Newsletter Signup

Sign-up to stay in touch with Saint George FC

Reagent/Protectorator
Yidnekatchew Tessema
Mengistu Worku

St. George Gallery

News

የቅዱስ ጊዮርጊስ ስፖርት ማህበር 16 አይነት የተጨዋቾች መገልገያ እቃዎች በዛሬው እለት ለተጨዋቾች አከፋፈለ

የቅዱስ ጊዮርጊስ ስፖርት ማህበር በአለም አቀፉ የትጥቅ አምራች ኩባንያ ማክሮን የተዘጋጀውን 16 አይነት የተጨዋቾች መገልገያ እቃዎች በዛሬው እለት ለተጨዋቾች አከፋፈለ፡፡

ባሳለፍነው ሳምንት ባሳወቅናችሁ መረጃ ተጨዋቾች በጨዋታ ወቅት ይለብሱዋቸው የነበሩት ማልያ እና መጋጫ ብቻ ሀገራችን ገብተው የነበረ ሲሆን አዲስ አበባ የሚገኘው የማክሮን ወኪል በትናንትናው ዕለት ሁሉም እቃዎችን በማስገባቱ እና ለስፖርት ማህበራችን በማስረከቡ ዛሬ ለሁሉም ተጨዋቾች ከዚህ በታች የተዘረዘሩትን በማክሮን አርማ የተሰሩ እቃዎችን አከፋፍሏል፡፡

1. ሾርት ቁምጣ
2. ሎቶ ፖሎ ቲሸርት
3. ነጭ ፓካውት
4. ሎሚማ የምግብ ቤት ቲሸርት
5. ቀይ ቦዲ
6. ነጭ ካልሲ
7. ነጠላ ጫማ
8. የጫማ መያዣ ቦርሳ
9. ቀይ ታይት
10. ኦሬንጅ ታይት
11. ቀይ ኮፍያ
12. ፎጣ
13. ሎቶ ስኒከር
14. ቢጫ ቱታ ከነ ቲሸርቱ
15. መጋጫ
16. የትጥቅ መያዣ ቦርሳ

የቅዱስ ጊዮርጊስ ተጨዋቾች እና መላው የቡድኑ አባላት እነዚህን እቃዎች ከዛሬ ጀምሮ የሚጠቀሙባቸው ሲሆን በአዲስ መልክ የተሰራው ማልያም ቅዱስ ጊዮርጊስ በመጪው እሁድ በአፍሪካ ሻምፒየንስ ሊግ ከቅዱስ ሚካኤል ቡድን ጋር ሲጫወት የሚለብሱት ይሆናል፡፡

ጨዋታውን የሚመሩት ዳኞች እና ኮሚሸነር በነገው እለት አዲስ አበባ ይገባሉ

በ2016ቱ የአፍሪካ ሻምፒዮንስ ሊግ ጨዋታ ቅዱስ ጊዮርጊስን የሚገጥመው የቅዱስ ሚካኤል ቡድን በዛሬው ዕለት ምሽት 2 ሰአት ላይ አዲስ አበባ የሚገባ ይሆናል፡፡

ጨዋታውን የሚመሩት ዳኞች እና ኮሚሸነርም በነገው ዕለት የሚገቡ ይሆናል፡፡

የሲሺየልሱ ቅዱስ ሚካኤል ቡድን አዲስ አበባ ከገባ በኋላ እስከ መጪው ሰኞ ድረስ በሸራተን አዲስ የሚያርፍ ሲሆን ዳኞች እና ኮሚሽነሩ ደግሞ ራዲሰን ብሉ ሆቴል የሚያርፉ ይሆናል፡፡

በ2016ቱ የአፍሪካ ሻምፒዮንስ ሊግ ጨዋታ በቫለንታይንስ ቀን የሚደረግ ይሆናል

በ2016ቱ የአፍሪካ ሻምፒዮንስ ሊግ ጨዋታ ቅዱስ ጊዮርጊስን የሚገጥመው የቅዱስ ሚካኤል ቡድን በዛሬው ዕለት ምሽት 2 ሰአት ላይ አዲስ አበባ የሚገባ ይሆናል፡፡

የሁለቱ ቡድኖች ጨዋታ በመጪው እሁድ 10 ሰአት ላይ በአዲስ አበባ ስታዲየም የሚደረግ ሲሆን የመግቢያ ዋጋውም እንደሚከተለው ነው፡፡

ትሪቢዩን 500 ብር

1ኛ ማዕረግ (ጥላ ፎቅ) 150ብር

2ኛ ማዕረግ (ከማን አንሼ ባለ ወንበሩ) 50ብር

3ኛ ማዕረግ( ያለ ወንበር) 25ብር

4ኛ ማዕረግ(ካታንጋ ) 15 ብር

5ኛ ማዕረግ (ዳፍ እና ሚስማር)10 ብር

ዶክተር ወልደመስቀል ኮስትሬዶክተር ወልደመስቀል ኮስትሬ

ታዳጊው ወጣት በማደሪያ ቆጡ ለመተኛት ሲዘጋጅ ሁሌም ጸሎቱን ያደርሳል፡፡  እናቱን ለማግኘትና ለማየት ፈጣሪውን መለመኑን አልተወም፡፡ገና በሶስት አመቱ የእናቱን ፍቅር ሳይጠግብ ነው የተለያዩት፡፡አባቱ  በጣሊያን ጦርነት ጊዜ ዘመቱ፡፡ከጦርነቱ እንደተመለሱ አባትና እናቱ ተለያዩ፡፡

           እናቱ ወደ አዲስ አበባ መጥታ ዘመዶቿ ጋር ተቀመጠች፡፡ታዳጊው እድሜው ከፍ ብሎ እራሱን በደምብ ሲያውቅ ትምህርት ቤት መግባት ነበረበት፡፡የእናቱ ታናሽ ወንድም ዲያቆን ነበር፡፡በኋላም ቄስ ሆነ፡፡ ታዳጊው ወጣት እንዳጎቱ ቄስ ሆኖ ቤተክርስቲያንን ለማገልገል ትልቅ ፍላጎት ነበረው፡፡

        እዚያ ለመድረስ በየደረጃ ያለውን የቅስና ትምህርት መውሰድ ነበረበት፡፡እዚያው በገጠር የሚገኝ የቄስ ትምህርት ቤት ገባ ፡፡ትምህርት ቤቱ አዳሪ ነው፡፡ ቆጥ ተሰራለት፡፡ እዚያው እያደረ መማር ጀመረ፡፡ ቤተሰቦቹ በሶና ቆሎ ይልኩለታል፡፡አንዳንዴም ቤተክህነት እየሄደ እየበላ ትምህርቱን ገፋበት፡፡ትንሹ  ወልደመስቀል ኮስትሬ፡፡

                        በቦታው የሚገኙ ብዙዎቹ ተማሪዎች ከተለያየ ቦታ የመጡ ናቸው፡፡አንዳንድ ጊዜ ቤተሰቦቻቸው እየመጡ ይጠይቋቸዋል፡፡ብዙ ጊዜ እናቶቻቸው ነው የሚመጡት፡፡‹‹የእከሌ እናት መጡ›› ሲባል በተማሪው አቀባበል ይደረግላቸዋል፡፡ የተወሰነ ጊዜም እዚያ ይቆያሉ፡፡

       ሁል ጊዜም ቢሆን የወልደመስቀል  እናት መጥተው አያውቁም፡፡በእናቱ ጉዳይ ቢጠየቅም በማዘን ነበር የሚናገረው፡፡ሁልጊዜም እናቱን ይናፍቃል፡፡‹‹አንድ ቀን መጥታ አገኛታለሁ›› እያለ ተስፋ ያደርጋል፡፡በእናቱ ጉዳይ ልቡ እየደማ የእናትነት ፍቅሩ ብቻ ይዞ መቀመጥ ተገደደ፡፡እናቱ ወደ ገጠር አትመጣም፡፡ እርሱም ወደ እናቱ መሄድ አይችልም ፡፡ማን ያገናኛቸው?

                        አንድ ቀን አዲስ አበባን ጎብኝቶ እንዲመጣ እድሉን አገኘ፡፡ያስመጡት ደጃዝማች ኃይለስላሴ ነበሩ፡፡እርሳቸው ዘመዱ ናቸው፡፡ የሚኖሩት  ካሳንቺስ ነው፡፡ትንሹ ወልዴ ይናገራል ‹‹ያን ጊዜ እድሜዬ 13 ደርሷል፡፡ እኔ ወደ አዲስ አበባ የመጣሁት ለመቆየት ሳይሆን የድቁና ትምህርት ተከታትዬ ወደ ገጠር ለመመለስ ነበር፡፡ደጃዝማች ኃይለስላሴ ግን  ለጊዜው አቆዩኝ፡፡ያን ጊዜ እግራቸውን ታመው በጋሪ ነበር የሚገፉት፡፡የኔም ስራ እርሳቸውን ማጫወት ነበር፡፡

         አማርኛዬ የገጠር በመሆኑ በምናገረው ነገር ሁሉ ያስቃቸው ነበር፡፡ግቢ ውስጥ ካሉት ልጆች ጋር ትግል እንድጋጠም ያደርጉኛል፡፡ ሳሸንፍ ደስ ይላቸዋል፡፡ ሁሌም ከአጠገባቸው እንድለይ አይፈልጉም›› ይላል ፡፡

        ትንሹ ወልዴ አዲስ አበባ ነው የሚገኘው፡፡እናቱም ያለችው እዚሁ ከተማ ነው፡፡ እንዴት ያግኛት!!!፡፡የዘወትር ሀሳቡ ለረጅም አመት ያጣትን እናቱን ማየት ነበር፡፡

    አንድ ቀን ደጃዝማች ወልዴ ወደ ሳሎን ጠሩት ፡፡ወደ ውስጥ ዘልቆ እንደገባ በሶፋው ላይ ሴቶች ተቀምጠዋል፡፡ አብዛኛዎቹ ተመሳሳይ የሀገር ልብስ ለብሰዋል ፡፡የ13 አመቱ ታዳጊ ወጣት በዛ ያሉት ሴቶች በአንድ ስፍራ ተቀምጠው ሲመለከት እንግዳ ነገር ስለሆነበት ግራ ተጋባ፡፡ደጃዝማች ወደ አጠገባቸው ጠሩትና‹‹ሁሌም ስለ እናትህ ትጠይቀኝ የለ?››አሉት

‹‹አዎ››

‹‹ማግኘት ትፈልጋለህ?››

‹‹በጣም እንጂ››

‹‹እናትህን ታውቃታለህ?››

‹‹ማለት››

‹‹ መልኳ ምን አይነት ነው? ››

‹‹አሁን አላስታውስም››

‹‹  መልኳን ባታውቅም የምታስታውሰው ነገር አለ››

‹‹አዎ››

‹‹ምን››

‹‹እኔ እንጃ ግን....››

                 ወልዴ እናቱን ማግኘት ፈልጓል፡፡እዚህ የመጡት ሴቶች እናቴ ያለችበትን ያውቁ ይሆን? ብሎ አሰበ፡፡ደጃዝማች አጠገባቸው እንዲቆም ነገሩትና ወደ ስምንቱ ሴቶች እንዲመለከት አደረጉት፡፡‹‹እናትህ ከስምንቱ አንዷ ናት፡፡የትኛዋ እንደሆነች ለይተህ ንገረኝ›› አሉት፡፡ወልዴ ደነገጠ፡፡ደግሞም ውስጡ በደስታ ታመሰ፡፡ሲጠብቀው የነበረው  እናቱን የማግኘት ጉጉት እውን ሊሆን ነው፡፡

             እዚህ ቤት ከመጣ ጀምሮ የሚመጡት እንግዶች እናቱ የት እንዳለች እንዲነግሩትና እንዲያሳዩት ቢጠይቅም አንዳቸውም አናውቃትም ስላሉት ሁሌም ግን ፍለጋውን እንደቀጠለ ነበር፡፡ ዛሬ ይሄው እናቱ እርሱ ያለበት ድረስ መጥታለች፡፡ ግን ከስምንቱ ሴቶች እንዴት ለይቶ ይወቃት?፡፡ ደጃዝማች እንደነገሩት‹‹ለይተህ ካላወቅሀት ማግኘት አትችልም ››ስላሉት ተጨነቀ፡፡

           እያንዳንዱን ሴቶች ከእግር አስከራሳቸው ማየት ጀመረ፡፡እናቱ የተለየችው በሶስት አመቱ ነበር፡፡ ያኔ በጥቂቱ ከሚያስታውሰው በስተቀር ያን ያህል መለያ የለውም፡፡ግን በውስጡ የተቀረጸ የሆነ ነገር ነበር ፡፡እናቱን ሲያስብ፡፡እሷ ነች ብሎ ቀርጾ በውስጡ ያስቀመጠው ምስል ነበር፡፡በዚያ ምስል ተረድቶ እርሷ ናት  ብሎ የገመተው  ሴት ላይ ሄዶ ሊጠመጠም ፈለገ፡፡ነገር ግን ይሄን ከማድረጉ በፊት እናቴ ናት ብሎ የሚጠቁማትን ለደጃዘማች ነገሮ ሲረጋገጥ ነው ወደ እናቱ የሚሄደው፡፡

           ሴቶቹን ተመለከተና አነጣጥሮ ወደ አንዷ  ተመለከተ፡፡ከመሀላቸው አንዲቷ ሰረቅ አድርጋ ትመለከተው ነበር፡፡ እርሱም ልቡ ትር ትር ይል ጀመር፡፡ በቃ!! እርሷ ናት ብሎ ደመደመ፡፡፡የትላንቱ ታዳጊ የዛሬው አንጋፋ ሙያተኛ  ዶክተር ወልደ መስቀል ኮስትሬ ሁኔታው አስታውሶ እናቱን እንዴት ፈልጎ እንዳገኘ ይናገራል‹‹ ሶፋው ላይ የተቀመጡት ሴቶች አንዳንዶቹ ቀይ ናቸው ፡፡ሌሎቹ ጠይም ነበሩ፡፡እናቴን ለማግኘት ብፈልግም ግራ ተጋባሁ፡፡

           በኋላ ግን ከመሀላቸው አንዷ ትኩር ብላ አየችኝ፡፡እኔም አፍጥጬ ሳያት አለቀሰች፡፡እናቴ እርሷ ናት ብዬ ሄጄ ተጠመጠምኩባት ፡፡መጠምጠም ብቻ ሳይሆን አለቅም ብዬ እዚያው እንቅ አድርጌ ያዝኳት፡፡ከዚያ ማን ያላቀን?በዚያን ጊዜ የነበረውን ሁኔታ ሳስታውስው ከእናቴ ተለይቼ ብዙ ጊዜ በመቆየቴ ለረጅም ጊዜ ታምቆ የነበረውን ናፍቆቴን ተጠምጥሜባት አለቀስኩ፡፡አልቅሼ  እንኳን ሊወጣልኝ አልቻለም፡፡ገጠር ትምህርት ቤት እያለሁ ሌሎች ህጻናት ልጆች እናቶቻቸው መጥተው ሲጠይቋቸውና አብረው ሲሄዱ ሳይ በጣም ይሰማኝ ነበር፡፡እናቴን ትልቅ ሆኜ አገኛታለሁ ብዬ አስቤ አላውቅም፡፡.....››ይላሉ

                          ታዳጊው ወልዴና እናቱ ተገናኙ ተቃቀፉ ፤ተሳሳሙ እንደገናም ተቃቀፉ፡ሁለቱም ጋር ያለው ናፍቆት ተመሳሳይ ነበር፡፡  አሁን ሲፈላለጉ የነበሩት እናትና ልጅ ተገናኝተዋል ፡፡ልጅ ከእናቱ መለየት አልፈለገም፡፡ እናትም ልጇን ይዛ ወደ ቤቷ ልትሄድ ተሰናዳች፡፡ወልዴም ጨርቁን ሊያመጣ ወደ ጓዳ ገባ፡፡ደጃዝማች ወደ እናቲቱ እያዩ‹‹ ምንድነው ነገሩ›› አሉ፡፡

‹‹ይዤው ልሄድነው››

‹‹ወደዬት?››

‹‹ወደቤቴ››

‹‹አትወስጅውም››

‹‹እወስደዋለሁ››

‹‹ኃይለስላሴ ይሙት!!!!ማንም ሰው ልጁን ከዚህ ቤት መውሰድ አይችልም ››

ደጃዝማች‹‹ኃይለስላሴ ይሙት!››ካሉ፡ነገሩ ያበቃለት ነው፡፡ምንም የሚሻር ነገር የለውም ወልዴ ይናገራል‹‹ደጃዝማች ከማሉ እንደቆረጡ ስለሚታወቅ እናቴ እርሷ ጋር ይዛኝ ልትሄድ አልቻለችም፡፡እዚያው ጊቢ ውስጥ ብዙ ልጆች ያስተምሩ ስለነበር ከነርሱ ጋር አብሬ እንድሆን ተደረገ፡፡

         አዲስ አበባ ያለው አጎቴ የተማረና ባንክ የሚሰራ ስለነበር እዚያው ግቢ ውስጥ ቄስ ትምህርት ከጨረስኩ በኋላ ዘመናዊ ትምህርት ቤት እንድገባ ተደረገ፡፡የወሰዱኝ ዘነበወርቅ ትምህርት ቤት ነበር፡፡እዚያ ሴቶች ስለሚበዙ ለመግባት ፈቃደኛ አልነበርኩም፡፡ አስታውሳለሁ በአሉ ግርማ እዚያ እየተማረ ነበር፡፡  አስፋው ወሰን ት/ቤት አስመዘገበኝ ከዚያም ቆይቶ ወንድራድ ገባሁ›› ይላል

ታዳጊው ወጣት በማደሪያ ቆጡ ለመተኛት ሲዘጋጅ ሁሌም ጸሎቱን ያደርሳል፡፡  እናቱን ለማግኘትና ለማየት ፈጣሪውን መለመኑን አልተወም፡፡ገና በሶስት አመቱ የእናቱን ፍቅር ሳይጠግብ ነው የተለያዩት፡፡አባቱ  በጣሊያን ጦርነት ጊዜ ዘመቱ፡፡ከጦርነቱ እንደተመለሱ አባትና እናቱ ተለያዩ፡፡

           እናቱ ወደ አዲስ አበባ መጥታ ዘመዶቿ ጋር ተቀመጠች፡፡ታዳጊው እድሜው ከፍ ብሎ እራሱን በደምብ ሲያውቅ ትምህርት ቤት መግባት ነበረበት፡፡የእናቱ ታናሽ ወንድም ዲያቆን ነበር፡፡በኋላም ቄስ ሆነ፡፡ ታዳጊው ወጣት እንዳጎቱ ቄስ ሆኖ ቤተክርስቲያንን ለማገልገል ትልቅ ፍላጎት ነበረው፡፡

        እዚያ ለመድረስ በየደረጃ ያለውን የቅስና ትምህርት መውሰድ ነበረበት፡፡እዚያው በገጠር የሚገኝ የቄስ ትምህርት ቤት ገባ ፡፡ትምህርት ቤቱ አዳሪ ነው፡፡ ቆጥ ተሰራለት፡፡ እዚያው እያደረ መማር ጀመረ፡፡ ቤተሰቦቹ በሶና ቆሎ ይልኩለታል፡፡አንዳንዴም ቤተክህነት እየሄደ እየበላ ትምህርቱን ገፋበት፡፡ትንሹ  ወልደመስቀል ኮስትሬ፡፡

                        በቦታው የሚገኙ ብዙዎቹ ተማሪዎች ከተለያየ ቦታ የመጡ ናቸው፡፡አንዳንድ ጊዜ ቤተሰቦቻቸው እየመጡ ይጠይቋቸዋል፡፡ብዙ ጊዜ እናቶቻቸው ነው የሚመጡት፡፡‹‹የእከሌ እናት መጡ›› ሲባል በተማሪው አቀባበል ይደረግላቸዋል፡፡ የተወሰነ ጊዜም እዚያ ይቆያሉ፡፡

       ሁል ጊዜም ቢሆን የወልደመስቀል  እናት መጥተው አያውቁም፡፡በእናቱ ጉዳይ ቢጠየቅም በማዘን ነበር የሚናገረው፡፡ሁልጊዜም እናቱን ይናፍቃል፡፡‹‹አንድ ቀን መጥታ አገኛታለሁ›› እያለ ተስፋ ያደርጋል፡፡በእናቱ ጉዳይ ልቡ እየደማ የእናትነት ፍቅሩ ብቻ ይዞ መቀመጥ ተገደደ፡፡እናቱ ወደ ገጠር አትመጣም፡፡ እርሱም ወደ እናቱ መሄድ አይችልም ፡፡ማን ያገናኛቸው?

                        አንድ ቀን አዲስ አበባን ጎብኝቶ እንዲመጣ እድሉን አገኘ፡፡ያስመጡት ደጃዝማች ኃይለስላሴ ነበሩ፡፡እርሳቸው ዘመዱ ናቸው፡፡ የሚኖሩት  ካሳንቺስ ነው፡፡ትንሹ ወልዴ ይናገራል ‹‹ያን ጊዜ እድሜዬ 13 ደርሷል፡፡ እኔ ወደ አዲስ አበባ የመጣሁት ለመቆየት ሳይሆን የድቁና ትምህርት ተከታትዬ ወደ ገጠር ለመመለስ ነበር፡፡ደጃዝማች ኃይለስላሴ ግን  ለጊዜው አቆዩኝ፡፡ያን ጊዜ እግራቸውን ታመው በጋሪ ነበር የሚገፉት፡፡የኔም ስራ እርሳቸውን ማጫወት ነበር፡፡

         አማርኛዬ የገጠር በመሆኑ በምናገረው ነገር ሁሉ ያስቃቸው ነበር፡፡ግቢ ውስጥ ካሉት ልጆች ጋር ትግል እንድጋጠም ያደርጉኛል፡፡ ሳሸንፍ ደስ ይላቸዋል፡፡ ሁሌም ከአጠገባቸው እንድለይ አይፈልጉም›› ይላል ፡፡

        ትንሹ ወልዴ አዲስ አበባ ነው የሚገኘው፡፡እናቱም ያለችው እዚሁ ከተማ ነው፡፡ እንዴት ያግኛት!!!፡፡የዘወትር ሀሳቡ ለረጅም አመት ያጣትን እናቱን ማየት ነበር፡፡

    አንድ ቀን ደጃዝማች ወልዴ ወደ ሳሎን ጠሩት ፡፡ወደ ውስጥ ዘልቆ እንደገባ በሶፋው ላይ ሴቶች ተቀምጠዋል፡፡ አብዛኛዎቹ ተመሳሳይ የሀገር ልብስ ለብሰዋል ፡፡የ13 አመቱ ታዳጊ ወጣት በዛ ያሉት ሴቶች በአንድ ስፍራ ተቀምጠው ሲመለከት እንግዳ ነገር ስለሆነበት ግራ ተጋባ፡፡ደጃዝማች ወደ አጠገባቸው ጠሩትና‹‹ሁሌም ስለ እናትህ ትጠይቀኝ የለ?››አሉት

‹‹አዎ››

‹‹ማግኘት ትፈልጋለህ?››

‹‹በጣም እንጂ››

‹‹እናትህን ታውቃታለህ?››

‹‹ማለት››

‹‹ መልኳ ምን አይነት ነው? ››

‹‹አሁን አላስታውስም››

‹‹  መልኳን ባታውቅም የምታስታውሰው ነገር አለ››

‹‹አዎ››

‹‹ምን››

‹‹እኔ እንጃ ግን....››

                 ወልዴ እናቱን ማግኘት ፈልጓል፡፡እዚህ የመጡት ሴቶች እናቴ ያለችበትን ያውቁ ይሆን? ብሎ አሰበ፡፡ደጃዝማች አጠገባቸው እንዲቆም ነገሩትና ወደ ስምንቱ ሴቶች እንዲመለከት አደረጉት፡፡‹‹እናትህ ከስምንቱ አንዷ ናት፡፡የትኛዋ እንደሆነች ለይተህ ንገረኝ›› አሉት፡፡ወልዴ ደነገጠ፡፡ደግሞም ውስጡ በደስታ ታመሰ፡፡ሲጠብቀው የነበረው  እናቱን የማግኘት ጉጉት እውን ሊሆን ነው፡፡

             እዚህ ቤት ከመጣ ጀምሮ የሚመጡት እንግዶች እናቱ የት እንዳለች እንዲነግሩትና እንዲያሳዩት ቢጠይቅም አንዳቸውም አናውቃትም ስላሉት ሁሌም ግን ፍለጋውን እንደቀጠለ ነበር፡፡ ዛሬ ይሄው እናቱ እርሱ ያለበት ድረስ መጥታለች፡፡ ግን ከስምንቱ ሴቶች እንዴት ለይቶ ይወቃት?፡፡ ደጃዝማች እንደነገሩት‹‹ለይተህ ካላወቅሀት ማግኘት አትችልም ››ስላሉት ተጨነቀ፡፡

           እያንዳንዱን ሴቶች ከእግር አስከራሳቸው ማየት ጀመረ፡፡እናቱ የተለየችው በሶስት አመቱ ነበር፡፡ ያኔ በጥቂቱ ከሚያስታውሰው በስተቀር ያን ያህል መለያ የለውም፡፡ግን በውስጡ የተቀረጸ የሆነ ነገር ነበር ፡፡እናቱን ሲያስብ፡፡እሷ ነች ብሎ ቀርጾ በውስጡ ያስቀመጠው ምስል ነበር፡፡በዚያ ምስል ተረድቶ እርሷ ናት  ብሎ የገመተው  ሴት ላይ ሄዶ ሊጠመጠም ፈለገ፡፡ነገር ግን ይሄን ከማድረጉ በፊት እናቴ ናት ብሎ የሚጠቁማትን ለደጃዘማች ነገሮ ሲረጋገጥ ነው ወደ እናቱ የሚሄደው፡፡

           ሴቶቹን ተመለከተና አነጣጥሮ ወደ አንዷ  ተመለከተ፡፡ከመሀላቸው አንዲቷ ሰረቅ አድርጋ ትመለከተው ነበር፡፡ እርሱም ልቡ ትር ትር ይል ጀመር፡፡ በቃ!! እርሷ ናት ብሎ ደመደመ፡፡፡የትላንቱ ታዳጊ የዛሬው አንጋፋ ሙያተኛ  ዶክተር ወልደ መስቀል ኮስትሬ ሁኔታው አስታውሶ እናቱን እንዴት ፈልጎ እንዳገኘ ይናገራል‹‹ ሶፋው ላይ የተቀመጡት ሴቶች አንዳንዶቹ ቀይ ናቸው ፡፡ሌሎቹ ጠይም ነበሩ፡፡እናቴን ለማግኘት ብፈልግም ግራ ተጋባሁ፡፡

           በኋላ ግን ከመሀላቸው አንዷ ትኩር ብላ አየችኝ፡፡እኔም አፍጥጬ ሳያት አለቀሰች፡፡እናቴ እርሷ ናት ብዬ ሄጄ ተጠመጠምኩባት ፡፡መጠምጠም ብቻ ሳይሆን አለቅም ብዬ እዚያው እንቅ አድርጌ ያዝኳት፡፡ከዚያ ማን ያላቀን?በዚያን ጊዜ የነበረውን ሁኔታ ሳስታውስው ከእናቴ ተለይቼ ብዙ ጊዜ በመቆየቴ ለረጅም ጊዜ ታምቆ የነበረውን ናፍቆቴን ተጠምጥሜባት አለቀስኩ፡፡አልቅሼ  እንኳን ሊወጣልኝ አልቻለም፡፡ገጠር ትምህርት ቤት እያለሁ ሌሎች ህጻናት ልጆች እናቶቻቸው መጥተው ሲጠይቋቸውና አብረው ሲሄዱ ሳይ በጣም ይሰማኝ ነበር፡፡እናቴን ትልቅ ሆኜ አገኛታለሁ ብዬ አስቤ አላውቅም፡፡.....››ይላሉ

                          ታዳጊው ወልዴና እናቱ ተገናኙ ተቃቀፉ ፤ተሳሳሙ እንደገናም ተቃቀፉ፡ሁለቱም ጋር ያለው ናፍቆት ተመሳሳይ ነበር፡፡  አሁን ሲፈላለጉ የነበሩት እናትና ልጅ ተገናኝተዋል ፡፡ልጅ ከእናቱ መለየት አልፈለገም፡፡ እናትም ልጇን ይዛ ወደ ቤቷ ልትሄድ ተሰናዳች፡፡ወልዴም ጨርቁን ሊያመጣ ወደ ጓዳ ገባ፡፡ደጃዝማች ወደ እናቲቱ እያዩ‹‹ ምንድነው ነገሩ›› አሉ፡፡

‹‹ይዤው ልሄድነው››

‹‹ወደዬት?››

‹‹ወደቤቴ››

‹‹አትወስጅውም››

‹‹እወስደዋለሁ››

‹‹ኃይለስላሴ ይሙት!!!!ማንም ሰው ልጁን ከዚህ ቤት መውሰድ አይችልም ››

ደጃዝማች‹‹ኃይለስላሴ ይሙት!››ካሉ፡ነገሩ ያበቃለት ነው፡፡ምንም የሚሻር ነገር የለውም ወልዴ ይናገራል‹‹ደጃዝማች ከማሉ እንደቆረጡ ስለሚታወቅ እናቴ እርሷ ጋር ይዛኝ ልትሄድ አልቻለችም፡፡እዚያው ጊቢ ውስጥ ብዙ ልጆች ያስተምሩ ስለነበር ከነርሱ ጋር አብሬ እንድሆን ተደረገ፡፡

         አዲስ አበባ ያለው አጎቴ የተማረና ባንክ የሚሰራ ስለነበር እዚያው ግቢ ውስጥ ቄስ ትምህርት ከጨረስኩ በኋላ ዘመናዊ ትምህርት ቤት እንድገባ ተደረገ፡፡የወሰዱኝ ዘነበወርቅ ትምህርት ቤት ነበር፡፡እዚያ ሴቶች ስለሚበዙ ለመግባት ፈቃደኛ አልነበርኩም፡፡ አስታውሳለሁ በአሉ ግርማ እዚያ እየተማረ ነበር፡፡  አስፋው ወሰን ት/ቤት አስመዘገበኝ ከዚያም ቆይቶ ወንድራድ ገባሁ›› ይላል

‹‹እንኳን እኔ ጄኔራል መንግስቱ የጊዮርጊስ ደጋፊ ናቸው›› ማሞ ወልዴ

የቢቢሲ ጋዜጠኞች ከሜክሲኮ ኦሎምፒክ የማራቶን አሸናፊው  ማሞ ወልዴ ጋር ቃለ ምልልስ እያደረጉ ነው፡፡ከርሱ ጋር ለሶስት ቀን ይቆያሉ::የኢትዮጵያ አትሌቶች  በአበበ ቢቂላ ጀማሪነት ሶስት ጊዜ በተከታታይ የወርቅ ሜዳሊያ በማግኘታቸው አለም ስለተገረመና  በሀገራቸው ጥሩ እንክብካቤ ይደረግላቸዋል ተብሎ ስለተወራ ‹‹የአትሌቶች አያያዝ እንዴት ነው?››በሚል ዘገባ ለመስራት ፈልገው ነው የመጡት፡፡ማሞ ከሜክሲኮ ሜዳሊያውን ይዞ እንደተመለሰ  በአስራ አምስተኛው ቀን ነበር ጋዜጠኞቹ የመጡት፡፡አሁን በማሞ ህይወት ዙሪያ ዶክመንተሪ ፊልም እየሰሩ ነው፡፡

      ጋዜጠኞቹ ትላንትና በልምምድ ሜዳ ላይ ነው የቀረጹት፡፡ዛሬ ደግሞ መኖሪያ ቤቱ እየቀረጹት ነው፡፡ቤቱ በጣም ምርጥ ነው፡፡ከኢትዮጵያ ህዝብ ኑሮ አኳያ  ጋዜጠኞቹ የማሞን ቪላ ቤት አይተው  ከውጤቱ አንጻር ‹‹ይገባዋል›› ብለው ደምድመዋል፡፡ ግቢው ሰፊ ነው፡፡ ቤቱም የተለያዩ ክፍሎች አሉት፡፡ ጋዜጠኞቹ ማሞ ቤቱን እያዞረ እንዲያሳያቸው ፈለጉና ጉብኝቱ ተጀመረ፡፡ስለእያንዳንዱ ክፍል እየጠየቁት ነው፡፡ አስገራሚው ነገር ማሞም እንደጋዜጠኞቹ ቤቱን ያለማወቁ ነው፡፡አስጎብኚና ጎብኚ በቤቱ ሁኔታ ግራ ተጋብዋል፡፡

ጋዜጠኞቹ የማሞን ታሪክ በፊልም ቀርጸው በቴሌቪዥን ሊያስተላልፉ ቢፈቀድላቸውም መንግስትን ያሰጋው ነገር አንድ ጉዳይ ነበር፡፡ማሞ የሚኖርባት ቤት ደሳሳ ነች፡፡ እዚህ ቤት ውስጥ ፊልም ከተቀረጸና ለአለም ከተላለፈ የኢትዮጵያን ገጽታ ያበላሻል ተብሎ ስለታሰበ የአንድ ጄኔራል ቤት  ተሰጠው፡፡ ትዕዛዙ የመጣው ከላይ በመሆኑ ሰውየው ቤቱን ለማሞ በፍጥነት አስረከበ ፡፡ነገሮች በጥድፊያ ስለተደረጉ ጄኔራሉ እቃቸውን ከቤት አላወጡም፡፡

አንድ ቀን ከሰዓት ማሞ ከእንግዶች ጋር ሆኖ ደሳሳ ቤቱ ውስጥ እየተጫወተ ሳለ ሰዎች እንደሚፈልጉት ተነገረው፡፡ከአንደኛው በስተቀር ሌሎቹን አያውቃቸውም፡፡ ሰውየው ትልቅ ባለስልጣን ናቸው፡፡‹‹ሰላም ነህ ማሞ››አሉት

‹‹ደህና ነኝ.....ቤት ግቡ››

ሰዎቹ ወደ ግቢው ዘለቁ፡፡እኚህ ባለስልጣን ወደ ውስጥ ከገቡ በኋላ ማሞ እንዴት እንደሚያስተናግዳቸው ግራ ገብቶታል፡፡ሶፋ ቢኖር እዚያ ላይ ያስቀምጣቸዋል፡፡ ቤቱ ውስጥ ደህና ወንበር እንኳን አልነበረውም፡፡ የግቢውን አጥር እንኳን ያጠሩለት የክብር ዘበኛ ወታደሮች ናቸው ፡፡አቀባበል ካደረጉለት በኋላ ቤቱን ቀለም ቀቡለት አጥሩንም አስተካከሉት፡፡

   ማሞ አሁን ግቢ ውስጥ የዘለቁትን ሰዎች ምን እንደሚያረጋቸው ግራ ገባው፡፡ለነርሱ የሚመጥን የተዘጋጀ ነገር የለም፡፡ግን ዝም ማለት የለበትም ፡፡በድጋሚ‹‹ወደ ቤት ግቡ››አላቸው

‹‹አንገባም ››

‹‹ቡና ይፈላል ምሳም ትበላላችሁ››

‹‹ችግር የለም እዚሁ እናናግርህ››

‹‹አሺ››

‹‹በንጉሱ ትዕዛዝ የተሻለ ቤት እንዲሰጥህ ተወስኗል››

‹‹ለእኔ?››

‹‹አዎ ላንተ››

‹‹ በጣም ደስ ይለኛል››

‹‹አሁን ከኛ ጋር ትሄዳለህ››

‹‹የት?››

‹‹ቤቱን ልታይ››

ማሞ እውነት አልመሰለውም፡፡ ይዋሻሉ እንዳይል ባለስልጣን ናቸው፡፡ከሰዎቹ ጋር ወደቦታው ሄደ፡፡ቤቱን ሲያየው በፍጹም አላመነም‹‹ይሄ ለኔ ነው?››ብሎ በመገረምና ባለማመን ጠየቃቸው፡፡እነርሱም የቤቱን ቁልፍ እየሰጡት፡፡‹‹እዚህ ቤት አንድ ጀኔራል ይኖር ነበር፡፡ ለጊዜው ሌላ ቦታ እስኪሰጠው ላመጣኸው ውጤት ቤቱ ላንተ በሽልማት መልክ ተሰጥቶሀል፡፡ውስጥ ያለውንም እቃ ተጠቀምበት››አሉት፡፡ወደያውኑ ቤቱ በአስቸኳይ ቀለም እንዲቀባ ተደረገና ማሞ ገባ፡፡ እርሱ እንደገባ በነጋታው የቢቢሲ ጋዤጠኞች መጡ፡፡ጉብኝቱ ቀጥሏል ፡፡ማሞ ይሄ ነገር ይመጣል ብሎ ስላልጠበቀ አልተዘጋጀም፡፡ሳሎን የጀኔራሉ ፎቶ ተሰቅሏል ጋዜጠኞች‹‹ይሄ ፎቶ የማነው?››አሉት

‹‹አርበኛ ናቸው››

‹‹በህይወት አሉ?››

‹‹ጦርነት ላይ ሞተዋል››

‹‹በየትኛው ጦርነት››

‹‹ማይጨው››

የመጣለት ሀሳብ ይሄ ነበር፡፡ጄኔራሉ በህይወት አሉ፡፡ጥያቄው ድንገት ስለመጣ ሞተዋል ለማለት ተገደደ፡፡የጄኔራሉ የወታደር ጫማ ተደርድሯል ስለጫማዎቹ ጠየቁት አድርጎ እንዲያሳያቸው ጠየቁት አደረገ፡፡ጨማው  ሰፊ ነበር ለርሱ የሚበቃው አልሆነም፡፡ልብስ እየቀያየረ ሊቀርጹት ፈለጉ፡፡ ሰውየው ወፍራም ስለሆኑ ልብሱ ከማሞ ጋር የሚሄድ አልሆነም ፡፡ነገሩ ለማሞ አስጨናቂ ሆነ፡፡ ጋዜጠኞቹና ማሞ ግቢ ውስጥ እየተዘዋወሩ ነው፡፡የጄኔራሉ መኪና ቆማለች‹‹ይህች መኪና ገዝተህ ነው ተሸልመህ?››አሉት

‹‹ገዝቼ ነው››

‹‹ስንት ገዛሃት?››

‹‹በቅናሽ ነው››

‹‹እስኪ ግባና እየነዳህ እንቅረጽህ?››

ማሞ መኪና መንዳት ችግር አለበት ‹‹ዛሬ የመኪና መንዳት ፕሮግራም የለኝም››ብሎ ፈቃደኛ ሳይሆን ቀረ፡፡

       የጄኔራሉ ወንድም ራቅ ወዳለ ክፍለሀገር ሲሄድ መኪናውን እዚህ ግቢ ነበር የሚያቆማት፡፡አሁን ከጉዳዩ ስለተመለሰ ግቢ ውስጥ ያቆመውን የራሱን መኪና ሊያወጣ መጣ ፡፡በሩን አንኳኳ ፤ማሞን ለማስተናገድ ከተመደቡት ሰዎች አንዱበሩን ከፈተ፡፡ ሰውዬው ወደ ውስጥ ሲገባ‹‹ማንን ፈልገህ ነው?››አለው

‹‹መኪና ልወስድ ነው››

‹‹የምን መኪና?››

‹‹መኪናዬን ነዋ !!!››

‹‹የትኛው?››

‹‹ይሄኛው››

‹‹ ይሄማ የማሞ መኪና ነው››

‹‹እንዴት ሆኖ?››

‹‹ንጉሱ ነው የሰጡት››

‹‹የኔን? ››

‹‹አዎ››

‹‹እኔ ሳልጠየቅ››

ሰውዬው በነገሩ ግራ ተጋባ ለማን አቤት ይባላል ብሎ ግራ ተጋባ ፡፡በሁለተኛው ቀን የጄኔራሉ ሚስት እቃ ልትወስድ መጣች፡፡ከአስተናጋጁ አንዱ  ተደብቆ በሬድዮ ለአለቃው ነገረው፡፡ ከግቢው ውጭ ለዚህ የተዘጋጁ ሰዎች ስላሉ ሴትየዋ በአክስትነት አዘጋጇትና ለጋዜጠኞቹ  ተነገራቸው፡፡ ጥሩ አጋጣሚ በመሆኑ ጋዜጠኞቹ ስለማሞ አስተዳደግ አክስት ተብዬዋን ጠየቁ  ፡፡ወተት እየጠጣ እንዳደገ ሩጫ ጎበዝ እንደሆነ አስረዳች፡፡የተነገራትም እንደዚህ እንድትል ነበር፡፡ ወዲያውኑ ከግቢ አስወጧት ፡፡ ከ3 ቀን በፊትም ድንገት መጥተው ነው ሴትዬዋን ከነባለቤቷ ‹‹በአስቸኳይ ልቀቁ የተባሉት ››አሁን ደግሞ የማታውቀውን ምስክርነት ሰጥታ ቶሎ ከግቢ ሸኟት ፡፡ሴትዬዋ ‹‹እዚህ ግቢ ምን እየተደረገ ነው?›› ብላ አሰበች፡፡ማሞንም ልታናግረው ፈለገች ግን አልተሳካላትም፡፡

   በሶስተኛው ቀን ጋዜጠኞቹ ተጨማሪ ቀረጻ ያደርጋሉ፡፡ ስለማሞ የሚያውቁ አንዳንድ ሰዎችን ያነጋግራሉ፡፡ ከምሳ በኋላ ነው የሚሄዱት፡፡በጠዋት አትክልት ሲያጠጣ  ግቢ ውስጥ ያሉትን ውሻና ከብት ሲንከባከብ ተቀረጸ፡፡ጄኔራሉ ሁለት ፈረሶች ግቢ ውስጥ ነበራቸው፡፡ አንዱ ያልተገራ ነው ፡፡ ማሞን ፈረሱ ላይ ሆኖ ሊቀርጹት ፈለጉ፡፡ ሌጣውን ፈረሱ ላይ ፈንጠር ብሎ  ጀርባው ላይ ወጣ፡፡ነገር ግን ፊልሙ ሲቀረጽ ማሞ ፈረሱ ላይ አልነበረም፡፡ፈረሱ ያልተገራና አስቸጋሪ በመሆኑ እዚህና እዚያ ተንፈራግጦ ማሞን አንስቶ አፈረጠው፡፡ባለቤቱ ፈረሱን ገና ያልገራው መሆኑን ማሞ አላወቀም ነበር፡፡ቢጎዳም ‹‹አንዳንዴ ይሄ ፈረስ ያስቸግረኛል፡፡ግን ከምወደው አንዱ ነው፡፡በልጅነቱ ነው የገዛሁት››አላቸው፡፡በሌላኛው ፈረስ እንዲቀረጽ ነገሩት ፡፡ከዚያ ይልቅ የሚበላ ነገር እየሰጣቸው ተቀረጸ፡፡ ያኛውን ግን ብዙም አልተጠጋውም፡፡

      የምሳ ሰዓት ደረሰና እየተበላ ቀረጻ ተካሄደ፡፡ የፈረንጅና ሀበሻ ምግቦች በብፌ መልክ ቀረበ፡፡ለዚሁ ሲባል የማሞን መስተንግዶ የሚመሩት ሰዎች አቅርበውለታል፡፡ወጥቤቶቹም ከትላልቅ ሆቴል የመጡ ናቸው፡፡ማሞ ፈረንጆቹን ለማስተናገድ ምንም አቅም የለውም፡፡ ላድርግ ቢል እንኳን ይሄን ሁሉ ወጪ እንዴት ይችለዋል? ማን እንደሸፈነ ባይነግሩትም ከበላይ አካል ነው ስለተባለ ነገሩን በጸጋና በደስታ ተቀብሎታል፡፡ምሳ እየተበላ ሰሞኑን የተቀረጸው የማሞ ፊልም እየታየ ነበር፡፡በእንግሊዝ ሀገር ስለእርሱ በጋዜጣ ላይ የወጡትን ፎቶግራፎች ተመለከተ፡፡ፎቶዎቹ እነርሱ አንስተው የላኩት ነበሩ፡፡ጋዜጠኞቹ የኢትዮጵያ አትሌቶች ጥሩ እንክብካቤ ስለተደረገላቸው ነው ውጤት የሚያመጡት በሚል እንደማሳያነት ተመለከቱና ሌሎችንም አትሌቶች በዚህ አይነት እንደሚንከባከቧቸው አመኑ፡፡

የከሰዓቱ ቀረጻ ወደተለያየ ቦታ ሄደው  ማሞ ከህብረተሰቡ  ጋር ያለውን ግንኙነት ለመቅረጽ ቀጠሮ ይዘዋል፡፡ለሚቀረጹት ሰዎች መባል ያለበትን አስተናጋጆቹ በቅድሚያ ይግራቸዋል፡፡ማሞ ወደ ቀድሞ ሰፈሩ ሲሄድ አስተናጋጆቹ ከለከሉት፡፡አስተናጋጆቹ ከማሞ ወገን ሆነው ነገሮችን የሚቆጣጠሩ ናቸው፡፡ማሞን አጣድፈው ነው ወደ አዲሱ ቤቱ ያስገቡት፡፡ከቀድሞ ቤቱ እቃውን አላወጣም ነበር፡፡በቀረጻና በሌላም ጉዳዮች ሲዋከብ ወደ ቀደሞ ቤቱ አልሄደም፡፡ አሁን ግን በዚህ አጋጣሚ ወደ ቤቱ ደረስ ማለት ፈለገ፡፡ከአስተናጋጆቹ ለአንዱ‹‹እቃዎቼን ከቤት ላምጣ?››አለው

‹‹ምን ያደርግልሃል?የተሟላ ነገር አለህ››

‹‹አንዳንድ የምፈልጋቸው ነገሮች አሉ››

‹‹ለምሳሌ ምን››

‹‹ፎቶዎች....ሌላም››

‹‹ሌላ ፎቶ ትነሳለህ››

ነገሩ ለማሞ ግራ የሚያጋባ ቢሆንም አሁን  በሽልማት የተሰጠው ቤት ከምንም ነገር ይበልጥበታል፡፡ነገር ግን የቀድሞ ቤት ውስጥ ያሉት ከበፊት ጀምሮ የተነሳቸው ፎቶዎች፤የስፖርት ትጥቆች፤ሌላም የሚፈልጋቸውን እቃዎች ቢወስድ ምን ችግር አለበት ብሎ አሰበ፡፡እቃውን ለመውስድ  አንድ ዘዴ መጣለት ለአስተናጋጆቹ‹‹ጋዜጠኞቹ የቀድሞ ቤቴን ማየት ይፈልጋሉ››አለ

‹‹አይቻልም››

‹‹ለምን››

‹‹ካሳየህ ወይም ከነገርካቸው አሁን የተሸለምከውን ቤት ታጣለህ››

‹‹ምን ችግር አለው?››

‹‹ምንም››

‹‹ላሳያቸዋ!!››

‹ቤቱ የለም ‹››

‹‹እንዴት››

‹‹ለሌላ ተሰጥቷል››

‹‹እቃዬስ?››

‹‹ሌላ ቦታ ስለተቀመጠ በተመቸህ ጊዜ ትወስዳለህ››

ማሞ በነገሩ ቢስማማም እነዚህ ጋዜጠኞች የድሮ ቤቱን ቢቀርጹለት ጥሩ እንደሆነ አሰበ፡፡ቤቱ ያለመቀረጹ ምን ያህል ጉዳት እንዳለው  አልተገነዘበም፡፡ጋዜጠኞቹ በማሞ ታሪክ ላይ የሚያጠነጥነውን ፊልም ቀርጸው ጨረሱና በስፖርተኞች አያያዝየኢትዮጵያ መንግስትን አድንቀው ወደ ሀገራቸው ተመለሱ፡፡

            አንድ ቀን ጠዋት ማሞ በአዲሱ ቤቱ ገንዳ ውስጥ በሞቀ ውሃ ሰውነቱን እየታጠበ ነው፡፡በሚያምረው ገንዳ እየተንፈላሰሰ ብዙ ነገረ አሰበ፡፡በእንዲህ አይነቱ ገንዳ የሚጠቀመው ውጭ አገር ለወድድር ሲሄድ ነው፡፡ከዚያ ውጭ የገንዳ ሻወር አያገኝም፡፡ ገንዳ ውስጥ ሆኖ ያችን ደሳሳ ቤቱን አሰባት፡፡ሻወር ሲፈልግ በባልዲ ውሃ አምጥቶ ብረት ምጣድ ላይ በጣሳ ሰውነቱ ላይ እያፈሰሰ ነው የሚታጠበው፡፡ዛሬ ያቺ ቤቱ ትዝ አለችው፡፡እዚያው ገንዳ ውስጥ ሆኖ  ማሞ ስለቤቱ አሰበ፡፡ከአቅሙ በላይ የሆነ መኖሪያ ነው የሰጡት፡፡የክፍሎቹ ብዛት፤ የግቢው ስፋት፤የቤቱ ውበት የሚያስገርም ነው ፡፡ይሄን ቤት ሽጦ መለስተኛ ቤት ሰርቶ በቀረው ገንዘብ ሊጠቀምበት ፈለገ፡፡ይሄን ሀሳቡን ቀየረና ማከራየት እንደሚቻል ወሰነ፡፡ ሊያከራየው ፈለገ፡፡

    ለማንኛውም የሚቀርቡትን ጓደኞቹ ነገ ስለቤቱ ሁኔታ ያዋያቸዋል፡፡ዛሬ ቤቱ ትልቅ ግብዣ ጠርቷል፡፡በስጦታ ያገኘውን ቤት የሚያስመርቀው ዛሬ ነው፡፡ጓደኞቹንና የቅርብ ዘመዶቹን እዚህ ግብዣ ላይ እንዲገኙለት ጠርቷል፡፡ክቡር ዘበኛ ያሉት በቅርቡ የሚያውቃቸው ወዳጆቹ ሙዚቃ ሊጫወቱለትና ግብዣውን ሊያደምቁለት እንደሚመጡ ነግረውታል፡፡

ቤቱን ከትናንት ጀምሮ እያሰማመረ ነው፡፡የጄኔራሉ ፎቶ ተነስቷል፡፡ይሄ ትልቅና ዘመናዊ ቤት የማሞ መሆኑ ተረጋጧል፡፡አሁን  ግድግዳዎች በማሞ ፎቶዎች ተሞልተዋል፡፡   በሜክሲኮ ኦሎምፒክ አሸንፎ ሜዳሊያ ሲቀበል፤ከንጉሱ ጋር ሰላምታ ሲለዋወጥ ፤በአዲስ አበባ አቀባበል ሲደረግለትና  ሌሎችም የማሞን ድል የሚገልጹ ፎቶዎች  ቤቱን እድምቀውታል ሜዳሊያውንም በሳሎን ግድግዳ ላይ ተሰቅሏል፡፡

     ዛሬ ግን ሜዳሊያውን ያወርደዋል፡፡ እንግዶች ከመምጣታቸው በፊት የማእረግ ልብሱን ይለብስና ሜዳሊያውን በደረቱ ላይ ያኖረዋል፡፡ከዚያም በማራቶን እንዴት እንዳሸነፈ ለተጋባዦቹ ገለጻ ያደርጋል፡፡ይሄን ግብዣ እርሱ ቢጠራም አብዛኛው ወጪ በጓደኞቹ ተሸፍኗል፡፡ሽንጥ ስጋ ገብቷል፡፡ተጨማሪ በጎች ተገዝተዋል፡፡ከምግብ በኋላ ለማወራረጃ የሚያስፈልግ ነገር ሁሉ ተሟልቷል፡፡አንዳንድ ወዳጆቹ በጊዜ መጥተው ምሳ እስኪደርስ ከማሞ ጋር እየተጫወቱ ነው፡፡ቤቱን እያዞረ አስጎበኛቸው፡፡እነርሱም በጣም ተደነቁ፡፡ አንደኛው ባልደረባው፡፡‹‹በኦሎምፒክ ስላሸነፍክ ነው ይሄን የመሰለ ቪላ ቤት የተሰጠህ?››አለው

‹‹አዎ››

‹‹ለአበበ ለምን አልተሰጠውም?››

‹‹መስጠታቸው አይቀርም››

‹‹እንደርሱ ነው?››

‹‹ይመስለኛል ወይም መሸለም ከአሁን ጀምረው ይሆናል››

‹‹እኔ ብሮጥና ባሸንፍ እንዲህ አይነት ቤት ይሸልሙኛል?››

‹‹አዎ››

‹‹በል እንግዲህ ነገ ሩጫ ጀምራለሁ››

የምሳ ሰዓት እየተቃረበ እንግዶችም በብዛት ወደ ቤት እየገቡ ነው፡፡ጭፈራውን የሚያደምቁ ሰዎች መጥተዋል፡፡ሁለት ሰዎች ከውጭ ሆነው እያንኳኩ ነው፡፡አንድሰው ከፈተላቸው‹‹ግቡ››አላቸው

‹‹አንገባም››

‹‹ሌሎች እንግዶች እኮ እየገቡ ነው››

‹‹እዚሁ እንሆናለን››

‹‹ምሳ ደርሷል እኮ››

‹‹ማሞን ጥራልን››

‹‹ከእንግዶች ጋር ነው››

‹‹ፈልገነው ነው››

‹‹ግቡና አናግሩታ››

‹‹ግድ የለም እዚህ  ጥራልን››

ሰውዬው እንዲገቡ ቢጎተጉታቸውም ወደ ውስጥ አልዘለቁም፡፡ማሞን ሊጠራው ሄደ፡፡ እርሱ ግን በመስተንግዶው ተወጥሮ ስለነበር ፈላጊዎቹን ገብተው እንዲያነጋግሩት ላከባቸው እነርሱም ለመግባት ፈቃደኛ ሳይሆኑ ቀርተው አንደኛ ስሙን ሰጠውና ለማሞ እንዲነግረው ላከው፡፡ማሞም  ስሙን ካዬ በኋላ ይሄን ሰውዬ ያውቀዋል፡፡ምን ፈልጎ ነው የመጣው? በግብዣው ጥሪ አልተደረገለትም፡፡ ይሄን እያሰላሰለ በር ላይ የቆሙትን ሰዎች ሊያናግር ወጣ አንደኛው‹‹ልናናግርህ ፈልገን ነው››አለው

‹‹ቤት ግቡና እናውራ ››

‹‹እዚሁ መነጋገር እንችላለን››

‹‹ምንድ ነው ጉዳዩ?››

‹‹ቤቱን ልቀቅ ተብለሃል››

‹‹እየቀለዳችሁ ነው››

‹‹አልቀለድንም››

‹‹ማነው ልቀቅ ያለው››

‹‹ተወስኗል››

‹‹ቤቱ እኮ የኔ ነው››

‹‹ማነው የሰጠህ?››

‹‹ንጉሱ››

‹‹እንኳን ለአንተ ለአበበ ቢቂላም አልተሰጠም››

‹‹ቤቱ ለእኔ እንደተሰጠኝ ምስክር አለኝ››

‹‹ምንም ምስክር አያስፈልግም፡፡ ቤቱ ያንተ ለመሆኑ በሰነድ የተላለፈ ነገር አለ?››

‹‹ጋዜጠኞቹ ምስክር ናቸው››

‹‹የሚበቃህን ያህል ቤቱ ውስጥ ተንፈላሰሀል፡፡ አሁን ውጣ››

‹‹ወጥቼስ? ››

‹‹ወደ ቀድሞ ቤት ትገባለህ››

‹‹ ቤቴ እኮ ለሌላ ሰው ተሰጥቷል››

‹‹ለማንም አልተሰጠም››

‹‹እቃዬም እንደወጣ ተነግሮኛል››

‹‹ስትሄድ ሁሉንም ነገር ታገኛለህ፡፡ አሁን ይሄን ልቀቅ››

‹‹አለቅም ››

‹‹ችግር ውስጥ እንዳትገባ››

ማሞ ማስጠንቀቂያውን ሰምቶ ለጊዜው ከቤቱ ባይወጣም የደህንነት ሰዎች መጥተው‹‹ቤቱ ለአስቸኳይ እንግዳ ስለሚፈለግ በቶሎ ውጣ ›› የሚለው ትዛዝ ስለመጣ ከዚህ በኋላ ምን እንደሚከተል ስላወቀ በድራማው እያዘነ ወደ ደሳሳው ቤቱ ተመለሰ፡፡በነገሩ በጣም ተከፋ ፡፡

በሌላ ቀን ጓደኞቹ አገኙት፡፡በተለይ አንደኛው ይቀርበዋል፡፡ብዙ ሀሳብም የሚያማክረው ለእርሱ ነበር፡፡ነገር ግን ከቅርብ ጊዜ ጀምሮ ተገናኝተው አያውቁም፡፡ጓደኛው‹‹አለፈልህና እኛን ረሳኸን አይደል ?››አለው

‹‹ምን ተገኘና ረሳሀለሁ››

‹‹ምን የመሰለ ቤት አገኘኽ››

‹‹የምን ቤት?››

‹‹የተሰጠህ››

‹‹ቲያትር ሊሰሩበት ነው››

‹‹የምን ቲያትር?››

‹‹በነፍሴ ተጫወቱብኝ››

‹‹እንዴት ?››

‹‹አሳይተው ነሱኝ››

ጓደኛው ተገረመ እንደገናም አዘነ፡፡የተደረገውን ነገር አንድም ሳያስቀር ማሞ ለጓደኛው አጫወተው፡፡ጓደኛውም

‹‹ለምን አትጠይቅም?››አለው

‹‹ማንን? ››

‹‹የበላይ አካል››

‹‹የሰጡኝ እነርሱ ናቸው››

‹‹እና››

‹‹የወሰዱትም እነርሱ ናቸው››

‹‹ለንጉሱ ለምን አትናገርም?››

‹‹ምን ብዬ?››

‹‹ተወሰደብኝ ብለህ››

ጓደኛውና ማሞ ለንጉሱ የሚጽፉበትን ደብዳቤ ማዘጋጀት ጀመሩ፡፡

ደብዳቤው ውስጥ ከተጻፉት ነገሮችውስጥ‹‹.....ቤቱን ተነጥቄያለሁ፤ተለዋጭ ቤት ይሰጠኝ፤ግማሹ ቤት ይሰጠኝ፤በሚቀጥለው ኦሎምፒክ በትጋት እንድሮጥ ተመጣጣኝ ቤት ይሰጠኝ.....››የሚሉ ተካተውበታል፡፡

የቢቢሲ ጋዜጠኞች እንደሄዱ በነጋታው አንድ ባለስልጣን ቤቱ መጥቶ ነበር ‹‹ማነው ይሄን ቤት የሰጠህ?››አለው

‹‹ንጉሱ ናቸው››

‹‹ለሌሎች ለምን አልተሰጠም?››

‹‹እርሱን አላውቅም››

›‹‹ይሄ ቤት ይፈለጋል››

‹‹ምን ማለት ነው?››

‹‹ቤቱን መልቀቅ አለብህ››

‹‹ለምን?››

‹‹ሌላ ቤት እኔ አሰጥሃለሁ››

‹‹ሌላ ቤት አልፈልግም ይሄኛው ተስማምቶኛል››

         ማሞ በሁኔታው ግራ ተጋብቶ የርሱ አስተናጋጅ ለነበሩት በስልክ ደውሎ‹‹ አንድ ሰው መጥቶ ቤቱ ይፈለጋል አለኝ››ብሎ ነገረው

‹‹ማነው ››

‹‹ባለስልጣን ነው››

‹‹ስሙ ማን ይባላል››

(ማሞ ስሙን ነገረው)

ሰውየው እንዳትወጣ ብሎ ነገረው፡፡አሁን ያንን ባስልጣን አሰበ እርሱ ‹‹ይሄን ልቀቅና ሌላ ቤት ልስጥህ ነው ››ያለው፡፡ያኔ እርሱን እሺ ብዬው ቢሆን ጥሩ ነበር ብሎ አሰበ፡፡ ሌላም ነገር አሰበ፡፡ ጋዜጠኞቹ የድሮውን ቤት አሳይቷቸው ቢሆን ኖሮ ሌላ ጥያቄ ስለሚያነሱ ምናልባት ይሄን ፍራቻ ትልቁን ቤት አይነጥቁትም ነበር፡፡አሁን ሁሉ ነገር አልፏል፡፡የደህንነት ሰዎችም ከቤቱ ሲያስወጡት አስጠንቅቀውታል፡፡ስለዚህ ጉዳይ ለማንም ቢያወራ ችግር እንደሚፈጠርበት አስረግጠው ነግረውታል፡፡ ማሞ ወልዴ የቅዱስ ጊዮርጊስ ደጋፊ ነው፡፡

                       በስፖርቱ ወስጥ በርካታ ደጋፊ ያለው በመሆኑና ብቸኛው ህዝባዊ ክለብ ስለነበር ህዝቡን ለማግኘትና በስፖርቱ ድጋፍ ለማግኘት ክለቡ ተመራጭ ነው፡፡ማሞ አንድ ነገር ሲፈልግ ቀድመው የሚደርሱለት የቅዱስ ጊዮርጊስ ደጋፊዎች ናቸው፡፡  22 አካባቢ የሰራውን ቤት መሬቱን ያጋዙት የጊዮርጊስ ደጋፊዎች ናቸው፡፡በአንድ ወቅት ክብር ዘበኛ በጊዮርጊስ ተሸንፎ ክፍሉ ውስጥ ትንሽ ትርምስ ተነሳ፡፡‹‹የኛ ሆነው ቅዱስ ጊዮርጊስን የሚደግፉ ውስጥ አርበኞች አሉ››ተብሎ ወቀሳው ማሞ ላይ መጣበት፡፡ ማሞም አልገረመውም‹‹እንኳን እኔ አለቃችን መንግስቱ ንዋይ ቅዱስ ጊዮርጊስን ነው የሚደግፈው››በማለት እስከመንገር ደርሷል፡፡በ25ተኛው አመት የምስረታ በዓል ማሞ ለክለቡ 10 ብር ረድቷል፡፡ ይሄ ደግሞ ሌሎች ከሰጡት ገንዘብ የተሻለ ነበር፡፡ ማሞ ከሜክሲኮ እንደተመለሰ የኦዳ ቤተሰብ  በገነት ሆቴል ትልቅ ግብዣ አድርገውለት ሽልማት ሰጥተውታል፡፡

የቢቢሲ ጋዜጠኞች ከሜክሲኮ ኦሎምፒክ የማራቶን አሸናፊው  ማሞ ወልዴ ጋር ቃለ ምልልስ እያደረጉ ነው፡፡ከርሱ ጋር ለሶስት ቀን ይቆያሉ::የኢትዮጵያ አትሌቶች  በአበበ ቢቂላ ጀማሪነት ሶስት ጊዜ በተከታታይ የወርቅ ሜዳሊያ በማግኘታቸው አለም ስለተገረመና  በሀገራቸው ጥሩ እንክብካቤ ይደረግላቸዋል ተብሎ ስለተወራ ‹‹የአትሌቶች አያያዝ እንዴት ነው?››በሚል ዘገባ ለመስራት ፈልገው ነው የመጡት፡፡ማሞ ከሜክሲኮ ሜዳሊያውን ይዞ እንደተመለሰ  በአስራ አምስተኛው ቀን ነበር ጋዜጠኞቹ የመጡት፡፡አሁን በማሞ ህይወት ዙሪያ ዶክመንተሪ ፊልም እየሰሩ ነው፡፡

      ጋዜጠኞቹ ትላንትና በልምምድ ሜዳ ላይ ነው የቀረጹት፡፡ዛሬ ደግሞ መኖሪያ ቤቱ እየቀረጹት ነው፡፡ቤቱ በጣም ምርጥ ነው፡፡ከኢትዮጵያ ህዝብ ኑሮ አኳያ  ጋዜጠኞቹ የማሞን ቪላ ቤት አይተው  ከውጤቱ አንጻር ‹‹ይገባዋል›› ብለው ደምድመዋል፡፡ ግቢው ሰፊ ነው፡፡ ቤቱም የተለያዩ ክፍሎች አሉት፡፡ ጋዜጠኞቹ ማሞ ቤቱን እያዞረ እንዲያሳያቸው ፈለጉና ጉብኝቱ ተጀመረ፡፡ስለእያንዳንዱ ክፍል እየጠየቁት ነው፡፡ አስገራሚው ነገር ማሞም እንደጋዜጠኞቹ ቤቱን ያለማወቁ ነው፡፡አስጎብኚና ጎብኚ በቤቱ ሁኔታ ግራ ተጋብዋል፡፡

ጋዜጠኞቹ የማሞን ታሪክ በፊልም ቀርጸው በቴሌቪዥን ሊያስተላልፉ ቢፈቀድላቸውም መንግስትን ያሰጋው ነገር አንድ ጉዳይ ነበር፡፡ማሞ የሚኖርባት ቤት ደሳሳ ነች፡፡ እዚህ ቤት ውስጥ ፊልም ከተቀረጸና ለአለም ከተላለፈ የኢትዮጵያን ገጽታ ያበላሻል ተብሎ ስለታሰበ የአንድ ጄኔራል ቤት  ተሰጠው፡፡ ትዕዛዙ የመጣው ከላይ በመሆኑ ሰውየው ቤቱን ለማሞ በፍጥነት አስረከበ ፡፡ነገሮች በጥድፊያ ስለተደረጉ ጄኔራሉ እቃቸውን ከቤት አላወጡም፡፡

አንድ ቀን ከሰዓት ማሞ ከእንግዶች ጋር ሆኖ ደሳሳ ቤቱ ውስጥ እየተጫወተ ሳለ ሰዎች እንደሚፈልጉት ተነገረው፡፡ከአንደኛው በስተቀር ሌሎቹን አያውቃቸውም፡፡ ሰውየው ትልቅ ባለስልጣን ናቸው፡፡‹‹ሰላም ነህ ማሞ››አሉት

‹‹ደህና ነኝ.....ቤት ግቡ››

ሰዎቹ ወደ ግቢው ዘለቁ፡፡እኚህ ባለስልጣን ወደ ውስጥ ከገቡ በኋላ ማሞ እንዴት እንደሚያስተናግዳቸው ግራ ገብቶታል፡፡ሶፋ ቢኖር እዚያ ላይ ያስቀምጣቸዋል፡፡ ቤቱ ውስጥ ደህና ወንበር እንኳን አልነበረውም፡፡ የግቢውን አጥር እንኳን ያጠሩለት የክብር ዘበኛ ወታደሮች ናቸው ፡፡አቀባበል ካደረጉለት በኋላ ቤቱን ቀለም ቀቡለት አጥሩንም አስተካከሉት፡፡

   ማሞ አሁን ግቢ ውስጥ የዘለቁትን ሰዎች ምን እንደሚያረጋቸው ግራ ገባው፡፡ለነርሱ የሚመጥን የተዘጋጀ ነገር የለም፡፡ግን ዝም ማለት የለበትም ፡፡በድጋሚ‹‹ወደ ቤት ግቡ››አላቸው

‹‹አንገባም ››

‹‹ቡና ይፈላል ምሳም ትበላላችሁ››

‹‹ችግር የለም እዚሁ እናናግርህ››

‹‹አሺ››

‹‹በንጉሱ ትዕዛዝ የተሻለ ቤት እንዲሰጥህ ተወስኗል››

‹‹ለእኔ?››

‹‹አዎ ላንተ››

‹‹ በጣም ደስ ይለኛል››

‹‹አሁን ከኛ ጋር ትሄዳለህ››

‹‹የት?››

‹‹ቤቱን ልታይ››

ማሞ እውነት አልመሰለውም፡፡ ይዋሻሉ እንዳይል ባለስልጣን ናቸው፡፡ከሰዎቹ ጋር ወደቦታው ሄደ፡፡ቤቱን ሲያየው በፍጹም አላመነም‹‹ይሄ ለኔ ነው?››ብሎ በመገረምና ባለማመን ጠየቃቸው፡፡እነርሱም የቤቱን ቁልፍ እየሰጡት፡፡‹‹እዚህ ቤት አንድ ጀኔራል ይኖር ነበር፡፡ ለጊዜው ሌላ ቦታ እስኪሰጠው ላመጣኸው ውጤት ቤቱ ላንተ በሽልማት መልክ ተሰጥቶሀል፡፡ውስጥ ያለውንም እቃ ተጠቀምበት››አሉት፡፡ወደያውኑ ቤቱ በአስቸኳይ ቀለም እንዲቀባ ተደረገና ማሞ ገባ፡፡ እርሱ እንደገባ በነጋታው የቢቢሲ ጋዤጠኞች መጡ፡፡ጉብኝቱ ቀጥሏል ፡፡ማሞ ይሄ ነገር ይመጣል ብሎ ስላልጠበቀ አልተዘጋጀም፡፡ሳሎን የጀኔራሉ ፎቶ ተሰቅሏል ጋዜጠኞች‹‹ይሄ ፎቶ የማነው?››አሉት

‹‹አርበኛ ናቸው››

‹‹በህይወት አሉ?››

‹‹ጦርነት ላይ ሞተዋል››

‹‹በየትኛው ጦርነት››

‹‹ማይጨው››

የመጣለት ሀሳብ ይሄ ነበር፡፡ጄኔራሉ በህይወት አሉ፡፡ጥያቄው ድንገት ስለመጣ ሞተዋል ለማለት ተገደደ፡፡የጄኔራሉ የወታደር ጫማ ተደርድሯል ስለጫማዎቹ ጠየቁት አድርጎ እንዲያሳያቸው ጠየቁት አደረገ፡፡ጨማው  ሰፊ ነበር ለርሱ የሚበቃው አልሆነም፡፡ልብስ እየቀያየረ ሊቀርጹት ፈለጉ፡፡ ሰውየው ወፍራም ስለሆኑ ልብሱ ከማሞ ጋር የሚሄድ አልሆነም ፡፡ነገሩ ለማሞ አስጨናቂ ሆነ፡፡ ጋዜጠኞቹና ማሞ ግቢ ውስጥ እየተዘዋወሩ ነው፡፡የጄኔራሉ መኪና ቆማለች‹‹ይህች መኪና ገዝተህ ነው ተሸልመህ?››አሉት

‹‹ገዝቼ ነው››

‹‹ስንት ገዛሃት?››

‹‹በቅናሽ ነው››

‹‹እስኪ ግባና እየነዳህ እንቅረጽህ?››

ማሞ መኪና መንዳት ችግር አለበት ‹‹ዛሬ የመኪና መንዳት ፕሮግራም የለኝም››ብሎ ፈቃደኛ ሳይሆን ቀረ፡፡

       የጄኔራሉ ወንድም ራቅ ወዳለ ክፍለሀገር ሲሄድ መኪናውን እዚህ ግቢ ነበር የሚያቆማት፡፡አሁን ከጉዳዩ ስለተመለሰ ግቢ ውስጥ ያቆመውን የራሱን መኪና ሊያወጣ መጣ ፡፡በሩን አንኳኳ ፤ማሞን ለማስተናገድ ከተመደቡት ሰዎች አንዱበሩን ከፈተ፡፡ ሰውዬው ወደ ውስጥ ሲገባ‹‹ማንን ፈልገህ ነው?››አለው

‹‹መኪና ልወስድ ነው››

‹‹የምን መኪና?››

‹‹መኪናዬን ነዋ !!!››

‹‹የትኛው?››

‹‹ይሄኛው››

‹‹ ይሄማ የማሞ መኪና ነው››

‹‹እንዴት ሆኖ?››

‹‹ንጉሱ ነው የሰጡት››

‹‹የኔን? ››

‹‹አዎ››

‹‹እኔ ሳልጠየቅ››

ሰውዬው በነገሩ ግራ ተጋባ ለማን አቤት ይባላል ብሎ ግራ ተጋባ ፡፡በሁለተኛው ቀን የጄኔራሉ ሚስት እቃ ልትወስድ መጣች፡፡ከአስተናጋጁ አንዱ  ተደብቆ በሬድዮ ለአለቃው ነገረው፡፡ ከግቢው ውጭ ለዚህ የተዘጋጁ ሰዎች ስላሉ ሴትየዋ በአክስትነት አዘጋጇትና ለጋዜጠኞቹ  ተነገራቸው፡፡ ጥሩ አጋጣሚ በመሆኑ ጋዜጠኞቹ ስለማሞ አስተዳደግ አክስት ተብዬዋን ጠየቁ  ፡፡ወተት እየጠጣ እንዳደገ ሩጫ ጎበዝ እንደሆነ አስረዳች፡፡የተነገራትም እንደዚህ እንድትል ነበር፡፡ ወዲያውኑ ከግቢ አስወጧት ፡፡ ከ3 ቀን በፊትም ድንገት መጥተው ነው ሴትዬዋን ከነባለቤቷ ‹‹በአስቸኳይ ልቀቁ የተባሉት ››አሁን ደግሞ የማታውቀውን ምስክርነት ሰጥታ ቶሎ ከግቢ ሸኟት ፡፡ሴትዬዋ ‹‹እዚህ ግቢ ምን እየተደረገ ነው?›› ብላ አሰበች፡፡ማሞንም ልታናግረው ፈለገች ግን አልተሳካላትም፡፡

   በሶስተኛው ቀን ጋዜጠኞቹ ተጨማሪ ቀረጻ ያደርጋሉ፡፡ ስለማሞ የሚያውቁ አንዳንድ ሰዎችን ያነጋግራሉ፡፡ ከምሳ በኋላ ነው የሚሄዱት፡፡በጠዋት አትክልት ሲያጠጣ  ግቢ ውስጥ ያሉትን ውሻና ከብት ሲንከባከብ ተቀረጸ፡፡ጄኔራሉ ሁለት ፈረሶች ግቢ ውስጥ ነበራቸው፡፡ አንዱ ያልተገራ ነው ፡፡ ማሞን ፈረሱ ላይ ሆኖ ሊቀርጹት ፈለጉ፡፡ ሌጣውን ፈረሱ ላይ ፈንጠር ብሎ  ጀርባው ላይ ወጣ፡፡ነገር ግን ፊልሙ ሲቀረጽ ማሞ ፈረሱ ላይ አልነበረም፡፡ፈረሱ ያልተገራና አስቸጋሪ በመሆኑ እዚህና እዚያ ተንፈራግጦ ማሞን አንስቶ አፈረጠው፡፡ባለቤቱ ፈረሱን ገና ያልገራው መሆኑን ማሞ አላወቀም ነበር፡፡ቢጎዳም ‹‹አንዳንዴ ይሄ ፈረስ ያስቸግረኛል፡፡ግን ከምወደው አንዱ ነው፡፡በልጅነቱ ነው የገዛሁት››አላቸው፡፡በሌላኛው ፈረስ እንዲቀረጽ ነገሩት ፡፡ከዚያ ይልቅ የሚበላ ነገር እየሰጣቸው ተቀረጸ፡፡ ያኛውን ግን ብዙም አልተጠጋውም፡፡

      የምሳ ሰዓት ደረሰና እየተበላ ቀረጻ ተካሄደ፡፡ የፈረንጅና ሀበሻ ምግቦች በብፌ መልክ ቀረበ፡፡ለዚሁ ሲባል የማሞን መስተንግዶ የሚመሩት ሰዎች አቅርበውለታል፡፡ወጥቤቶቹም ከትላልቅ ሆቴል የመጡ ናቸው፡፡ማሞ ፈረንጆቹን ለማስተናገድ ምንም አቅም የለውም፡፡ ላድርግ ቢል እንኳን ይሄን ሁሉ ወጪ እንዴት ይችለዋል? ማን እንደሸፈነ ባይነግሩትም ከበላይ አካል ነው ስለተባለ ነገሩን በጸጋና በደስታ ተቀብሎታል፡፡ምሳ እየተበላ ሰሞኑን የተቀረጸው የማሞ ፊልም እየታየ ነበር፡፡በእንግሊዝ ሀገር ስለእርሱ በጋዜጣ ላይ የወጡትን ፎቶግራፎች ተመለከተ፡፡ፎቶዎቹ እነርሱ አንስተው የላኩት ነበሩ፡፡ጋዜጠኞቹ የኢትዮጵያ አትሌቶች ጥሩ እንክብካቤ ስለተደረገላቸው ነው ውጤት የሚያመጡት በሚል እንደማሳያነት ተመለከቱና ሌሎችንም አትሌቶች በዚህ አይነት እንደሚንከባከቧቸው አመኑ፡፡

የከሰዓቱ ቀረጻ ወደተለያየ ቦታ ሄደው  ማሞ ከህብረተሰቡ  ጋር ያለውን ግንኙነት ለመቅረጽ ቀጠሮ ይዘዋል፡፡ለሚቀረጹት ሰዎች መባል ያለበትን አስተናጋጆቹ በቅድሚያ ይግራቸዋል፡፡ማሞ ወደ ቀድሞ ሰፈሩ ሲሄድ አስተናጋጆቹ ከለከሉት፡፡አስተናጋጆቹ ከማሞ ወገን ሆነው ነገሮችን የሚቆጣጠሩ ናቸው፡፡ማሞን አጣድፈው ነው ወደ አዲሱ ቤቱ ያስገቡት፡፡ከቀድሞ ቤቱ እቃውን አላወጣም ነበር፡፡በቀረጻና በሌላም ጉዳዮች ሲዋከብ ወደ ቀደሞ ቤቱ አልሄደም፡፡ አሁን ግን በዚህ አጋጣሚ ወደ ቤቱ ደረስ ማለት ፈለገ፡፡ከአስተናጋጆቹ ለአንዱ‹‹እቃዎቼን ከቤት ላምጣ?››አለው

‹‹ምን ያደርግልሃል?የተሟላ ነገር አለህ››

‹‹አንዳንድ የምፈልጋቸው ነገሮች አሉ››

‹‹ለምሳሌ ምን››

‹‹ፎቶዎች....ሌላም››

‹‹ሌላ ፎቶ ትነሳለህ››

ነገሩ ለማሞ ግራ የሚያጋባ ቢሆንም አሁን  በሽልማት የተሰጠው ቤት ከምንም ነገር ይበልጥበታል፡፡ነገር ግን የቀድሞ ቤት ውስጥ ያሉት ከበፊት ጀምሮ የተነሳቸው ፎቶዎች፤የስፖርት ትጥቆች፤ሌላም የሚፈልጋቸውን እቃዎች ቢወስድ ምን ችግር አለበት ብሎ አሰበ፡፡እቃውን ለመውስድ  አንድ ዘዴ መጣለት ለአስተናጋጆቹ‹‹ጋዜጠኞቹ የቀድሞ ቤቴን ማየት ይፈልጋሉ››አለ

‹‹አይቻልም››

‹‹ለምን››

‹‹ካሳየህ ወይም ከነገርካቸው አሁን የተሸለምከውን ቤት ታጣለህ››

‹‹ምን ችግር አለው?››

‹‹ምንም››

‹‹ላሳያቸዋ!!››

‹ቤቱ የለም ‹››

‹‹እንዴት››

‹‹ለሌላ ተሰጥቷል››

‹‹እቃዬስ?››

‹‹ሌላ ቦታ ስለተቀመጠ በተመቸህ ጊዜ ትወስዳለህ››

ማሞ በነገሩ ቢስማማም እነዚህ ጋዜጠኞች የድሮ ቤቱን ቢቀርጹለት ጥሩ እንደሆነ አሰበ፡፡ቤቱ ያለመቀረጹ ምን ያህል ጉዳት እንዳለው  አልተገነዘበም፡፡ጋዜጠኞቹ በማሞ ታሪክ ላይ የሚያጠነጥነውን ፊልም ቀርጸው ጨረሱና በስፖርተኞች አያያዝየኢትዮጵያ መንግስትን አድንቀው ወደ ሀገራቸው ተመለሱ፡፡

            አንድ ቀን ጠዋት ማሞ በአዲሱ ቤቱ ገንዳ ውስጥ በሞቀ ውሃ ሰውነቱን እየታጠበ ነው፡፡በሚያምረው ገንዳ እየተንፈላሰሰ ብዙ ነገረ አሰበ፡፡በእንዲህ አይነቱ ገንዳ የሚጠቀመው ውጭ አገር ለወድድር ሲሄድ ነው፡፡ከዚያ ውጭ የገንዳ ሻወር አያገኝም፡፡ ገንዳ ውስጥ ሆኖ ያችን ደሳሳ ቤቱን አሰባት፡፡ሻወር ሲፈልግ በባልዲ ውሃ አምጥቶ ብረት ምጣድ ላይ በጣሳ ሰውነቱ ላይ እያፈሰሰ ነው የሚታጠበው፡፡ዛሬ ያቺ ቤቱ ትዝ አለችው፡፡እዚያው ገንዳ ውስጥ ሆኖ  ማሞ ስለቤቱ አሰበ፡፡ከአቅሙ በላይ የሆነ መኖሪያ ነው የሰጡት፡፡የክፍሎቹ ብዛት፤ የግቢው ስፋት፤የቤቱ ውበት የሚያስገርም ነው ፡፡ይሄን ቤት ሽጦ መለስተኛ ቤት ሰርቶ በቀረው ገንዘብ ሊጠቀምበት ፈለገ፡፡ይሄን ሀሳቡን ቀየረና ማከራየት እንደሚቻል ወሰነ፡፡ ሊያከራየው ፈለገ፡፡

    ለማንኛውም የሚቀርቡትን ጓደኞቹ ነገ ስለቤቱ ሁኔታ ያዋያቸዋል፡፡ዛሬ ቤቱ ትልቅ ግብዣ ጠርቷል፡፡በስጦታ ያገኘውን ቤት የሚያስመርቀው ዛሬ ነው፡፡ጓደኞቹንና የቅርብ ዘመዶቹን እዚህ ግብዣ ላይ እንዲገኙለት ጠርቷል፡፡ክቡር ዘበኛ ያሉት በቅርቡ የሚያውቃቸው ወዳጆቹ ሙዚቃ ሊጫወቱለትና ግብዣውን ሊያደምቁለት እንደሚመጡ ነግረውታል፡፡

ቤቱን ከትናንት ጀምሮ እያሰማመረ ነው፡፡የጄኔራሉ ፎቶ ተነስቷል፡፡ይሄ ትልቅና ዘመናዊ ቤት የማሞ መሆኑ ተረጋጧል፡፡አሁን  ግድግዳዎች በማሞ ፎቶዎች ተሞልተዋል፡፡   በሜክሲኮ ኦሎምፒክ አሸንፎ ሜዳሊያ ሲቀበል፤ከንጉሱ ጋር ሰላምታ ሲለዋወጥ ፤በአዲስ አበባ አቀባበል ሲደረግለትና  ሌሎችም የማሞን ድል የሚገልጹ ፎቶዎች  ቤቱን እድምቀውታል ሜዳሊያውንም በሳሎን ግድግዳ ላይ ተሰቅሏል፡፡

     ዛሬ ግን ሜዳሊያውን ያወርደዋል፡፡ እንግዶች ከመምጣታቸው በፊት የማእረግ ልብሱን ይለብስና ሜዳሊያውን በደረቱ ላይ ያኖረዋል፡፡ከዚያም በማራቶን እንዴት እንዳሸነፈ ለተጋባዦቹ ገለጻ ያደርጋል፡፡ይሄን ግብዣ እርሱ ቢጠራም አብዛኛው ወጪ በጓደኞቹ ተሸፍኗል፡፡ሽንጥ ስጋ ገብቷል፡፡ተጨማሪ በጎች ተገዝተዋል፡፡ከምግብ በኋላ ለማወራረጃ የሚያስፈልግ ነገር ሁሉ ተሟልቷል፡፡አንዳንድ ወዳጆቹ በጊዜ መጥተው ምሳ እስኪደርስ ከማሞ ጋር እየተጫወቱ ነው፡፡ቤቱን እያዞረ አስጎበኛቸው፡፡እነርሱም በጣም ተደነቁ፡፡ አንደኛው ባልደረባው፡፡‹‹በኦሎምፒክ ስላሸነፍክ ነው ይሄን የመሰለ ቪላ ቤት የተሰጠህ?››አለው

‹‹አዎ››

‹‹ለአበበ ለምን አልተሰጠውም?››

‹‹መስጠታቸው አይቀርም››

‹‹እንደርሱ ነው?››

‹‹ይመስለኛል ወይም መሸለም ከአሁን ጀምረው ይሆናል››

‹‹እኔ ብሮጥና ባሸንፍ እንዲህ አይነት ቤት ይሸልሙኛል?››

‹‹አዎ››

‹‹በል እንግዲህ ነገ ሩጫ ጀምራለሁ››

የምሳ ሰዓት እየተቃረበ እንግዶችም በብዛት ወደ ቤት እየገቡ ነው፡፡ጭፈራውን የሚያደምቁ ሰዎች መጥተዋል፡፡ሁለት ሰዎች ከውጭ ሆነው እያንኳኩ ነው፡፡አንድሰው ከፈተላቸው‹‹ግቡ››አላቸው

‹‹አንገባም››

‹‹ሌሎች እንግዶች እኮ እየገቡ ነው››

‹‹እዚሁ እንሆናለን››

‹‹ምሳ ደርሷል እኮ››

‹‹ማሞን ጥራልን››

‹‹ከእንግዶች ጋር ነው››

‹‹ፈልገነው ነው››

‹‹ግቡና አናግሩታ››

‹‹ግድ የለም እዚህ  ጥራልን››

ሰውዬው እንዲገቡ ቢጎተጉታቸውም ወደ ውስጥ አልዘለቁም፡፡ማሞን ሊጠራው ሄደ፡፡ እርሱ ግን በመስተንግዶው ተወጥሮ ስለነበር ፈላጊዎቹን ገብተው እንዲያነጋግሩት ላከባቸው እነርሱም ለመግባት ፈቃደኛ ሳይሆኑ ቀርተው አንደኛ ስሙን ሰጠውና ለማሞ እንዲነግረው ላከው፡፡ማሞም  ስሙን ካዬ በኋላ ይሄን ሰውዬ ያውቀዋል፡፡ምን ፈልጎ ነው የመጣው? በግብዣው ጥሪ አልተደረገለትም፡፡ ይሄን እያሰላሰለ በር ላይ የቆሙትን ሰዎች ሊያናግር ወጣ አንደኛው‹‹ልናናግርህ ፈልገን ነው››አለው

‹‹ቤት ግቡና እናውራ ››

‹‹እዚሁ መነጋገር እንችላለን››

‹‹ምንድ ነው ጉዳዩ?››

‹‹ቤቱን ልቀቅ ተብለሃል››

‹‹እየቀለዳችሁ ነው››

‹‹አልቀለድንም››

‹‹ማነው ልቀቅ ያለው››

‹‹ተወስኗል››

‹‹ቤቱ እኮ የኔ ነው››

‹‹ማነው የሰጠህ?››

‹‹ንጉሱ››

‹‹እንኳን ለአንተ ለአበበ ቢቂላም አልተሰጠም››

‹‹ቤቱ ለእኔ እንደተሰጠኝ ምስክር አለኝ››

‹‹ምንም ምስክር አያስፈልግም፡፡ ቤቱ ያንተ ለመሆኑ በሰነድ የተላለፈ ነገር አለ?››

‹‹ጋዜጠኞቹ ምስክር ናቸው››

‹‹የሚበቃህን ያህል ቤቱ ውስጥ ተንፈላሰሀል፡፡ አሁን ውጣ››

‹‹ወጥቼስ? ››

‹‹ወደ ቀድሞ ቤት ትገባለህ››

‹‹ ቤቴ እኮ ለሌላ ሰው ተሰጥቷል››

‹‹ለማንም አልተሰጠም››

‹‹እቃዬም እንደወጣ ተነግሮኛል››

‹‹ስትሄድ ሁሉንም ነገር ታገኛለህ፡፡ አሁን ይሄን ልቀቅ››

‹‹አለቅም ››

‹‹ችግር ውስጥ እንዳትገባ››

ማሞ ማስጠንቀቂያውን ሰምቶ ለጊዜው ከቤቱ ባይወጣም የደህንነት ሰዎች መጥተው‹‹ቤቱ ለአስቸኳይ እንግዳ ስለሚፈለግ በቶሎ ውጣ ›› የሚለው ትዛዝ ስለመጣ ከዚህ በኋላ ምን እንደሚከተል ስላወቀ በድራማው እያዘነ ወደ ደሳሳው ቤቱ ተመለሰ፡፡በነገሩ በጣም ተከፋ ፡፡

በሌላ ቀን ጓደኞቹ አገኙት፡፡በተለይ አንደኛው ይቀርበዋል፡፡ብዙ ሀሳብም የሚያማክረው ለእርሱ ነበር፡፡ነገር ግን ከቅርብ ጊዜ ጀምሮ ተገናኝተው አያውቁም፡፡ጓደኛው‹‹አለፈልህና እኛን ረሳኸን አይደል ?››አለው

‹‹ምን ተገኘና ረሳሀለሁ››

‹‹ምን የመሰለ ቤት አገኘኽ››

‹‹የምን ቤት?››

‹‹የተሰጠህ››

‹‹ቲያትር ሊሰሩበት ነው››

‹‹የምን ቲያትር?››

‹‹በነፍሴ ተጫወቱብኝ››

‹‹እንዴት ?››

‹‹አሳይተው ነሱኝ››

ጓደኛው ተገረመ እንደገናም አዘነ፡፡የተደረገውን ነገር አንድም ሳያስቀር ማሞ ለጓደኛው አጫወተው፡፡ጓደኛውም

‹‹ለምን አትጠይቅም?››አለው

‹‹ማንን? ››

‹‹የበላይ አካል››

‹‹የሰጡኝ እነርሱ ናቸው››

‹‹እና››

‹‹የወሰዱትም እነርሱ ናቸው››

‹‹ለንጉሱ ለምን አትናገርም?››

‹‹ምን ብዬ?››

‹‹ተወሰደብኝ ብለህ››

ጓደኛውና ማሞ ለንጉሱ የሚጽፉበትን ደብዳቤ ማዘጋጀት ጀመሩ፡፡

ደብዳቤው ውስጥ ከተጻፉት ነገሮችውስጥ‹‹.....ቤቱን ተነጥቄያለሁ፤ተለዋጭ ቤት ይሰጠኝ፤ግማሹ ቤት ይሰጠኝ፤በሚቀጥለው ኦሎምፒክ በትጋት እንድሮጥ ተመጣጣኝ ቤት ይሰጠኝ.....››የሚሉ ተካተውበታል፡፡

የቢቢሲ ጋዜጠኞች እንደሄዱ በነጋታው አንድ ባለስልጣን ቤቱ መጥቶ ነበር ‹‹ማነው ይሄን ቤት የሰጠህ?››አለው

‹‹ንጉሱ ናቸው››

‹‹ለሌሎች ለምን አልተሰጠም?››

‹‹እርሱን አላውቅም››

›‹‹ይሄ ቤት ይፈለጋል››

‹‹ምን ማለት ነው?››

‹‹ቤቱን መልቀቅ አለብህ››

‹‹ለምን?››

‹‹ሌላ ቤት እኔ አሰጥሃለሁ››

‹‹ሌላ ቤት አልፈልግም ይሄኛው ተስማምቶኛል››

         ማሞ በሁኔታው ግራ ተጋብቶ የርሱ አስተናጋጅ ለነበሩት በስልክ ደውሎ‹‹ አንድ ሰው መጥቶ ቤቱ ይፈለጋል አለኝ››ብሎ ነገረው

‹‹ማነው ››

‹‹ባለስልጣን ነው››

‹‹ስሙ ማን ይባላል››

(ማሞ ስሙን ነገረው)

ሰውየው እንዳትወጣ ብሎ ነገረው፡፡አሁን ያንን ባስልጣን አሰበ እርሱ ‹‹ይሄን ልቀቅና ሌላ ቤት ልስጥህ ነው ››ያለው፡፡ያኔ እርሱን እሺ ብዬው ቢሆን ጥሩ ነበር ብሎ አሰበ፡፡ ሌላም ነገር አሰበ፡፡ ጋዜጠኞቹ የድሮውን ቤት አሳይቷቸው ቢሆን ኖሮ ሌላ ጥያቄ ስለሚያነሱ ምናልባት ይሄን ፍራቻ ትልቁን ቤት አይነጥቁትም ነበር፡፡አሁን ሁሉ ነገር አልፏል፡፡የደህንነት ሰዎችም ከቤቱ ሲያስወጡት አስጠንቅቀውታል፡፡ስለዚህ ጉዳይ ለማንም ቢያወራ ችግር እንደሚፈጠርበት አስረግጠው ነግረውታል፡፡ ማሞ ወልዴ የቅዱስ ጊዮርጊስ ደጋፊ ነው፡፡

                       በስፖርቱ ወስጥ በርካታ ደጋፊ ያለው በመሆኑና ብቸኛው ህዝባዊ ክለብ ስለነበር ህዝቡን ለማግኘትና በስፖርቱ ድጋፍ ለማግኘት ክለቡ ተመራጭ ነው፡፡ማሞ አንድ ነገር ሲፈልግ ቀድመው የሚደርሱለት የቅዱስ ጊዮርጊስ ደጋፊዎች ናቸው፡፡  22 አካባቢ የሰራውን ቤት መሬቱን ያጋዙት የጊዮርጊስ ደጋፊዎች ናቸው፡፡በአንድ ወቅት ክብር ዘበኛ በጊዮርጊስ ተሸንፎ ክፍሉ ውስጥ ትንሽ ትርምስ ተነሳ፡፡‹‹የኛ ሆነው ቅዱስ ጊዮርጊስን የሚደግፉ ውስጥ አርበኞች አሉ››ተብሎ ወቀሳው ማሞ ላይ መጣበት፡፡ ማሞም አልገረመውም‹‹እንኳን እኔ አለቃችን መንግስቱ ንዋይ ቅዱስ ጊዮርጊስን ነው የሚደግፈው››በማለት እስከመንገር ደርሷል፡፡በ25ተኛው አመት የምስረታ በዓል ማሞ ለክለቡ 10 ብር ረድቷል፡፡ ይሄ ደግሞ ሌሎች ከሰጡት ገንዘብ የተሻለ ነበር፡፡ ማሞ ከሜክሲኮ እንደተመለሰ የኦዳ ቤተሰብ  በገነት ሆቴል ትልቅ ግብዣ አድርገውለት ሽልማት ሰጥተውታል፡፡

ርዕሰ አንቀፅ - ጉዟችንን ስንጀምር

የአፍሪካ እግር ኳስ ኮንፌዴሬሽን ከሚያዘጋጃቸው ውድድሮች ውስጥ አንዱ የሆነው የአፍሪካ ሻምፒየንስ ሊግ ውድድር የዘንድሮው አመት ውድድር በመጪው የካቲት 4፤5 እና 6 ቀን በተለያዩ የአፍሪካ አገሮች በሚገኙ ከተሞች በሚካሄዱ ጨዋታዎች የሚጀምር ይሆናል፡፡ ሀገራችን ኢትዮጵያን በመወከል በዘንድሮው የአፍሪካ ሻምፒየንስ ሊግ ላይ የሚካፈለው ክለባችን ቅዱስ ጊዮርጊስም በሻምፒየንስ ሊጉ ቅድመ ማጣርያ ጨዋታ ከሲሺየልሱ ቅዱስ ሚካኤል ቡድን ጋር በመጪው የካቲት 6 ቀን 2008 ዓ.ም. በአዲስ አበባ ስታዲየም ይጫወታል፡፡

የክለባችን አስተዳደር ጨዋታውን አሸንፎ ለማለፍ ይረዱኛል ያላቸውን ሁሉንም ዝግጅቶች አድርጎ ወደ መጨረሻው ምዕራፍ የደረሰ ሲሆን አሁን የሚቀሩት ስራዎች በሜዳ ላይ የሚሰሩ ስራዎች ይሆናሉ፡፡ በተለይም ተጨዋቾችን በስነ ልቦና ረገድ ተዘጋጅተው ትኩረታቸውን ለጨዋታው ብቻ ሰጥተው እንዲጫወቱ ማድረግ እና ደጋፊውም በሙሉ አቅሙ ስታዲየሙን ሞልቶ ዘጠና ደቂቃ ከተጨዋቾች ጎን እንዲሆን ማድረግ የቀጣይ ሳምንት የቤት ስራችን ነው፡፡

በአህጉራዊው ውድድር ክለቦቻችንን እና ብሄራዊ ቡድናችንን በሚገጥሙ ተጋጣሚዎች ላይ የምንሰጠው የቅድመ ጨዋታ እና ድህረ ጨዋታ አስተያየት በተጨዋቾቻችን ላይ የሚያደርሰው ተጽዕኖ ቀላል አይደለም እና ልንጠነቀቅ ይገባል፡፡ በተለይም በአሁን ሰአት የቅዱስ ጊዮርጊስ ተጋጣሚ የሆነው የሲሺየልሱ ቅዱስ ሚካኤል ክለብ መሆኑን ተከትሎ ቡድናችን ጨዋታውን አሸንፎ እንደሚያልፍ እና ከወዲሁም ስለ ቲፒ ማዜንቤ የሚያሳስቡ አስተያየቶችን እያደመጥን እንገኛለን፡፡ እግር ኳስን በአለም ደረጃ እጅግ ተወዳጅ እንዲሆን ካደረጉት ነገሮች አንዱ በውድድር ላይ ያልተጠበቁ ውጤቶች መመዝገባቸው ነው፡፡ በ2017ቱ የአፍሪካ ዋንጫ ምድብ ማጣርያ የኢትዮጵያ ብሄራዊ ቡድን ከሲሺየልስ አቻው ጋር በነበረው ጨዋታ ከጨዋታው በፊት እና በኋላ ሲሰጡ የነበሩት አሰተያየቶች እጅግ የተራራቁ ነበሩ፡፡ ከጨዋታው በፊት በመገናኛ ብዙሃን እና በማህበራዊ ድህረ ገፆች ብሄራዊ ቡድናችን የሲሺየልስ አቻውን በሰፊ ግብ እንደሚያሸንፍ ሲነገር ቢቆይም ከሲሺየልስ ጋር አቻ መለያየቱን ተከትሎ ይሰጡ የነበሩ አስተያየቶች የተጨዋቾችን እና የአሰልጣኙን ስነ ልቦና የሚነኩ ነበሩ፡፡

ይህ ውድድር ነው፡፡ «ቀላል» የሚባል ቡድን ስናገኝ የምንሰጠው አስተያየት ተጨዋቾቻችን ጨዋታውን አቅለው እንዲያዩት እና ትኩረታቸውን ቀንሰው ለጨዋታው ዝግጁ እንዳይሆኑ እናደርጋቸዋለን፡፡ «ከባድ» የሚባል ተጋጣሚ ስናገኝም ከጫወታው በፊት እንደሚወድቁ እየነገርናቸው ወደ ሜዳ አናስገባቸው፡፡ በተቻለ መጠን ሚዛናዊ የሆነና «ቀላል» የሚባል ተጋጣሚ ስናገኝ እንዲያሸንፉ የምንመኝበትን የግብ መጠን እንዲያገቡልን፤ «ከባድ» የሚባል ተጋጣሚ ሲናገኝም ቅስማቸውን ሰብረን ወደ ሜዳ ከማስገባት ይልቅ ተራራም ማንቀሳቀስ ብሎም መናድ እንደሚችሉ አሳይተን እንላካቸው፡፡ ያኔ የምናስበውን እናገኛለን፡፡ ያኔ ከጨዋታ በፊት እና በኋላ የምንሰጠው አስተያየት እና ምኞት አንድ አይነት ይሆናል፡፡

የአፍሪካ እግር ኳስ ኮንፌዴሬሽን ከሚያዘጋጃቸው ውድድሮች ውስጥ አንዱ የሆነው የአፍሪካ ሻምፒየንስ ሊግ ውድድር የዘንድሮው አመት ውድድር በመጪው የካቲት 4፤5 እና 6 ቀን በተለያዩ የአፍሪካ አገሮች በሚገኙ ከተሞች በሚካሄዱ ጨዋታዎች የሚጀምር ይሆናል፡፡ ሀገራችን ኢትዮጵያን በመወከል በዘንድሮው የአፍሪካ ሻምፒየንስ ሊግ ላይ የሚካፈለው ክለባችን ቅዱስ ጊዮርጊስም በሻምፒየንስ ሊጉ ቅድመ ማጣርያ ጨዋታ ከሲሺየልሱ ቅዱስ ሚካኤል ቡድን ጋር በመጪው የካቲት 6 ቀን 2008 ዓ.ም. በአዲስ አበባ ስታዲየም ይጫወታል፡፡

የክለባችን አስተዳደር ጨዋታውን አሸንፎ ለማለፍ ይረዱኛል ያላቸውን ሁሉንም ዝግጅቶች አድርጎ ወደ መጨረሻው ምዕራፍ የደረሰ ሲሆን አሁን የሚቀሩት ስራዎች በሜዳ ላይ የሚሰሩ ስራዎች ይሆናሉ፡፡ በተለይም ተጨዋቾችን በስነ ልቦና ረገድ ተዘጋጅተው ትኩረታቸውን ለጨዋታው ብቻ ሰጥተው እንዲጫወቱ ማድረግ እና ደጋፊውም በሙሉ አቅሙ ስታዲየሙን ሞልቶ ዘጠና ደቂቃ ከተጨዋቾች ጎን እንዲሆን ማድረግ የቀጣይ ሳምንት የቤት ስራችን ነው፡፡

በአህጉራዊው ውድድር ክለቦቻችንን እና ብሄራዊ ቡድናችንን በሚገጥሙ ተጋጣሚዎች ላይ የምንሰጠው የቅድመ ጨዋታ እና ድህረ ጨዋታ አስተያየት በተጨዋቾቻችን ላይ የሚያደርሰው ተጽዕኖ ቀላል አይደለም እና ልንጠነቀቅ ይገባል፡፡ በተለይም በአሁን ሰአት የቅዱስ ጊዮርጊስ ተጋጣሚ የሆነው የሲሺየልሱ ቅዱስ ሚካኤል ክለብ መሆኑን ተከትሎ ቡድናችን ጨዋታውን አሸንፎ እንደሚያልፍ እና ከወዲሁም ስለ ቲፒ ማዜንቤ የሚያሳስቡ አስተያየቶችን እያደመጥን እንገኛለን፡፡ እግር ኳስን በአለም ደረጃ እጅግ ተወዳጅ እንዲሆን ካደረጉት ነገሮች አንዱ በውድድር ላይ ያልተጠበቁ ውጤቶች መመዝገባቸው ነው፡፡ በ2017ቱ የአፍሪካ ዋንጫ ምድብ ማጣርያ የኢትዮጵያ ብሄራዊ ቡድን ከሲሺየልስ አቻው ጋር በነበረው ጨዋታ ከጨዋታው በፊት እና በኋላ ሲሰጡ የነበሩት አሰተያየቶች እጅግ የተራራቁ ነበሩ፡፡ ከጨዋታው በፊት በመገናኛ ብዙሃን እና በማህበራዊ ድህረ ገፆች ብሄራዊ ቡድናችን የሲሺየልስ አቻውን በሰፊ ግብ እንደሚያሸንፍ ሲነገር ቢቆይም ከሲሺየልስ ጋር አቻ መለያየቱን ተከትሎ ይሰጡ የነበሩ አስተያየቶች የተጨዋቾችን እና የአሰልጣኙን ስነ ልቦና የሚነኩ ነበሩ፡፡

ይህ ውድድር ነው፡፡ «ቀላል» የሚባል ቡድን ስናገኝ የምንሰጠው አስተያየት ተጨዋቾቻችን ጨዋታውን አቅለው እንዲያዩት እና ትኩረታቸውን ቀንሰው ለጨዋታው ዝግጁ እንዳይሆኑ እናደርጋቸዋለን፡፡ «ከባድ» የሚባል ተጋጣሚ ስናገኝም ከጫወታው በፊት እንደሚወድቁ እየነገርናቸው ወደ ሜዳ አናስገባቸው፡፡ በተቻለ መጠን ሚዛናዊ የሆነና «ቀላል» የሚባል ተጋጣሚ ስናገኝ እንዲያሸንፉ የምንመኝበትን የግብ መጠን እንዲያገቡልን፤ «ከባድ» የሚባል ተጋጣሚ ሲናገኝም ቅስማቸውን ሰብረን ወደ ሜዳ ከማስገባት ይልቅ ተራራም ማንቀሳቀስ ብሎም መናድ እንደሚችሉ አሳይተን እንላካቸው፡፡ ያኔ የምናስበውን እናገኛለን፡፡ ያኔ ከጨዋታ በፊት እና በኋላ የምንሰጠው አስተያየት እና ምኞት አንድ አይነት ይሆናል፡፡

የቅዱስ ጊዮርጊስ ስፖርት ማህበር ደጋፊዎች እና ስፖርተኞች የህይወት እና ሞት መረዳጃ እድር የጠቅላላ ጉባኤ ስብሰባውን አካሄደ

ከተመሰረተ አራተኛ አመቱን የያዘው የቅዱስ ጊዮርጊስ ስፖርት ማህበር ደጋፊዎች እና ስፖርተኞች የህይወት እና ሞት መረዳጃ እድር የጠቅላላ ጉባኤ ስብሰባውን ባሳለፍነው ሳምንት መጨረሻ በብሄራዊ ቴአትር አካሂዷል፡፡ በጠቅላላ ጉባኤው ላይ በዕድሩ ከመስከረም አንድ ቀን 2007 ዓ.ም እስከ ጳጉሜ 2007 ዓም ድረስ ባለው ጊዜ የተከናወኑ ዋና ዋና የስራ ፕሮግራሞች ላይ እንዲሁም የ2007 ዓ.ም የኦዲት ሪፖርት እና የ2008 ዓ.ም ዕቅድ ላይ ውይይት ከተደረገላቸው በኋላ በምዕላተ ጉባኤው ፀድቀዋል፡፡

ለጠቅላላ ጉባዔው ቀርበው ከነበሩት የ2007 ዓ.ም ስራዎች ውስጥ

  1. የእድሩ አባሎች የመድን ሽፋን እንዲያገኙ ማድረግ
  2. የእድሩ ስራ በተቀላጠፈ ሁኔታ ለማካሄድ ያስችል ዘንድ ቢሮ መከራየት እና ጽህፈት ቤት ማቋቋም
  3. ስራውንም ለማካሄድ ሰራተኞች መቅጠርና የኢንሹራንስ ተግባር መተግበር
  4. አባላትን በቁጥር በመመደብ በፕሮግራም በወርሀዊ ክፍያን የኢንሹራንስ መመዝገቢያ በትክክል እንዲፈፅሙ ማድረግ
  5. የወሩ የመዝናኛ ፕሮግራም በማካሄድ አባላት እንዲዝናኑ ማድረግ
  6. በረዥሙ ዕቅድ የመዝናኛ ክበብ ማቋቋም የሚሉት እንደነበሩ በዕድሩ ፕሬዚደንት ቀርበው በጠቅላላ ጉባኤው የፀደቀ መሆኑን እና በጸደቀው ዕቅድ መሰረትም ከመስከረም ወር 2007 ዓ.ም እስከጳጉሜ ወር 2007 ዓ.ም ድረስ የእድሩ ስራ አመራር ዕድሩ የቆመበትን አላማና የተጣለበትን ተግባር እና ሃላፊነት በሚገባ እንዲወጣ እና የአባላትን ጥቅም አግባብ ባለው መልኩ እንዲጠበቅ ለማድረግ መሞከሩ ተገልጿል፡፡

ከዚህ ጋር በተያያዘም የመረዳጃ እድሩ በየትምህርት ቤቱ የሚገኙ ችግረኛ ተማሪዎች ትምህርታቸውን እንዳያቋርጡ ድጋፍ ለማድረግ አምስት ት/ቤቶች ተጠይቀው ሶስቱ ት/ቤቶች ቁጥራቸው ወደ 29 የሚጠጋ ተማሪዎችን በላኩት መሰረት እድሩ

1ኛ. ለአንድ አመት የሚጠቀሙበትን የፅህፈት መሳርያ ለ29ኙም ተማሪዎች ገዝቶ ሰጥቷል፡፡

2ኛ. በትምህርት ቤት የሚለብሱት የደንብ ልብስ አጥተው በመቸገራቸው ዩኒፎርም ተሰፍቶላቸዋል

3ኛ. ከሰኞ እስከ አርብ በቀን አንዴ ለአንድ አመት ምሳ እንዲመገቡ ተደርጓል ተብሏል፡፡ ይህንንም በማስመልከት የሚሊኒየም አጠቃላይ ሁለተኛ ደረጃ ት/ቤት፤ የቦሌ አጠቃላይ ሁለተኛ ደረጃ ና የኮከበ ፅባህ ሁለተኛ ደረጃ ተማሪዎች እና ርዕሳነ መምህራን በጠቅላላ ጉባዔው ላይ በመገኘት የምስክርነት ቃላቸውን ሰጥተዋል፡፡

በመጨረሻም በእድሩ ፕሬዚዳንት በቀረበው ሪፖርት እና የስራ እቅድ ላይ ውይይት ከተካሄደ በኋላ የ2008 ዓ.ም እቅድን በማፅደቅ ጠቅላላ ጉባኤው ተጠናቅቋል፡፡

ከተመሰረተ አራተኛ አመቱን የያዘው የቅዱስ ጊዮርጊስ ስፖርት ማህበር ደጋፊዎች እና ስፖርተኞች የህይወት እና ሞት መረዳጃ እድር የጠቅላላ ጉባኤ ስብሰባውን ባሳለፍነው ሳምንት መጨረሻ በብሄራዊ ቴአትር አካሂዷል፡፡ በጠቅላላ ጉባኤው ላይ በዕድሩ ከመስከረም አንድ ቀን 2007 ዓ.ም እስከ ጳጉሜ 2007 ዓም ድረስ ባለው ጊዜ የተከናወኑ ዋና ዋና የስራ ፕሮግራሞች ላይ እንዲሁም የ2007 ዓ.ም የኦዲት ሪፖርት እና የ2008 ዓ.ም ዕቅድ ላይ ውይይት ከተደረገላቸው በኋላ በምዕላተ ጉባኤው ፀድቀዋል፡፡

ለጠቅላላ ጉባዔው ቀርበው ከነበሩት የ2007 ዓ.ም ስራዎች ውስጥ

  1. የእድሩ አባሎች የመድን ሽፋን እንዲያገኙ ማድረግ
  2. የእድሩ ስራ በተቀላጠፈ ሁኔታ ለማካሄድ ያስችል ዘንድ ቢሮ መከራየት እና ጽህፈት ቤት ማቋቋም
  3. ስራውንም ለማካሄድ ሰራተኞች መቅጠርና የኢንሹራንስ ተግባር መተግበር
  4. አባላትን በቁጥር በመመደብ በፕሮግራም በወርሀዊ ክፍያን የኢንሹራንስ መመዝገቢያ በትክክል እንዲፈፅሙ ማድረግ
  5. የወሩ የመዝናኛ ፕሮግራም በማካሄድ አባላት እንዲዝናኑ ማድረግ
  6. በረዥሙ ዕቅድ የመዝናኛ ክበብ ማቋቋም የሚሉት እንደነበሩ በዕድሩ ፕሬዚደንት ቀርበው በጠቅላላ ጉባኤው የፀደቀ መሆኑን እና በጸደቀው ዕቅድ መሰረትም ከመስከረም ወር 2007 ዓ.ም እስከጳጉሜ ወር 2007 ዓ.ም ድረስ የእድሩ ስራ አመራር ዕድሩ የቆመበትን አላማና የተጣለበትን ተግባር እና ሃላፊነት በሚገባ እንዲወጣ እና የአባላትን ጥቅም አግባብ ባለው መልኩ እንዲጠበቅ ለማድረግ መሞከሩ ተገልጿል፡፡

ከዚህ ጋር በተያያዘም የመረዳጃ እድሩ በየትምህርት ቤቱ የሚገኙ ችግረኛ ተማሪዎች ትምህርታቸውን እንዳያቋርጡ ድጋፍ ለማድረግ አምስት ት/ቤቶች ተጠይቀው ሶስቱ ት/ቤቶች ቁጥራቸው ወደ 29 የሚጠጋ ተማሪዎችን በላኩት መሰረት እድሩ

1ኛ. ለአንድ አመት የሚጠቀሙበትን የፅህፈት መሳርያ ለ29ኙም ተማሪዎች ገዝቶ ሰጥቷል፡፡

2ኛ. በትምህርት ቤት የሚለብሱት የደንብ ልብስ አጥተው በመቸገራቸው ዩኒፎርም ተሰፍቶላቸዋል

3ኛ. ከሰኞ እስከ አርብ በቀን አንዴ ለአንድ አመት ምሳ እንዲመገቡ ተደርጓል ተብሏል፡፡ ይህንንም በማስመልከት የሚሊኒየም አጠቃላይ ሁለተኛ ደረጃ ት/ቤት፤ የቦሌ አጠቃላይ ሁለተኛ ደረጃ ና የኮከበ ፅባህ ሁለተኛ ደረጃ ተማሪዎች እና ርዕሳነ መምህራን በጠቅላላ ጉባዔው ላይ በመገኘት የምስክርነት ቃላቸውን ሰጥተዋል፡፡

በመጨረሻም በእድሩ ፕሬዚዳንት በቀረበው ሪፖርት እና የስራ እቅድ ላይ ውይይት ከተካሄደ በኋላ የ2008 ዓ.ም እቅድን በማፅደቅ ጠቅላላ ጉባኤው ተጠናቅቋል፡፡

ሰልሀዲን በርጌቾ በጀርመን ሀገር የተሳካ ህክምና አድርጎ ወደ ሀገሩ ተመለሰ

የቅዱስ ጊዮርጊስ እና የኢትዮጵያ ብሄራዊ ቡድን ድንቅ የተከላካይ ስፍራ ተጨዋች የሆነው ሰልሀዲን በርጌቾ በምስራቅ እና መካከለኛው አፍሪካ ዋንጫ ላይ የኢትዮጵያ ብሄራዊ ቡድን ከሩዋንዳ አቻው ጋር በምድቡ የመጀመሪያ ጨዋታ ሲያደርግ የጉልበት ጉዳት አጋጥሞት እንደነበር አይዘነጋም፡፡

ሰልሀዲን በርጌቾ ጉዳቱን አስመልክቶ ለልሳነ ጊዮርጊስ ጋዜጣ ዝግጅት ክፍል በሰጠው ቃለ ምልልስም « የጉልበት ጉዳቱ የደረሰብኝ ኢትዮጵያ ከሩዋንዳ ባደረጉት የምድብ ጨዋታ ላይ ነበር፡፡ጉዳቱ በደረሰብኝ ሰአት ስሜቱ እጅግ በጣም ሀይለኛ የነበረ ቢሆንም እንደተመለከታችሁኝ ጨዋታውን ለመቀጠል ሞክሬ ነበር፡፡ ነገር ግን ህመሙ እየተባባሰብኝ በመምጣቱ ተቀይሬ ልወጣ ችያለሁኝ፡፡» ሲል የጉዳቱን መጠን ተናግሯል፡፡

ጉዳቱን ተከትሎም ሰልሃዲን በርጌቾ በሀገር ውስጥ በዕውቅ ስፔሻሊስቶች ሲሰጠው የቆየው ህክምና ለውጥ ባለማሳየቱ ለህክምና ወደ ጀርመን ሀገር መሄዱን በምንጊዜም ጊዮርጊስ የራድዮን ፕሮግራም ማሳወቃችን ይታወሳል፡፡

ሰልሃዲን በጀርመን ሀገር ለአንድ ሳምንት ባደረገው ህክምናም በጉልበቱ ላይ ትልቅ ለውጥ ማሳየቱንና ቀሪውን ህክምናውንም በሀገር ውስጥ በሚገኙ የዘርፉ ስፔሻሊስቶች ጋር ቢከታተል ከጥቂት ሳምንታት በኋላ ወደ ጨዋታ መመለስ እንደሚችል ሀኪሞቹ ነግረውታል፡፡ « በጀርመን ሀገር የተሰጠኝ ህክምና በቪዲዮ የታገዘ እና የጉልበቴ ጉዳት ምን ያህል እንደሆነ ያወኩበት ነው፡፡ በተለይም ጉልበትን በቀዶ ጥገና መታከም ለተጨዋቾች ምን ያህል አደገኛ እንደሆነ አውቃለሁ፡፡ እኔም ያ ነገር እንደሚደርስብኝ ገምቼ ትልቅ ሀዘን ተሰምቶኝ ነበር፡፡ ነገር ግን ምስጋና ለፈጣሪ ይሁንና ምንም ነገር ሳይነካኝ በማሳጅ እና በመርፌ ብቻ መዳን እንደምችል ሀኪሞቹ ነግረውኝ ነው የተመለስኩት፡፡ አሁን የህመሙ መጠን እጅግ በጣም ቀንሶልኛል፡፡ በቀጣይ ሳምንታትም የሀኪሞቼን ምክር ሰምቼ ቀለል ያሉ ልምምዶችን የምጀምርና የምወደውን ክለቤን ማገልገል የምጀምር ይሆናል፡፡» ሲል ጨምሮ ገልጿል፡፡