Newsletter Signup

Sign-up to stay in touch with Saint George FC

Reagent/Protectorator
Yidnekatchew Tessema
Mengistu Worku

St. George Gallery

"በቅዱስ ጊዮርጊስ ቤት ደግሞ ተከታታይ ሽንፈት አልተለመደም፡፡" ማርቲን ኖይ

ልሳነ ጊዮርጊስ ጋዜጣችን ሰሞኑን ስላጋጠሙን የፕሪሚየር ሊግ ሽንፈቶችና ተያያዥ ጉዳዮች ዙሪያ ከዋና አሰልጣኝ ማርቲን ኖይ ጋር የሚከተለውን ቆይታ አድርጋለች፤ መልካም ንባብ፡፡

ልሳነ ጊዮርጊስ፡- ሚስተር ማርቲን ኖይ የቅዱስ ጊዮርጊስ ዋና አሰልጣኝ ለቃለ መጠይቁ ፈቃደኛ ስለሆኑ እጅግ አድርጌ አመሰግናለሁ፡፡

ከሻምፒዮንስ ሊጉ ጨዋታ በኋላ ቡድኑን የመሩት ከአዳማ ከተማ ጋር በነበረው ጨዋታ ነው፤ እናም ቡድኑን አንዴት አገኙት? ሁለት ጊዜ በተከታታይ በሊጉ ሊሸነፍ የቻለበት ዋነኛ ምክንያት ምንድን ነው?

ማርቲን ኖይ፡- ጥሩ እኔ እንደማስበው ከመከላከያ እና ከአዳማ ከተማ ጋር የነበሩን ሁለት ጨዋታዎች ፍትሐዊ አልነበሩም ማለት እችላለሁ፡፡ ምክንያቱም ሁለቱንም ጨዋታዎች ተበልጠን አይደለም የተሸነፍው- በአጋጣሚዎች እንጂ፡፡ እነዚህ አጋጣሚዎች ደግሞ የሚከሰቱት በትኩረት ማጣት፣ አንዳንዴ በጥራት እና ልምድ ማነስ ችግር ነው፡፡ በተለይ ባለፈው ጨዋታ መሸነፍ አይገባንም ነበር፡፡

ከዚህ በተጨማሪ በኢንተርናሽናል ጨዋታ ከኤሲ ሊዎፓርድስ ጋር ከተጫወትን በኋላ ሁሉም ሰው ደስተኛ ነበር፣ የኛም ተጫዋቾች ትንሽ ደክሟቸው ሊሆን ይችላል በዋናነት ግን አእምሯቸው ነው የተዳከመው ብዬ ነው የማስበው፡፡ ግን ይሄ ያለፈ ታሪክ ነው፤ ታስታውስ እነደሆን ከ8 ሳምንታት በፊት ሰዎች ስለ ቋሚ 11 ይናገሩና ይከራከሩ ነበር ሳስበው ግን ተጫዋቾቻችንን በደንብ መመልከት ያለብን ይመስለኛል፤ በደንብ በትክክለኛ የመሰለፍ አቋማቸው ላይ ከሆኑ ገብተው ሊጫወቱ ይገባል ካልሆኑ ደግሞ ብቁ በሆኑት መቀየር አለባቸው፡፡ በአሁኑ ሰዓት ተደጋጋሚ ጫዋታዎችን ያደረጉ ቁጥራቸው በርከት ያሉ ተጫዋቾች ሲኖሩን የዛኑ ያህል ደግሞ ያልተጫወቱ ተጫዋቾች አሉን እነርሱን መጠቀም አለብን፡፡ ሊጉ ደግሞ ጠንከር ብሏል እናም በተጨማሪ ብዙ የኢንተርናሽናል ጨዋታዎችን ውጤት ባገኘን ቁጥር ሊጉ ደግሞ እየከበደን ይሄዳል፡፡ የኛ ተጫዋቾች ከሁሉም ፕሪሚየር ሊጉ ከለቦች ጋር ለመፎካከርና አሸናፊ ለመሆን እንደ ግለሰብም እንደ ቡድንም ራሳችንን ብቁ አድርገን መቅረብ አለብን በአካላችንም ሆነ በስነ ልቦናው ረገድ ብቁ መሆን አለብን፡፡

ልሳነ ጊዮርጊስ፡- በቀጣይ መጋቢት 25 በ11፡30 ሰዓት አዲስ አበባ ላይ ከ ሲዳማ ቡና በሚኖረን ጨዋታ ምን እንጠብቅ?

ማርቲን ኖይ፡- ቶሎ ወደ አሸናፊነት ለመመለስ የሚደረገውን ሁሉ ለማድረግ ከተጫዋቾቻችን ጋር ተነጋግረናል፣ በቅዱስ ጊዮርጊስ ቤት ደግሞ ተከታታይ ሽንፈት አልተለመደም፤ ተፈጥሮም አያውቅም እና በጭራሽ ሊደገምም አይችልም፡፡ በድጋሚ ደካማ ጎናችንን ማየትና ራሳችንን ማስተካከል አለብን፡፡ ምክንቱም የኛ ተጋጣሚዎቻችን አኛን በደንብ እያዩን፣ እየገመገሙን እና እያጠቁን ስለሆነ ማለት ነው፡፡

በልሳነ ጊዮርጊስ፡- ድጋሚ ይህን ቃለ መጠይቅ ፈቃደኛ ሆነው ስለሰጡን በልሳነ ጊዮርጊስ ጋዜጣ ስም አመሰግናለሁ፡፡

ማርቲን ኖይ፡- እኔም ስለቡድኑ አሁን ያለበትን ሁኔታ ለመግለፅና ለደጋፊዎቻችን ጋር በዚህ መልኩ ሀሳብ ለማስተላለፍ እድሉ ስለተሰጠኝ አመሰግናለሁ፡፡