Newsletter Signup

Sign-up to stay in touch with Saint George FC

Reagent/Protectorator
Yidnekatchew Tessema
Mengistu Worku

St. George Gallery

News

ርዕስ አንቀጽ እግር ኳሳችንን የተሻለ ደረጃ ለማድረስ

የስፖርት ማህበራችን በኢንተርናሽናል ውድድሮች መሳተፍ የሀገራችንን መልካም ገጽታ የሚያንፀባርቅና ለእግር ኳሳችንም እድገት የሚበጅ መሆኑን በማመን የውጭ ሀገር አሰልጣኞችና ተጫዋቾች በማስመጣት የሚፈለገው ግብ ላይ ለመድረስ ብርቱ ጥረት ያደርጋል፡፡

በአፍሪካ ሻምፒዮንስ ሊግ ከስምንቱ ሀያል ክለቦች አንዱ ለመሆን ከሶስት ጊዜ በላይ ከጫፍ ደርሰን ስኬታማ ለመሆን ባንችልም በአፍሪካ ኮንፌዴሬሽን ካፕ ግን የተሻለ ርቀት በመጓዛችንና ያለን አደረጃጀት ታይቶ የአፍሪካ እግር ኳስ ኮንፌዴሬሽን ከአፍሪካ ኤሊት ክለቦች አንዱ በማለት የሰየመን መሆኑ አይዘነጋም፡፡

የኢትዮጵያ እግር ኳስ ፌዴሬሽን በቅርቡ ባወጣው አዲስ ደንብ የውጭ ሀገር ተጫዋቾች ቁጥር 3 ብቻ እንዲሆን መወሰኑ በተለይም በኢንተርናሽናል ውድድሮች ያለንን ተሳትፎ የሚገታ፣ የሀገራችንን እግር ኳስ ደረጃ የሚያወርድና ገጽታንም የሚቀይር ሆኖ አግኝተነዋል፡፡ በመላው ዓለም ከሚሠራበት የስፖርት አደረጃጀት አግባብ ተነጥለን በራሳችን ምሁዋር ብቻ መሽከርከር የትም እንደማያደርሰን የስፖርት ማህበራችን በጽኑ ያምናል፡፡

የሀገራችን እግር ኳስ ለማሳደግ ብርቱ ጥረቶች ተደርገዋል፡፡ ወደ ተሻለ ደረጃም ለማድረስም ያለንን አማራጭ ለመጠቀም የውጭ ሀገር ተጫዋቾችን ቀላቅለን ማጫወቱ ደግሞ ይበልጥ በእግር ኳሳችን ተጠቃሚ ሆነንበታል፡፡ ከጊዜ ወደ ጊዜም በተግባር ተመልክተናል፡፡ እንዲህ አይነቱ አሰራር ወደ ፊትም ተጠናክረን ከሄድንበት እግር ኳሳችንን ከሌሎች ተፎካካሪዎቻችን የተሻለ እንደሚያደርገን ያመንበት ጉዳይ ነው፡፡

በዓለም አቀፍ ፌዴሬሽኖችም ሆነ በልዩ ልዩ ሀገራት ያለው ተሞክሮ አንድ አዲስ ደንብ ሲወጣ ተግባራዊ እንዲሆን የሚደረገው የጊዜ ገደብ ተሰጥቶ ነው፡፡ ደንቡ አሁን በክለባችን ያሉትን ፕሮፌሽናል የውጭ ሀገር ተጫዋቾች እጣ ፈንታ እንኳን የሚወስን ሆኖ ባለመገኘቱ ከኢንተርናሽናል የውድድሮች መድረክ ለመራቅ በመገደዳችን በቅርቡ ታንዛኒያ ላይ ከሚደረገው የምስራቅና መካከለኛ አፍሪካ ክለቦች ሻምፒዮና ራሳችንን ለማግለል ወስነናል፡፡

የ2007 ዓ.ም. ኮኮብ አሰልጣኝ ፋሲል ተካልኝ

ይህ ዓመት ለአሰልጣኝ ፋሲል ተካልኝ ልዩ ዓመት ነው፡፡ የኳስ ጅማሬውን በቅዱስ ጊዮርጊስ ቤት ውስጥ ያደረገውና በ1990 ዓ.ም. ክለባችን ከአንደኛ ዲቪዚዮን ወደ ፕሪሚየር ሊግ ሲያድግ ኮኮብ ተጫዋች በመሆን ተመርጦ የነበረው ፋሲል ተካልኝ አሁን ደግሞ ከ1990 በኋላ የሊጉን ዋንጫ በአሰልጣኝነትም በተጫዋችነትም በማንሳት ብቸኛው ባለታሪክ ሆኗል፡፡ ፋሲል ስለዚህ ሲናገርም “በዚህ በወጣትነት ዕድሜዬ የዓመቱ ኮኮብ አሰልጣኝ ሆኜ መመረጤ ለኔ ልዩ ክብር ይሰማኛል ወደ ፊትም ከዚህ የበለጡ ከባድ የሆኑ ሀላፊነቶች እንደሚጠብቀኝ አስባለሁ፤ ይህ ሽልማትም ለነዚህ ፈተናዎች መነሻ ይሆነኛል ብዬ አስባለሁ ብሏል”፡፡

ፋሲል ተካልኝ ክለባችን በ1991 እና በ1992 ዓ.ም. የዋንጫ ባለቤት ሲሆን የክለባችን አምበል የነበረ ሲሆን ነው፡፡ ሊጉ በቅዱስ ጊዮርጊስ ስፖርት ክለብ እያሰለጠኑ ኮኮብ ከተባሉ አሰልጣኞች 6ኛው ለመሆን በቅቷል፡፡ ከዚህ በፊት አስራት ሀይሌ (2ጊዜ)፣ ስዩም ከበደ (2 ጊዜ)፣ ስርዲዮቪች ሚሎሶቪች ሚቾ (5 ጊዜ)፣ ዳንኤሎ ፒየርለጂ ማርት ኖይ፣ ፋሲል ተካልኝ ናቸው፡፡

ከ1990 ዓ.ም ጀምሮየነበሩትባለድልአሰልጣኞችየሚከተሉትናቸው፡፡

1990 – ሀጎስደስታ(መብራትኃይል)

1991 – አስራትኃይሌ(ቅዱስጊዮርጊስ)

1992 – አስራትኃይሌ(ቅዱስጊዮርጊስ)

1993 – ጉልላትፍርዴ(መብራትኃይል)

1994 – ስዩምከበደ(ቅዱስጊዮርጊስ)

1995 – ስዩምከበደ(ቅዱስጊዮርጊስ)

1996 – ከማልአህመድ(ሀዋሳከነማ)

1997 – ስሬድዮቪችሚሉቲንሚቾ›(ቅዱስጊዮርጊስ)

1998 – ስሬድዮቪችሚሉቲንሚቾ›(ቅዱስጊዮርጊስ)

1999 – ከማልአህመድ(ሀዋሳከነማ

2000 – ስሬድዮቪችሚሉቲንሚቾ›(ቅዱስጊዮርጊስ)

2001 – ስሬድዮቪችሚሉቲንሚቾ›(ቅዱስጊዮርጊስ)

2002 – ስሬድዮቪችሚሉቲንሚቾ›(ቅዱስጊዮርጊስ)

2003 – ውበቱአባተ(ኢትዮጵያቡና)

2004 – ዳንኤሎፒየርሉዊጂ (ቅዱስጊዮርጊስ)

2005 – ንጉሴደስታ (ደደቢት)

2006 – ማርት ኖይ (ቅዱስጊዮርጊስ)

2007 –ፋሲልተካልኝ (ቅዱስጊዮርጊስ)

ምሶሶው የ2007 ዓ.ም. የኢትዮጵያ ፕሪሚየር ሊግ ኮኮብ ተጨዋች ሆኗል፡፡

እንደተጠበቀው የ2007 ዓ.ም. የኢትዮጵያ ፕሪሚየር ሊግ ኮኮብ ተጨዋች በሀይሉ አሰፋ (ቱሳ) ሆኗል፡፡ በዘንድሮው ዓመት ባሳየው ተደናቂ አቋም የቅዱስ ጊዮርጊስ ደጋፊዎች “ሱዋሬዝ፣ ቱሳ ሱዋሬዝ” እያሉ በዜማ ሲያንቆለጳጵሱት የነበረው ያለምክንያት እንዳልሆነ ግንቦት 23/2007 ዓ.ም. በተካሄደው የዋንጫ አሰጣጥ ፕሮግራም ላይ የኮኮብነትን ሽልማት በማግኘት ለደጋፊው አሳይቷል፡፡ በሀይሉ በዘንድሮው ዓመት ክለባችን ላደረገው ስኬታማ ጉዞ ያደረገው አስተዋፅኦ ቀላል የሚባል አልነበረም፡፡

በሀይሉ አሰፋ በብዙ የእግር ኳስ ተከታታዮች ዘንድ የዘንድሮው የሊጉ ኮኮብ ተጫዋች እንደሚሆን ተስፋ ተደርጓ ነበር፡፡ አንተ ምን ታስባለህ ተብሎ ለቀረበለት ጥያቄ “ኮኮብነቴን የሚወስነው ተመልካቹ ነው” በማለት መልስ መስጠቱ ይታወሳል፡፡ የኢትዮጵያ ፕሪሚየር ሊግ ተጠናቅቆ የመዝጊያ ፕሮግራም በተደረገበት እለትም በሀይሉ አሰፋ የኮኮብነቱን ሽልማት እንባውን እያነባ ከኢትዮጵያ እግር ኳስ ፌዴሬሽን ሀላፊዎች ተረክቧል፡፡ በሀይሉ ስለ ሽልማቱ ተጠይቆ ሽልማቱ “የእኔ ብቻ ሳይሆን ዝናብ፣ ፀሀይ ሳይል ክልል ሜዳዎች ድረስ እየተንከራተተ ሲደግፈን የነበረው ደጋፊ እና የመላው የክለብ ጓደኞቼ ጭምር ነው” ሲል አስተያየቱን ሰጥቷል፡፡ እንደማንኛውም ኢትዮጵያዊ እግር ኳስ ተጫዋች ኳስን በሰፈር ውስጥ መጫወት የጀመረው በሀይሉ ከ13 ዓመቱ ጀምሮ በፕሮጀክት በመያዝ አሁን በደረሰበት የእግር ኳስ ህይወቱ ላይ ይገኛል፡፡

በሀይሉ በሁሉም ዘንድ የሚታወቅበት ቱሳ የሚል ቅፅል ስም አለው፡፡ ይህንን ቅፅል ስም ያወጡለት የወላጅ አባቱ የቅርብ ጓደኛ የሆኑ ሰው ነበሩ፡፡ በወላይትኛ ቋንቋ ቱሳ ማለት ምሶሶ ማለት ነው፡፡

በሀይሉ አሰፋ ሊጉ እንደ አዲስ ከተጀመረበት ከ1990 በኋላ የኮኮብነት ሽልማት የወሰደ 13ኛው ተጫዋች ሲሆን በክለባችን ደግሞ ስድስተኛው ለመሆን በቅቷል፡፡ በሀይሉ አሰፋ የ2007 ዓ.ም. የኢትዮጵያ ፕሪሚየር ሊግ ኮኮብ በመሆን የ25,000 ብር ተሸላሚ ሆኗል፡፡

ከ1990 ጀምሮ የኢትዮጵያ ፕሪሚየር ሊግ ኮኮብ ተጫዋች

የሆኑት የሚከተሉት ናቸው፡፡

      1990-አንዋር ያሲን (መብራት ሀይል )

      1991- አህመድ ጁንዲ (ምድር ባቡር )

      1992-አንዋር ሲራጅ (መብራት ሀይል)

      1993-አሸናፊ ግርማ (ኢትዮጵያ ቡና)

      1994-ሙሉዓለም ረጋሳ (ቅዱስ ጊዮርጊስ)

      1995-አሸናፊ ግርማ (ኢትዮጵያ ቡና)

      1996-ሙሉጌታ ምህረት (ሀዋሳ ከነማ)

      1997- ደጉ ደበበ (ቅዱስ ጊዮርጊስ)

      1998-ቢኒያም አሰፋ (ቅዱስ ጊዮርጊስ)

      2000-ታፈሰ ተስፋዬ (ኢትዮጵያ ቡና)

      2001-ጌታነህ ከበደ (ደቡብ ፖሊስ)

      2002-ጀማል ጣሰው (ደደቢት)

      2003-አዳነ ግርማ (ቅዱስ ጊዮርጊስ)

      2004-ደጉ ደበበ (ቅዱስ ጊዮርጊስ)

      2005-ጌታነህ ከበደ (ደደቢት)

      2006 - ኡመድ ኡኩሪ (ቅዱስ ጊዮርጊስ)

      2007- በሀይሉ አሰፋ (ቅዱስ ጊዮርጊስ)

እነማን ነበሩ?

ስማቸው በእንግሊዘኛው ፊደል ‹‹t› ቤት የሚጀምሩ ተጨዋቾችን ዛሬ በእነማን ነበሩ ስር እናስተዋውቃችኋለን፡፡

ተስፋዬ ጥላሁን..... ከሮተሪ ክለብ ሜዳ የተገኘና ከህጻናት ቡድን ጀምሮ ለቡን በአንበልነት የመራ ተጨዋች ነው፡፡ በጸባዩ የተመሰገነ በመሀል ሜዳ ትልቅ ስራ ያከናወነ ተጫዋች ነው፡፡ያለቀለት ኳስ ጨርሶ በማቀበልና በቴስታ ችሎታው የተደነቀ ነው፡፡ ከ1950 ዎቹ አጋማሽ ጀምሮ ቡድኑ በ1970 እስኪፈርስ አባል ነበር፡፡በ1975 ቡድኑ እንደገና ሲቋቋም እድሜው ቢገፋም ጥሪውን ተቀብሎ ለቡድኑ አገልግሎት የሰጠ ተጫዋች ነው፡፡ ተስፋዬ ዛሬ በህይወት የለም፡፡

ዶክተር ተቀዳ አለሙ፡፡......ገና በወጣትነት ነው ቡድኑን መቀላቀል የቻለው፡፡በጊዮርጊስ ማሊያ ለብሄራዊ ቡድን መሰለፍ የቻለ ተጨዋች ነው፡፡በ1961 የኢትዮጵያ ተስፋ ቡድን ሱማሌን 18ለ1 ባሸነፈበት ጨዋታ ትልቁን ሚና ተጫውቷል ፡፡በዚህ ግጥሚያ አምስት ግብ አስቆጥሯል፡ በነጥብ ጨዋታ እስካሁን በብሄራዊ ደረጃ በአንድ ጨዋታ አምስት ግብ ማስቆጠር የቻለ ባለመኖሩ ሪከርዱን መያዝ ችሏል፡፡በጊዮርጊስ ክለብ ውስጥ ከተጨዋችነት ተነስተው በመንግስት ስልጣን ደረጃ በሚንስትነት ካገለገሉት ሰዎች አንዱ ነው፡፡

ታፈሰ ማሞ...መንግስቱ ወርቁ ኳስ ካቆመ በኋላ 8 ቁጥር ማሊያ የለበሰ ተጨዋች ነው፡፡በ1960 ዎቹ አጋማሽ ጀምሮ መጫወት የቻለ ነው፡፡ አሁን ካናዳ ውስጥ የሀውሲንግ ፕሮጀክት ማናጀር ነው፡፡ለገሀር ያለው ነጩን የንግድ ባንክ ህጻ ከስር ውሃ ስለነበር ጋራንቲ የሰጠው እርሱ እንደሆ ይነገራል፡፡ምጽዋ ወደብ ላይ መሀንዲስ ሆኖ እስከመስራት የደረሰ ነው፡፡

ታደሰ ወልደአረጋይ...በቅጽል ስሙ ‹‹ታደሰ ገበርዲን›› ብለው ነው የሚጠሩት በአጥቂ መስመር በ1950ዎቹ አጋማሽምሮ መጫወት የቻለ ነው፡፡ከክለቡ አልፎ ለብሄራዊ ቡድን መሳተፍ ችሏል፡፡ታደሰ ከእግር ኳስ ተጨዋችነቱ በኋላ በአሰልጣኝነት ከመንግስቱ ጋር ከፍተኛው ኮርስ የወሰደ ሲሆን በ1978 ጊዮርጊስን ማሰልጠን ችሏል ፡፡ታደሰ በ1977 አስደናቂ የነበረውን የነሙሉጌታና ገብረመድን ወጣት ቡድን አሰባስቦ የሰራ አሰልጣኝ ነበር፡፡ታደሰ ዛሬ በህወት የለም፡፡ክለቡ ግን አይረሳውም፡፡

ተስፋዬ ኡርጌቾ.....ከአየር ሀይል ክለብ ጊዮርጊስን የተቀላቀለ የመሀል ሜዳ ተጫወች ነው፡፡ከመሀል አልፎም በአጥቂ ቦታ ግብ የሚስቆጥር ወሳኝ ተጨዋች ነው፡፡ጊዮርጊስ በ1987 በኢትዮጵያ ሻምፒዮና ዋንጫውን እንዲገኝ ሁለት ጥርሱን እስከማስረከብ የደረሰ ተጨዋች ነው፡፡በ1986 የአዲስ አበባ ኮከብ ተብሎ ተሸልሟል፡፡ተስፋዬ ዛሬ በአሜሪካ ይኖራል፡፡

ታደለ ከተራ....በ1960ቹ አጋማሽ የነበረ ግብ ጠባቂ ነው፡፡የጌታቸው አበበ ተጠባባቂ ነበር፡፡ጥሩ ችሎታ ቢኖረውም ጌታቸውን አስቀምጦ ቦታውን መያዝ አልቻለም፡፡እንደዛም ሆኖ በተለያየ ግጥሚያ በመሰለፍ ለቡድኑ አገልግሎት መስጠት የቻለ ግብ ጠባቂ ነው፡፡

ታምራት አስፋው......በቅጽል ስሙ ‹‹ታምራት ቴክስ›› እያሉ ይጠሩታል፡፡በ1960ዎቹ የክለቡ ተመዝጋቢ ተጫዋች ነበር፡፡ብዙም ሳይቆይ ወደ አሜሪካ በመሄዱ ለክለቡ በሚፈለገው ያህል ማገልገል አልቻለም

ተስፋዬ ዘለቀ........በ1970 ዎቹ መጀመሪያ አንስቶ ለብሄራዊ ድን የመሰለፍ እድል ያገኘው ተስፋዬ ጊዮርጊስ በ1976 ከታችኛው ዲቪዚዮን ወደ ዋናው ውድድር ከተቀላቀለ በኋላ የመጀሪያው ግብ ጠባቂ ሆኖ የተሰለፈ ነው፡፡ተሰፋዬ ከሜታ ቢራ ነው ቡድኑን የተቀላቀለው፡፡ በ1977 እና 78 ቡድኑ የበርካታ ዋንጫ ባለቤት ሲሆን ተሰላፊ ነበር፡፡በቅጽል ስሙ ‹‹ቸስ››ብለው ይጠሩታል፡፡፡አሁን በፋብሪካው ውስጥ እየሰራ ይገኛል፡፡

ታደሰ ወልደጻዲቅ.....ጊዮርጊስ በ1976 ሁለተኛ ዲቪዚዮን ባደረጋቸው በርካታ ጨዋታዎች ተሰላፊ ነበር፡ቡድኑ በ50ዎቹ ክለቦች ግዜ ማጣሪያውን ሲያደርግ ጀምሮ የነበረ ነው፡፡ሚያዝያ 7 ቡድኑ ወደ ላይ ለመውጣት ከጭማድ ጋር ባደረገው የመጨረሻ ፍልሚያ ተሰላፊ ነበር፡ጊዮርጊስ ዋናውን ዲቪዚዮን ከተቀላቀለ በኋላ አልፎ አልፎ የመሰለፍ እድል ቢያገኝም ከቡድ ጋር ለአስር አመት ያህል ቆይቷል፡፡አሁን ኑሮውን በአሜሪካ አድርጎ ይገኛል፡፡

ታዲዮስ ጌታቸው ደሳለኝ ገብረጊዮርጊስን ተከቶ ለቡድኑ መሰለፍ የቻለ በረኛ ነው፡፡ከታች ነው ያሳደጉት፡በ1990ዎ መጀመሪያ አንስቶ ለብዙ ግዜ የመሰለፍ እድል ያገኘ ግብ ጠባቂ ነው፡፡ከታዳጊ እስከ ዋናው ብሄራዊ ቡድን የመሰለፍ እድል ያገኘ ጎበዝ ግብ ጠባቂ ነው፡፡

ድሮስ ሰለሞን.....ከነቤተሰቡ ኳስ ተዋች ነው፡የአባይ ሰለሞንና የደጎል ወንድም ነው፡፡፡ በቋሚ ተሰላፊነት ብዙም እድል ባያገኝም በግብ ጠባቂነት ቡድኑ ውስጥ መቆየት ችሏል፡፡

ጸጋዬ ዜና.....በ1990ዎቹ መጀመሪያ ለቡድኑ በግብጠባቂነት የተመዘገበ ተጨዋች ነው፡፡ጸጋዬ ከህጻናት ቡድን ጀምሮ ለቡድኑ አባል የነበረ ተጨዋች ነው፡፡

ታሪኩ ስምኦን.....በቀኝ መስመር በአጥቂነት መሰለፍ የቻለ ፈጣ ተጨዋች ነው፡፡ ቁመቱ አጭር ሲሆን እልህኛና ታታሪ ተጨዋች ነው በ1980ዎቹ ለክለቡ ተሰላፊ ነበር፡፡፡በ1983 ካይሮ ላይ 15የወጣት ቡድ ተጨዋቾች ሲኮበልሉ ከቡድኑ ጋር አብሮ ቀርቶ ነበር ፡፡ጊዮርጊስ ከአሰላ ነበር ያገኘው፡፡

ተስፋዬ ተመስገን.......የብሄራዊ ውትድርና ዘማች ነው፡፡ከመቻል ክለብ ስለመጣ በቅጽል ስሙ‹‹ጦሩ››ብለው ይጠሩታል፡መሀል ሜዳ ላይ ቴክኒሽያን ተጨዋች ነው፡፡ሰለሞን ሉቾን ተክቶ ቦታውን እስከመረከብ የደረሰ ነው፡፡አሁን ኑሮውን በአዲስ አበባ አድርጓል፡፡

ተዘራ ዘሪሁን.....በ1950 ዎቹ መጀመሪያ ለጊዮርጊስ በግራ መስመር በአጥቂነት የተጫወተ ነው፡፡ ለነጸረና ይድነቃቸው ለግብ የሚሆን ኳስ አመቻችቶ የሚያቀብል ነበር፡፡በጸባዩ ምስጉን ነበር፡፡ከተጨዋችነት በኋላ በተለያየ ሙያ አገልግሏል፡፡ ከዚያ በፌዴሬሽን ጽፈት ቤት ለብዙ ግዜ ሰርቷል፡ለኢትዮጵያ ብሄራዊ ቡድንም ለመሰለፍ የቻለ ተጨዋች ነው፡፡

ተስፋዬ ታደሰ....ተስፋዬ ከአሰላው ኒያላ ክለብ ጊዮርጊስን መቀላቀል የቻለ የተከላካይ መስመር ተጨዋች ነው፡በ1980 ዎቹ መጀመሪያ በቡድኑ ውስጥ ነበር፡፡ ብዙም አመት ሳይቆይ ወደ ሌላ ክለብ ተዛውሯል፡፡ጓደኞቹ ተስፊቲ ብለው ይጠሩታል፡፡ በ1987 የኢትዮጵያ ኮከብ ተጨዋች ተብሎ መመረጥ እድል አግኝቷል፡፡ተስፊቲ አሁን ኑሮውን በአሜሪካ አድርጓል፡፡

ታረቀኝ ቢሻው....ጊዮርጊስ ከታች ዲቪዚዮን ጀምሮ ለክለቡ በተካላካይ መስመር ከፍተኛ አገልግሎት ሲሰጥ የነበረ ተጨዋች ነው፡፡ ለብዙ አመት በአምስት ቁጥር ቦታ በቋሚ ተሰላፊነት አገልግሏል፡፡ ለጊዮርጊስ ከአስር አመት ያላነሰ ግዜ ተጫውቷል፡፡ታረቀኝ አሁን በአዲስ አበባ ይኖራል፡፡

ታጠቅ የሺጥላ....በ1980ዎቹ አጋማሽ ከሜታ ቢራ ክለብ ጊዮርጊስን መቀላቀል የቻለ ተጨዋች ነው፡፡ ቀጭን ፈጣንና በግራ መስመር አታሎ በማለፍ ጥሩ ችሎታ ያለው ተጨዋች ነው፡፡ታጠቅ አሁን በአዲስ አበባ ይኖራል፡፡

ተስፋዬ ሀይሌ....የሰራተኛ ሰፈር ልጅ ነው፡፡በተከላካይ መስመር ለአንድ አመት ለጊዮርጊስ መሰለፍ የቻለ ተጨዋች ነው፡፡ ለአርበኛዋ ሸዋረገድ መልክት ሲያቀባብ ተገኝቷል በሚል በሰላይነት ተጠርጥሮ ጣሊያን አስሮት ካቆየው በኋላ የተገደለ ተጨዋች ነው፡፡

ጣሂር አደም...ከሱማሌ ክልል የተገኘ የአጥቂ መስመር ተጨዋች ነው ፡፡በ1940ዎቹ መጀመሪያ አንስቶ ለሁለት አመታት ክለቡን ያገለገለ ተጨዋች ነው፡፡ጣሂር በአውሮፕላን አደጋ ህይወቱ ያለፈ ተጨዋች ነውጣሂር....በ1940ዎቹ ለክለቡ ተሰላፊ የነበረና ለብሄራዊ ቡድኑ ለመሰለፍ የበቃ ተጨዋች ነው፡፡ ጸጋዬ ባቲ.....በ1985 ከፊናንስ ክለብ ጊዮርጊስን ለመቀላቀል የቻለ ተጫዋች ነው፡፡ ለአምስት አመታት ያህል በጥሩ ብቃት የተከላካይ መስመሩን በመምራት ቡድኑን ውጤታማ ደረገ ተጫዋች ነው፡፡ጸጋዬ ለብሄራዊና ወጣት ቡድን ተሰልፎ ተውቷል፡፡አሁን ኑሮውን በአሜሪካ አድርጓል፡፡

ጻጋዬ በቀለ.....በ1940ዎቹ መጨረሻ አንስቶ ለብዙ ግዜ ለጊዮርጊስ በተከላካይ መስመተጫውቷል፡፡በሁለተኛው አፍሪካ ዋንጫ ተመርጦ ወደ ካይሮ በመሄድ ተሰልፏል፡፡ የእግር ኳስ ግዜው ካበቃ በኋላ በአልቢትርነት አገልግሏል፡፡ በ1950ዎቹ መጨረሻ የፊፋ ባጅን ያደረገ የስፖርት ሰው ነበር፡፡

ጥበበ መንክር....በ1950ዎቹ አጋማሽ ጀምሮ ከቡድኑ ጋር በድል ግዜ የዘለቀ ተጫዋች ነው ፡፡ኳስ እስኪያቆም ከቡድኑ ጋር ዘልቆ ከዚያም በአሰልጣኝነት የሰራ ነው፡፡ጥበበ ቁመ አጠር ቢልም ብልህና በቴክኒክ በስል ያለ ተጫዋች ነበር፡፡

ድሮስ አበጋዝ....በ1930 ቡድኑንየተቀላቀለ የአጥቂ መስመር ተጫዋች ነው፡፡ጣሊን በሰላይነ ጠርጥሮት ከተያዘ በኋላ ከእስር ቤት አምጦ የጠፋተጨዋች ነው ከዚያ በሀዋላ የት እንደረሰ ያልታወቀ ተጨዋች ነው፡፡

በእንግሊዝኛው ‹‹ቲ›› በሚል ፊደል የመጀመሪያስማቸው የሚጠራው የጊዮርጉስ ተጨዋቾች እነዚህን ለአናንተ አስታውሰናል፡፡አድማጮቻችን ደግሞ እናንተ ሌሎቹን እነ እከሌም አሉ ብላች እስከፕሮግራማችን ፍጻሜ ድረስ ንገሩን ፡፡ሳምንትስማቸው በ‹‹ኤስ››ፊደል የጀምሩትን ይዘን እንመጣለን፡፡


ቤተሰብና ጊዮርጊስ

የቅዱስ ጊዮርጊስ ቡድን ሲመሰረት በእግር ኳስ ችሎታ ብቻ ሳይሆን በወንድማማችነት በጓደኝነትበቤተሰብ ፍቅር የተሳሰረ አንድነት እንዲር ነበር፡፡ጊዮርጊስ ሲመሰረት ገንዘብ አልነበረውም ፡፡ሰዎች ግን ነበሩት፡፡በጊዮርጊስ ተጠቃሚ ለመሆን ሳይሆን ጊዮርጊስን መጥቀምና ህባዊነቱንፍቅሩንና እንዲሁም ቤተሰባዊነትና አንድነቱም ለማስቀጠል የተመሰረተ ማህበር ነበር፡፡የቤተሰቡ አንድ ሰው ወደ ክለቡ ሲመጣ ሌላው በግፊት ሳይሆን በፍቃደነት በፍላጎት ወደ ክለቡ በመቀላቀል ጊዮርጊስን ከትውልድ ወደ ትውልድ በማሸጋገር ሂደቱ ላይ ቤተሰብ ትልቅ ድርሻ እንዳለው ታሪክ ይነግረናል፡፡፡

በጊዮርጊስ ክለብ የመጀመሪያዎቹ ቤተሰብ አባሎች የነጋድራስ ተሰማ እሸቴ ልጆች ናቸው፡፡ይድነቃቸው ሶስት እሩብ ከፍሎ ክለቡን ከተቀላቀለ በኋላ የጊዮርጊስ ክለብ መነጋገሪያ በመሆኑ መታሰቢያና ኤልያክለቡን ተቀላቀሉ፡፡ይድነቃቸው በከተማው የታወቀ የእግር ኳስ ተጫዋች በመሆኑ ዝነኛነቱ የገነነ ነበር፡፡ ኤልያስ ተሰማ የአየር ሀይል ጄት አብሪሪ ነው፡፡በአጭር ግዜ ዝነነቱን በመጎናጸፉ ማእረጉ መቶ አለቃ ደረሰ፡፡ሁለቱም ወንድማማቾች ከኳስ ውጭ ዝነኘታቸው ጥግ በመድረሱ

በሰማይ ኤልያስ በምድር ይድነቃቸው

ለመታሰቢያነት እግዜር ፈጠራቸው......... ተብሎ ተገጠመላቸው፡፡፡ለመታሰቢነት የሚለው ሀረግ መታሰቢያ ወንድማቸው መሆኑንም ያሳያል፡፡መታሰቢያ ብዙ አመት ይጫወትም ለቡድኑ አገልግሏል፡፡ኤልያስ በአውሮፕላን አደጋ ሞተ፡፡ይድነቃቸው 23 አመት ለክለቡ አገለገ፡፡ከይድነቃቸው አብራክ የተገኘው ግሩም ይድነቃቸው ለጊዮርጊስ መጫወት የቻለና በሀገር ደረጃ ለወጣት ቡድን እስከመሰለፍ ደርሷል፡፡

ሌላው ቤተሰብ የአቶ ዘሪሁን ልጆች ናቸው፡፡ተዘራ ዘሪሁን በ1950 በግራ መስመር በ11 ቁጥር ወደረኛ ተጫዋች ነበር፡፡ ጠንካራ ምት ያለው ፈጣን ተጨዋች ሲሆን በአጥቂ መስመር ላሉት ለነይድነቃቸውና አበራ ያለቀላቸው ኳሶች የሚሰጥ ተጫዋች ነው፡፡ ተዘራ ሁለቱም ወንድሞቹ በጊዮርጊስ ለህጻናት ቡድን ጀምሮ የተጫወቱ ናቸው፡፡ታዬ ዘሪሁንና ፍሬው ዘሪሁን የተዘራ ታናናሾች ናቸው፡፡ታዬ አሁን ዩ ኤን ውስጥ ይሰራል፡፡እነዚህ 3 ወንድማማቾች ተከታትለው ነው ጊዮርጊስ የገቡት፡፡ የነተዘራ ቤተሰብ ከነይድነቃቸው ጋርም ቤተሰብነት አለው፡፡እነተዘራ የይድነቃቸው የአክሱቱ ልጆች ናቸው........አጎቱ ልጅ፣፣፣፣፣፣፣፣፣.......          

ጊዮርጊስን በቤተሰብ ደረጃ ያገለገሉ እነዚሀ ብቻ አልነበሩም፡፡የአቶ ዜና ቤተሰብ ደግሞ የሚረሳ አይደለም፡፡ይሄ ቤተሰብ በአስቸጋሪ ወቅት ለክለቡ ትልቅ አገልግሎት የሰጡ ናቸው፡፡አፈወርቅ ታቅ ነው፡፡ በተከላካይ መስመር ነው የሚጫወተው፡፡ከስድስት ኪሎ ክለብ ወደጊዮርጊስ የገባ ነው፡፡ጣሊያን ከወጣ በኋላ በቅዱስ ጊዮርጊስ ክለቡ ተፈጥሮ በነበረው ጭቅጭቅ ነገሩ በውይይት እንዲያልቅናሰላም እንዲሰፍን ከፍተኛውን ድርሻ የተወጣው እርሱ ነው፡፡የአፈወርቅ ታናሽ አመለወርቅ በጊዮርጊስ ክለብ ውስጥ ብዙ ተጫዋች መልምሎ ከማምጣት በተጨማሪ ከአቶ ይድነቃቸው ጋር ትልቅ ቁርኝት ያለው ነው ጥብቅ ጓደኛ ነው፡፡ፎርቲቲዲዮና ጊዮርጊስ ከአንድ አመት በላይ ታሪካዊውን ዘረኝነትን የሚቃወመውን ስምምነት እንዲፈራረሙና ይሄም ህግ ሆኖ እንዲወጣ በጣሊያኖች በኩል ፈቃደኛ እንዲሆኑ ሲያደራድሩ ከነበሩት ተጨዋቾች አንዱ ነበር፡፡ አመለወርቅ በግራ ክንፍ በኩል ወደር የማይገኝለት ተጫዋችና በእግር ኳስ ታሪክ ብዙ መረጃ የነበራቸው ትልቅ ባለታሪክ ነበር፡፡ በ1937 ጊዮርጊስ የተፈሪ መኮንን ትምርት ቤት መታሰቢያ ዋንጫ ሲያገኝ ያሸናፊነቱን ግብ 90ኛው ደቂቃ ላይ አስቆጥሮ ባለድል ያደረገ ተጨዋች ነው፡፡የሁለቱ ታናሽ አፈወርቅ ተክለዜና ለጊዮርጊስ ትንሹ ቡድን ተጫውቷል፡፡ወደ ዋናው ቡድን ካደገ በኋላ ወታደርነት በመቀጠሩ ለክቡር ዘበኛ የተጫወተ ነው፡፡ሶስቱም ባንድ ግዜ ለብሄራዊ መሰለፍ የቻሉ ብቸኛ ወንድማማቾች ናው፡፡፡እስካሁን ብሄራዊ ቡድን ሁለት ወንድማማቾች ብቻ ነበሩ የተጫወቱት፡፡

በ1970ዎ መጨረሻ ከባህር ትራንዚት ጊዮርጊስን የተቀላቀለው የኳስ ፍቅር እጅጉን የበዛው ሀይሌ ካሴ በ1978 ቡድኑን ሲቀላቀል ከሁለት አመት በኋላ የቤቱ ትንሽ ልጅ ሀሌ ካሴ ቡድኑም አባል እስከመሆን ደርሷል፡፡

ለጊርጊስ ቡድን በተጨዋችነትና በአሰልጣኝነት ውጤታማ የነበረው አስራት ሀይሌ ሁለት ግዜ ደብል መምታት ችሏል፡፡ በ1967 ጊዮርጊስ የዙሩንና የጥሎ ማለፉን ዋንጫ ሲያገኝ ተጫዋች ነበር፡፡በድጋሚ ጊዮርጊስ በ1991 ሁለቱንም ዋንጫ ሲያገኝ የቡድኑ አሰልጣኝ ነበር፡፡የአስራት ታናሽ ወንድሙ ሰለሞን ሀይሌ ቡድኑ ሻምፒዮ ሲሆን የክለቡ አባል ነበር፡፡

ከኳስ ተጫዋችነት ሌላ ቡድን በማገልገል በቤተሰብ ደረጃ በኮሚቴነት የሰሩት የኦዳ ወንድማማቾች የሚረሱ አይደሉም፡፡የነጋዴ ምክር ቤት ፕሬዝዳንት የነበሩት ገብረስላሴ ኦዳ፤ ቀኛዝማች ገብረመስቀል ኦዳ እንዲሁም ፊታራሪ ገብረየስ ኦዳ በጊዮርጊስ ክለብ በአስቸጋሪ ወቅት ከክለቡ ጎን የነበሩ የቁርጥ ቀን ቤተሰብ ናቸው፡፡ከክለቡ አልፈው ብሄራዊ ቡድን ጨዋታ ሲኖረው በማስተባበር ድጋፍ ይሰጡ ነበር፡፡1943 ኖርቺፒንግ ሲመጣ ኮልፌ ለተጫዋቾች ምግብና መኝታ አዘጋጅተው ለአስር ቀን ቡድኑ በጋራ እንዲለማመድ ወጪውን ሁሉ ሸፍነዋል፡፡ጊዮርጊስ ጨዋታ በነበረው ግዜ ለክለቡ ምግብናና ትራንስፖርት ያዘጋጃሉ፡፡በልምምድ ሰዓት ሶስቱም ከጓደኞቻቸው ጋር በትራንስፖርት ከቤታቸው ጃልሜዳ፤ ከጃልሜዳ መታጠቢያ ቦታ በማድረስ ለክለቡ ብዙ የደከሙ ቤተሰብ ናቸው፡፡ሶስቱ ለጊዮርጊስ በኮሚቴነትና በአደራጅነት ለረጅም ግዜ ለቡድኑ አግልግለዋል፡፡ከቀኛዝማች ገብረመስቀል አብራክ የተገኘው አብነትም ታሪክን በማስቀጠል አሁን ክለቡን በፕሬዝዳንት እየመራ ነው፡፡

የአቶ ተርፋ ቤተሰብ በጊዮርጊስ ውስጥ ማሊያቸውን ያጠለቁ ሁለት ተጫዋቾች አበርክተዋል፡ታላቁ ሰለሞን ተርፋጊዮርጊስ ከ1958 እስከ 60 ሶስቱንም የኢትዮጵያ ሻምፒዮና ዋንጫ በተከታታይ ሲያገኝ ከመሀል እስከ አጥቂ ትልቅ ድርሻ ከነበራቸው ተጫዋቾች አንዱ ነበር፡፡ቁመቱ አጠር ብሎ ብዙውን ስራ በጭንቅላቱ የሚያከናውነው ሰለሞን በ1962 አምስቱ የጊዮርጊስ ክዋክብት ወደ አሜሪካ ለትምህርት ሲ ከተጓዦቹ አንዱ እርሱ ነበር፡፡ታናሹ ዮሀንስ ተርፋ ከህጻናት ቡድን አንስቶ ለጊዮርጊስ አገልግሎት የሰጠ ነው፡፡

                            

የአቶ ታደሰልጆች ሌላው የጊዮርጊስ ቤተሰብ ናቸው፡፡ ባንጃው ታደሰና ብዙ አየሁ ታደሰ ከህጻናት ቡድን ጀምሮ ለቡድኑ አገልግለዋል፡፡ብዙአየሁ ተከላይ መስመር ነው የሚጫወተው፡፡ ሁለቱም ዋና ቡድን መድረስ ችለዋል፡፡በ1950ዎቹ መጨረሻ ከቡድኑ ጋር የነበሩ ናቸው፡፡ሁለቱም መልካቸው አንድ አይነት ስለነበረ መለየት አይቻልም፡፡አንድ ቀን ብዙአየሁ ተገቢ ያልሆነ ጥፋት ሰርቶ ከሜዳ በቀይ ወጣ፡፡ድርጊቱ አቶ ይድነቃቸውን አናደደ፡፡ ትሬኒንግ ሲመጣ አቶ ድነቃቸው እያበረረ ቦክስ መታው‹‹ ምን አጠፋሁ›› ብሎ ቢያለቅስም ‹‹ደግሞ ቡድኑን ጎድተህ ምን አጠፋሁ ትላለህ?›› ብሎ ደገመው፡፡ነገር ግንአቶ ይድነቃቸው የቀጡት በቀይ የወጣውን ብዙአየሁን አልነበረም ባንጃውን ነበር፡፡

መንግስቱ ወርቁ ለጊዮርጊስ የቁርጥ ቀን ተጨዋች ነው፡፡ከይድነቃቸው ቀጥሎ ረጅም ግዜ ለክለቡ ያገለገለ ተጨዋች ነበር፡፡ትንሹ ልጁ ላቃቸው(ኡኒ)ለጊዮርጊስ ብዙም ዘልቆ ባይሄድም የክለቡን ማሊያ ለብሶ ለተወሰነ ግዜ አገልግሏል፡፡

በ1934 ክለቡን የተቀላቀለው ስዩም ደስታ ሰፈሩ ጉለሌ ነው፡፡ቅዳሜ እለት ወደ አራዳ እህል ለማስፈጨትና ከገበያ ለመሸመትና ለመሸጥ ከወንድሙ ጋር ሲመጣ ከክለቡ ጋር ልምምድ ይሰራል፡፡ ወይም ይጫወታል፡፡ወንድምየው ሀይሉ ወፍጮ ቤት እህሉን ያስገባና ያስፈጫል፡፡ሶስተኛው ወንድማቸው ሰለሞን ያመጣውን እቃ ገበያ ይሸጣል፡፡በሚቀጥለው ሳምንት ገበያ ሲመጡ አንዱ የሚሸጥ ከሆነ ሁለቱ ይጫወታሉ፡፡አንድ ቀን አባትየው ሁለቱ ልጆች ልምምድ ሜዳ ኳስ ሲጫወቱ አዩዋቸው፡፡ከፍተኛ ቅጣት ደረሰባቸው፡፡ከአንድ አመት በኋላ ወደ አራት ኪሎ ቤተሰቡ ሲዛወር አቶ ይድነቃቸው ቤተሰቡን አሳምነው ለጊዮርጊስ ሶስቱም ለመጫወት በቁ፡፡ ታናሽየው ሰለሞን ሞተ ፡፡አባትየውም በማረፋቸው ቤተሰቡን ለማስተዳደር   በሚል ሁለቱም ኳስ ጨዋታውን አቋረጡ፡፡

በ1940 ከቀይ ባህር ቡድን ወደ ጊዮርጊስ የተቀላቀለው መሀመድ ኢብራሂም በአጥቂ መስመር ለጊዮርጊስ ወሳኝ እስከመሆን ደርሶ ነበር፡፡ለጊዮርጊስ በመጫወቱ የቀይ ባህር ደጋፊዎች ደበደቡት ፡፡አቆሰሉት፡፡በጥሎ ማለፍ ጨዋታ ቀይባህር በጊዮርጊስ 1ለ0 እየተመራ ባለቀ ሰዓት አከታትሎ ባስቆጠረው ሁለት ግብ ጊዮርጊስን ለድል በማብቃቱ የባሰ ብስጭት ውስጥ ከተታቸው፡፡ገነት ጦር ትምህርት ቤት ውትድርና ለመቀጠር ሄዶ በእድሜ ማነስ የተመለሰው ታናሹ አበድልቃድር ጊዮርጊስን በአመቱ ተቀላቀለ፡፡ እሱም ወደጊዮርጊስ እንዳይገባ ማስጠንቀቂያ ቢደርሰውም አባቱ መጫወት ያለበት ለጊዮርጊስ ነው ብለው ይዘውት ክለቡ ድረስ መጡ ፡፡የመጡት አብድልቃድርን ብቻ ይዘው ሳይሆን የእሱን ታናሽ ሸሪፍንም ጭምር ነው፡፡ለሁለት አመት ከተጫወቱ በኋላ አባታቸው ወደ የመን በመሄዳቸው ቤተሰቡን ተከትለው ሄዱ፡፡

የዝግጅት ክፍላችን ይሄን ብሏል፡፡ እንናንተ የምታውቋቸውን ቤተሰቦች ደግሞ ጠቁሙን እንሸልማለን፡፡


የ18 ዓመት የኢትዮጵያ የፕሪሚየር ግዙፍ ዕውነታዎች

ተ.ቁ

ሻምፒዮናው

ክለብ

ሻምፒዮን የሆነበት

ዘመን

የሻምፒዮን

   ብዛት

ሻምፒዮን ሲሆን የሰበሰበው ነጥብ

አጠቃላይ

ነጥብ

ደረጃ

1

ቅ/ጊዮርጊስ

1991፣1992፣1994፣1995

1997፣1998፣2000፣2001

2002፣2004፣2006፣2007

12

47፣46፣61፣56

64፣61፣62፣57

84፣59፣68፣57

722

1ኛ

2

አዋሳ ከነማ

1996 ፣ 1999

2

48 ፣ 62

110

2ኛ

3

መብራት ሃይል

1990 ፣1993

2

32 ፣ 59

91

3ኛ

4

ቡና

2003

1

61

61

4ኛ

5

ደደቢት

2005

1

61

61

4ኛ

በኢትዮጵያ ፕሪሚየርሊግ እነዚህን ያውቃሉ ?

V በኢትዮጲያ ፕሪሜሪሊግ ቅ/ጊዮርጊስ 12 ጊዜ ሻምፒዮን ሲሆን በ8ቱ ተጫውቶ ድሉን ያጣጣሙ ተጨዋቾች አመለሸጋው ደጉ ደበበ

     1997 ፣ 1998 ፣ 2000 ፣ 2001 ፣ 2004 ፣ 2006 ፣ 2007 -------- ይቀጥላል

V ቅ/ጊዮርጊስ 12ኛውን የፕሪሚየርሊግ ዋንጫን ሲቀበል አምበሉ 12 ቁጥር ደጉ አበበ የ12 ቁጥሮች ግጥምጥም አይገርምም

V በዘንድሮው የኢትዮጵያ የፕሪሚየርሊግ የመጨረሻ ጨዋታ ግንቦት 23 ሲካሄድ የመጨረሻውን ጎል ያስቆጠረው 23 ቁጥር ለባሹ ምንተስኖት አዳነ መሆኑ አይገርምም የ 23 ቁጥሮች መገጣጠም

V አስራ ስምንት ዓመትባስቆጠረው የኢትዮጵያ ፕሪሚየርሊግ ውድድር ላይ በተጨዋችነትና በአሰልጣኝነት ዋንጫ ያነሱ ፋሲል ተካልኝና ዘሪሁን ሸንገታ መሆናቸውስ አያስደስትም

ሻምፒዮኖቹ ወራጆቹን ያስተናግዳሉ ቲሸርቱ መቶ ብር ይሸጣል

የ2007 ዓ.ም የኢትዮጵያ ፕሪምየር ሊግ ሻምፒዮን ቅዱስ ጊዮርጊስ በዛሬው ዕለት ከሊጉ መውረዱን ያረጋገጠውን ወልዲያ ከነማን በ11፡00 ሰአት በአበበ ቢቂላ ስታዲየም ያስተናግዳል፡፡

ከሁለቱ ቡድኖች ጨዋታ በፊትም በኢትዮጵያ ታዳጊዎች ሻምፒዮና የቅዱስ ጊዮርጊስ ከ17 አመት በታች ቡድን ከኢትዮጵያ ቡና አቻው ጋር የሚጫወት ይሆናል፡፡

የ2007 ዓ.ም ሻምፒዮን በመሆናችን ለበአሉ ማክበሪያ የተዘጋጀው ቲ-ሽርትም በመጪው ሀሙስ በገበያ ላይ ይውላል፡፡

የቅዱስ ጊዮርጊስ ደጋፊዎች ቲሸርቱን ለማግኘት የአባልነት መታወቂያ ደፍተራቸውን እና 100 ብር ብቻ ይዘው መምጣት ይጠበቅባቸዋል፡፡

መሸጫ ቦታው የቅዱስ ጊዮርጊስ ስፖርት ማህበር ፅህፈት ቤት በቅሎ ቤት ጠመንጃ ያዥ ባንክ ገባ ብሎ ወይንም ዋልታ ኢንፎርሜሽን ማዕከል ፊት ለፊት ነው፡፡