርገኝን አሰላለፍ እመርጣለሁኝ ፡፡ ነገር ግን ታክቲክ እንደ ደሀ ብርድ ልብስ ነው ይባላል፡፡ ጭንቅላትህን ስትለብስ እግርህ ባዶ ይሆናል፡፡ እግርህን ስትለብስ ደግሞ ጭንቅላትህን ባዶ ይሆናል እና ከቁጥሮቹ ይልቅ ለቡድኔ ቅርፅ በጣም እጨነቃለሁ የግድ ምረጥ ካልከኝ ግን 4-3-3 እና 4-2-3-1 እመርጣለሁ፡፡

ልሳነ ጊዮርጊስ ፡- ይሄ የፋሲል ቡድን ነው የምንለው መቼ ነው ?

ፋሲል፡- እሱን በጊዜ ወይም በቀን ለመግለፅ ያስቸግራል፡፡ ቡድኑን በውድድር መሀል ነው የተቀበልነው፡፡ ከዝግጅት ጊዜ ጀምሮ ቢሆን በዚህ ቀን ነው ብዬ ልነግርህ እችላለሁ፡፡ አሁን እኛ በምንፈልገው መንገድ እየመከርን፣ እያሰራን እና እያጫወትን እንገኛለን፡፡ ነገር ግን የኛ የምንለውን ቡድን ለማሳየት ጊዜ ያስፈልገናል፡፡


 

ልሳነ ጊዮርጊስ ፡- በእግር ኳስ ህይወትህ ውስጥ ካለፉት አሰልጣኞች የትኛው ተፅዕኖ አድርጎብሀል ?

ፋሲል፡- በተጨዋችነትም በምክትል አሰልጣኝነት ዘመኔም ብዙ አሰልጣኞችን ተመልክቼያለሁ ከእያንዳንዱ አሰልጣኞች ጠንካራ ወይም በጎ ነው የምለውን ነገር ወስጃለሁኝ፡፡ ከእያንዳንዱ አሰልጣኝ የተማርኩት ብዙ ነገር አለ፡፡ ከዚህ በተጨማሪ ኳስ መጫወቴ፣ ማየቴ እና ከአሰልጣኞቼ የተማርኩት ነገር ሁል ጊዜም እራሴን እንድመስል የራሴ የሆነ ነገር እንዲኖረኝ አድርጎኛል፡፡

ልሳነ ጊዮርጊስ ፡- በዛሬው እለት ከመከላከያ ጋር እንጫወታለን አንተ ደግሞ ለገብረመድህን ጥሩ ስሜት እንዳለህ አውቃለሁ፡፡ ጨዋታው እንዴት ነው ?

ፋሲል፡- ለገብረመድህን ሀይሌ ትልቅ ክብር እና ፍቅር አለኝ፡፡ በዘመኔ ከተመለከትኳቸው ምርጥ ተጨዋቾች መካከል አንዱ ነው፡፡ ነገር ግን አሁን ከገብረመድህን ጋር በአሰልጣኝነት ተገናኘሁ ብዬ የተለየ ስሜት አይሰማኝም ባለፈው አመትም ተገናኝተን ነበር፡፡  በእለቱ አንድ ተጨዋች ጎሎብን ጥሩ የተጫወትነው እኛ ነን በጨዋታው ጥሩ ቅርፅ የነበረው የዕኛ ቡድን ነበር፡፡ ጨዋታውንም በጥሩ ሁኔታ መቆጣጠር ችለን የምንችለውን ሁሉ አድርገን ነበር፡፡

ልሳነ ጊዮርጊስ ፡- አሰልጣኝ ሆናችሁ ቡድኑን ከተረከባችሁ በኋላ ጫናው እንዴት ነው ?

ፋሲል፡- በቅዱስ ጊዮርጊስ ቤት ውስጥ ከተጨዋችነት ጀምሮ እዚህ እስክደርስ በጫና ነው ያደግነው፡፡ በተለይም ግን አሰልጣኝ ከሆንን በኋላ ጫናው ይጨምራል ነገር ግን የተለየ ስሜት አይሰማኝም እኔ ሁሌም በጫና ውስጥ ሆኜ ምን ማግኘት እንዳለብኝ ነው የማስበው፡፡

ልሳነ ጊዮርጊስ ፡- ለደጋፊው የምታስተላልፈው መልዕክት ካለህ ?

ፋሲል፡- ከልጅነታችን ጀምሮ ቅዱስ ጊዮርጊስ ስፖርት ክለብ ውስጥ ነን አሁን ስናስበው ትንሽ ቀን ይመስላል ግን ረዥም ነው፡፡ በእነዚህ ግዜ ውስጥ ደጋፊውን ምን እንደሚፈልግ እናውቃለን፡፡ እኛም እንደ አሰልጣኝ የቅዱስ ጊዮርጊስ ደጋፊ አሸንፈን ከስታዲየም እየጨፈረ እንዲወጣ ነው የምንፈልገው፡፡ ደጋፊውንም እስከ ጨዋታው ፍፃሜ ድረስ በትዕግስት በመጠበቅ እና ከጎናችን በመሆን እና ተጨዋቶቻችንን በማበረታታት የራሱን አስተዋፆኦ እንዲያደርግ እጠይቃለሁ፡፡

“ ለስርዓት ቅድሚያ እሰጣለሁ” ዘሪሁን ሸንጋታ

የቅዱስ ጊዮርጊስ ስፖርት ክለብ ብራዚላዊው አሰልጣኝ ኔያደር ዶ ሳንቶስን ከመጋቢት 11/2007 ዓ.ም ጀምሮ ማሰናበቱን እና በምትካቸውም የዕርሳቸው ረዳት አሰልጣኝ ሆነው ሲሰሩ የቆዩትን ፋሲል ተካልኝን በዋና አሰልጣኝነት እንዲሁም ዘሪሁን ሸንጋታን በምክትል አሰልጣኝነት መሾሙን ቅዳሜ መጋቢት 12 ቀን 2007 ዓ.ም በወጣው የልሳነ ጊዮርጊስ ጋዜጣ ላይ ማቅረባችን ይታወሳል፡፡

ክለባችን ቅዱስ ጊዮርጊስ በዋና አሰልጣኝ ፋሲል ተካልኝ እና በምክትሉ ዘሪሁን ሸንጋታ እየተመራ ወላይታ ዲቻን በምንያህል ተሾመ፣ ምንተስኖት አዳነ እና በአዳነ ግርማ ግቦች 3 ለ 1 በማሸነፍ የመጀመሪያውን ሶስት ነጥብ ማግኘቱን ምንያት በማድረግ የዚህ ሳምንት የልሳነ ጊዮርጊስ ጋዜጣ እንግዳ አድርገናቸዋል፡፡

ዘሪሁን ሸንገታ በአሁኑ ወቅት የቅዱስ ጊዮርጊስ ዋናው ቡድን ምክትል አሰልጣኝ ይሁን እንጂ በተጨዋችነትና በአሰልጣኝነት ህይወቱ ብዙዎች ማሳካት የማይችሉትንና በህልም ብቻ የሚቀሩበትን ጉዞ ማድረግ ችሏል፡፡ በአስራ ዘጠኝ ሰማንያዎቹ ለቅዱስ ጊዮርጊስ ወጣት ቡድን መሰለፍ የጀመረው ዘሪሁን ከአስር ዓመታት በላይ በቡድናችን ውስጥ በመጫወትና ለተወሰኑ ዓመታትም በአምበልነት በመምራት ስሙን  በቅዱስ ጊዮርጊስ የታሪክ ማህደር ውስጥ ማስመዝገብ ችሏል፡፡ ፈረንጆቹ የአንድ ክለብ ሰው (one club man) በሚሉት አይነት መልኩ የተጨዋችነት ዘመኑን ለቅዱስ ጊዮርጊስ ብቻ በተከላካይ ቦታ በመጫወት ያሳለፈው ዘሪሁን ሸንጋታ የአሰልጣኝነት ሕይወቱን “ሀ” ብሎ የጀመረውም የቅዱስ ጊዮርጊስን ወጣት ቡድን በማሰልጠን ነበር፡፡

በወጣት ቡድን ደረጃ ስኬታማ የአሰልጣኝነት ጊዜውን ካሣለፈ በኋላ ላለፉት ጥቂት አመታት የቅዱስ ጊዮርጊስ ዋናውን  ቡድን በረዳት አሰልጣኝነት ሲመራ ቆይቶ ከመጋቢት 11 ቀን 2007 ዓ.ም ጀምሮ ዋናውን የወንዶች ቡድን በምክትል አሰልጣኝነት በመምራት ላይ ይገኛል፡፡ ከልሳነ ጊዮርጊስ ጋዜጣ ዝግጅት ክፍል ጋር ያደረገው ቃለ ምልልስም በዚህ መልኩ ቀርቧል፡፡

ልሳነ ጊዮርጊስ፡- የቡድናችንን የመጀመሪያ ዙር አቋም እንዴት ተመለከትከው ?

ዘሪሁን፡- ቡድናችን በመጀመሪያ ዙር ሁለት አይነት መልክ ነበረው፡፡ የመጀመሪያው እና በጥንካሬ የማነሳው ነገር ቡድኑ የአንድነት ስሜት ነበረው ይህ ደግሞ ብዙ ጨዋታዎችን እንዳንሸነፍ አድርጎናል፡፡ በሁለተኛ ደረጃ ግን ቡድናችን በእንቅስቃሴ የማጥቃት ዘይቤ ላይ ችግር ነበረው፡፡ ሶስታችንም ተነጋግረን ለማስተካከል ስንጥር የነበረው ተጭኖ ተጫውቶ ግብ የሚያስቆጥር ቡድን ለመስራት ነበር፡፡

ልሳነ ጊዮርጊስ፡- ለብዙ ዓመታት ቡድናችን 4 ለ 0፣ 5 ለ 0 የሚያሸንፍባቸው ጨዋታዎች ብዙ ነበሩ አሁን ግን በጣም ቀንሰዋል የዚህ ምክንያቱ ምንድን ነው ትላለህ?

ዘሪሁን፡- ይሄ ነው ተብሎ ምክንያት መስጠት አትችልም፡፡ እኔ ስጫወት የነበረ ጊዜም ከዚያም በፊት የነበሩት የቅዱስ ጊዮርጊስ ቡድኖች በአመት ውስጥ በዛ ያሉ ጨዋታዎችን በሰፊ ግብ ልዩነት  ሲያሸንፉ እናይ ነበር፡፡ ወደ ሜዳ ስንገባም ሁሉም ቡድኖች የእኛን ቡድን ፈርቶት ነበር የሚገባው እና ይሄ ነው ልልህ አልችልም፡፡

ልሳነ ጊዮርጊስ፡- ለዘሪሁን ውብ ጨዋታ ማለት ምን ማለት ነው ?

ዘሪሁን፡-  ውብ ጨዋታ ማለት ኳሱን ይዞ አደራጅቶ በሰው ሜዳ ላይ በመጫወትና ኳስን በመያዝ ተጭኖ ግብ ማስቆጠር ለእኔ ውብ ጨዋታ ነው፡፡

ልሳነ ጊዮርጊስ፡-በታክቲክስ የምትመርጠው አጨዋወት በቁጥር ግለፅ ብትባልስ?

ዘሪሁን፡- በዛውን ጊዜ የራስህ ፍልስፍና ቢኖርም በጨዋታ ላይ እና እንደተጋጣሚህ አጨዋወት የምትቀያይራቸው ነገሮች ይኖራሉ፡፡ ለእኔ ግን ቡድኔ 4-4-2 ወይም 4-3-3 ቢጫወት እመርጣለሁ፡፡

ልሳነ ጊዮርጊስ፡- የፋሲል እና   የዘሪሁንቡድን ይሄ ነው ብለን መቼ እናየዋለን?

ዘሪሁን፡- እንዲህ ብለህ አትገልፀውም እኛ በመጀመሪያው ዙር የነበሩብንን ችግሮች በማስተካከል ላይ ነው ያለነው፡፡ በተለይም እየሰራን ያለነው ከግብ ጠባቂ እስከ አጥቂ ድረስ ያሉት ተጨዋቾችን በልበ ሙሉነት ወደሜዳ ገብተው እንዲጫወቱ ለማድረግ ነው፡፡ እንጂ የእኛ የራሳችን የምንለው ቡድን ለመገንባት ጊዜ ያስፈልገናል፡፡

ልሳነ ጊዮርጊስ፡- በዚህ ዓመት ካደረግናቸው ጨዋታዎች ላንተ ምርጡ ጨዋታ የትኛው ነው?

ዘሪሁን፡- በ19ኛው የአፍሪካ ሻምፒየንስ ሊግ የመጀመሪያው ዙር የመልስ ጨዋታ ኤም.ሲ.ዑልማ ጋር ባህር ዳር ስታዲየም ያደረግነው ጨዋታ ለእኔ ምርጡ ነው፡፡

ልሳነ ጊዮርጊስ፡- የቅዱስ ጊዮርጊስ ተጨዋች ነበርክ ከዚያ የወጣት ቡድን ከዚያ ረዳት ከሆንክ በኋላ አሁን የዋናው ቡድን አሰልጣኝ ሆነሀል ጫናው እንዴት ነው ?

ዘሪሁን፡- በመጀመሪያ ደረጃ ይህንን ሀላፊነት ስንቀበል የመጀመሪያችን አይደለም ከዚህ በፊትም ቡድናችንን በዋና አሰልጣኝነት እንድንመራ ዕድል አግኝተን የተወሰኑ የጥሎ ማለፍ እና የኮን ፌዴሬሽን ጨዋታዎችን በሀላፊነት መርተናል፡፡ ክለቡ ትልቅ ስም ያለው ፣ ብዙ ደጋፊ ያለውና የሰፊ ታሪክ ባለቤት ስለሆነ ጫናው ከባድ ነው፡፡ ነገር ግን እኛ ይሄንን ተጨዋችም ሆነን ስለምናውቀው የሚፈጠር አዲስ ነገር የለም፡፡ እኛ ለማድረግ ያሰብነው እኛ ጋር ያለውን ፍላጎት አንፀባርቀን ተጨዋቾች በሙሉ ልብ እንዲጫወቱ ማድረግ ነው፡፡

ልሳነ ጊዮርጊስ፡- በተጨዋችነት ብዙ አሰልጣኞች አሰልጥነውሀል ረዳት አሰልጣኝ የነበርክ ጊዜም ከተለያዩ አሰልጣኞች ጋር የመስራት ዕድሉን አግኝተሀል፣ የትኛው አሰልጣኝ ተፅዕኖ አድርጎብሀል ?

ዘሪሁን፡- እንደተባለው በቅዱስ ጊዮርጊስም ሆነ በኢትዮጵያ ብሔራዊ ቡድን ስጫወት የተለያዩ አሰልጣኞች አሰልጥነውኛል፡፡ ነገር ግን ከሁሉም አሰልጣኞች የተለያዩ ጥሩ ነገሮችን ወስጄያለው፡፡ እንጂ ይሄ አሰልጣኝ በስልጠና ፍልስፍናዬ ላይ ተፅዕኖ አድርጎብኛል ልልህ አልችልም፡፡ ለምሳሌ አንድ አሰልጣኝ በአካል ብቃት አሰለጣጠን ላይ ጥሩ ሲሆን ይህንን ከሱ ወስጄያለሁ፣ አንዱ ደግሞ ተጨዋቾችን በማስተዳደር ላይ ጥሩ ሲሆን ይህንን ከሌላው አሰልጣኝ ትወስዳለህ፡፡ ስለዚህም ከሁሉም አሰልጣኝ ብዙ ነገሮችን ወስጄያለሁ ማለት እችላለሁ፡፡

ልሳነ ጊዮርጊስ፡- በቡድንህ ውስጥ ቅድሚያ ለምን ትሰጣለህ ?

ዘሪሁን፡- እግር ኳስ ስፖርት ነው ስፖርት ደግሞ በስነ-ስርዓት የተገነባ ነው መቼ ማረፍ፣ መቼ መጫወት፣ መቼ ልምምድ መስራት እንዳለብህ ለዚህ ሁሉ ፕሮግራም ያስፈልገዋል፡፡ ውጤት ለማምጣት ከላይ የጠቀስኳቸውን ነገሮች በስርዓት ማክበር አለበት፡፡ ለቡድን ቀዳሚው ውጤት ሳይሆን ስነ ስርዓት (Dispiline) ነው፡፡

ልሳነ ጊዮርጊስ፡- ባለፈው ዓመት በኢትዮጵያ ጥሎ ማለፍ የፍፃሜ ጨዋታ ላይ ቅዱስ ጊዮርጊስን  ይዛችሁ ቀርባችሁ መከላከያን ገጥማችሁ ነበር ? ዛሬስ ምን እንጠብቅ  ?

ዘሪሁን፡- በ2005 ዓ.ም የኢትዮጵያ ጥሎ ማለፍ ዋንጫ ቅዱስ ጊዮርጊስን ይዘን ከመለከላከያ ጋር ተጫውተን ነበር፡፡ ዘንድሮም ለሁለተኛ ጊዜ ተገናኝተናል፡፡ በዛሬው እለት አላማችን ማሸነፍ እና ማሸነፍ ነው፡፡ ባለፈው ዓመት ባደረግነው ጨዋታ ጥሩ ጨዋታን ብናሳይም በመከላከያ ተሸንፈናል፡፡ አሁን ደግሞ በሌላ ውድድር በወሳኝ ጨዋታ ተገናኝተናል እናሸንፋለን ብዬ አስባለሁ፡፡

“ በቅዱስ ጊዮርጊስ ስፖርት ማህበር ጽ/ቤት እየተካሄደ የሚገኘው የከረንቦላ ውድድር ዛሬ ግማሽ ፍፃሜ ይደረጋል፡፡”

በቅዱስ ጊዮርጊስ ስፖርት ማህበር ጽ/ቤት መዝናኛ ማዕከል በየዓመቱ የፋሲካ በዓልን ምክንያት በማድረግ የከረንቦላ ውድድር የሚካሄድ መሆኑ ይታወቃል፡፡ በቀጣይ ሳምንት ሚያዚያ 4 ቀን 2007 ዓ.ም የሚከበረውን የትንሳኤን በዓል በማስመልከት እንደ ከዚህ ቀደሙ ሁሉ ዘንድሮም የከረንቦላ ውድድር በቅዱስ ጊዮርጊስ ስፖርት ማህበር ጽ/ቤት መዝናኛ ማዕከል እየተካሄደ ይገኛል፡፡ በየዓመቱ የፋሲካን በዓል ምክንያት በማድረግ የሚዘጋጀውን የከረንቦላ ውድድር አጠቃላይ ሙሉ ወጪውን በመሸፈን እንዲዘጋጅ የሚያደርጉት የቅዱስ ጊዮርጊስ ስፖርት ማህበር ፕሬዚዳንት አቶ አብነት ገ/መስቀል ናቸው፡፡

የዘንድሮው የከረንቦላ ውድድር የተለየ የሚያደርገው በቅዱስ ጊዮርጊስ ስፖርት ማህበር ጽ/ቤት መዝናኛ ማዕከል ከሚካሄደው ውድድር በተጨማሪ በቅዱስ ጊዮርጊስ የተጨዋቾች የመኖሪያ ሆስቴል ውስጥ ለተጫዋቾች ብቻ የፋሲካን በዓል በማስመልከት የተዘጋጀው የከረንቦላ ውድድር መኖሩ ነው፡፡ የትንሳኤን በዓል ምክንያት በማድረግ ለመጀመሪያ ጊዜ በተዘጋጀው የቅዱስ ጊዮርጊስ ተጨዋቾች መካከል ከረንቦላ ውድድር ተሳታፊዎች ስምንት ተጨዋቾች ናቸው፡፡ እነሱም ፡- 1 ደረጃ ፡- ሣምሶን አሠፋ፣ ዳዋ ሁጤሣ፣   አሉላ ግርማ፣ደጉ ደበበ  እና 2 ደረጃ ፡- አዳነ ግርማ፣ ቢያድግልኝ ኤልያስ፣ መሀሪ መና፣ፍፁም ገ/ማርያም መሆናቸው ታውቋል፡፡ በሌላ በኩልበቅዱስ ጊዮርጊስ ስፖርት ማህበር ጽ/ቤት መዝናኛ ማዕከል እየተካሄደ የሚገኘው የከረንቦላ ውድድር በሁለት ምድብ ተደልድለው የሚያካሂዱበት ሲሆን ለዚህም በወጣቶች በአራት ምድብ በመከፋፈል አስራ ስድስት ተወዳዳሪዎች እንዲሁም በአዛውንቶች በአራት ምድብ ተደልድለው አስራ ስድስት ተወዳዳሪዎች ተካፍለውበታል፡፡ ከጅማሬው አንስቶ በተወዳዳሪነት ከቀረቡት ተወዳዳሪዎች መካከል ትላንት በተካሄደው የሩብ ፍፃሜ ውድድር ላይ ከወጣቶች ምድብ ኤፍሬም ከ ሄኖክ ፣ ቶማስ ከ ሃብታሙ፣ ሚኪያስ ከ ኤርምያስ እና እያሱ ከ በእምነት በሩብ ፍፃሜ ተገናኝተው ወደ ግማሽ ፍፃሜ የሚያስገባቸውን ውድድር አካሂደዋል፡፡


በአዛውንቶች ምድብ በአራት ምድብ ተደልድለው ተከፋይ ከሆኑት አስራ ስድስት ተወዳዳሪዎች ለሩብ ፍፃሜ የቀረቡት ስምንት ተፎካካሪዎች ነጋ ከ አፈወርቅ፣ ፍቃዱ ከ የሺጥላ፣ ታዬ ከ ትዝታው እና ሲሳይ ከ አሰፋ ትላንት የሩብ ፍፃሜ ጨዋታ ያካሄዱ ሲሆን አሸናፊዎች ለግማሽ ፍፃሜ የሚቀርቡ ይሆናል፡፡ የዘንድሮውን ውድድር ለየት ከሚያደርገው ነገር አንዱ የተሳታፊዎች ቁጥር በእጥፍ ጨምሮ መገኘቱ ነው፡፡ ይኸው በወጣቶችና በአዛውንቶች መካከል የሚካሄደው የግማሽ ፍፃሜ ውድድር ዛሬ ከ10፡00 ጀምሮ በቅዱስ ጊዮርጊስ ስፖርት ማህበር ጽ/ቤት መዝናኛ ማዕከል የሚካሄድ ሲሆን የደረጃና የፍፃሜ ጨዋታዎች የትንሳኤ በዓልን ዋዜማ ሚየዚያ 3 ቀን 2007 ዓ.ም ከጠዋት ጀምሮ የሚካሄድ ይሆናል፡፡

በአሰልጣኝ በላቸው ኪዳኔ የሚሰለጥነው የቅዱስ ጊዮርጊስ ታዳጊ ቡድን በመጀመሪያው ዙር ያደረጋቸውን አራት ጨዋታዎች ከአዳማ ከነማ 1-1 ፣ ከሙገር ሲሚንቶ 2-2 ፣ ከአዲስ አበባ ከተማ 1-1 በአቻ ውጤት ተለይይቶ ኢትዮጵያ  ቡናን 1-0 በማሸነፉ ተጋጣሚዎች ላይ አምስት ግብ አስቆጥሮ አራት ግብ ተቆጥሮበት በስድስት ነጥብ የመጀመሪያ ዙር ውድድሩን አጠናቋል፡፡