Newsletter Signup

Sign-up to stay in touch with Saint George FC

Reagent/Protectorator
Yidnekatchew Tessema
Mengistu Worku

St. George Gallery

የቅዱስ ጊዮርጊስ ክለብ ኢትዮጵያ እግር ኳስ ፌዴሬሽንን ማብራሪያ ጠየቀ

የቅዱስ ጊዮርጊስ ስፖርት ክለብ የኢትዮጵያ ፕሪምየር ሊግ የተጨዋቾች ዝውውር እና መመሪያ ክፍል ሶስት አንቀፅ 9 ንኡስ አንቀጽ 9.6 በተመለከተ ከኢትዮጵያ እግር ኳስ ፌዴሬሽን ማብራሪያ እንዲሰጠው በደብዳቤ ጠይቋል፡፡

ማብራሪያ የጠየቀበት ደብዳቤም እንደሚከተለው ቀርቧል፡፡


ለኢትዮጵያ እግር ኳስ ፌዴሬሽን
አዲስ አበባ

ጉዳዩ፡- የውድድር ደንብን በተመለከተ ማብራሪያ ስለመጠየቅ

የኢትዮጵያ ፕሪሚየር ሊግ ውድድርን በተመለከተ ገዢ ደንብና መመሪያ ሰነዶች በሚመለከታቸው አካላት ፀድቀው ተግባራዊ እየተደረጉ መሆናቸው ይታወቃል፡፡ ከነዚህም ሰነዶች አንዱ በቅርቡ የፀደቀው የኢትዮጵያ እግር ኳስ ፌዴሬሽን የተጫዋቾች ደረጃና ዝውውር መመሪያ ነው፡፡

በዚህ መመሪያ ክፍል 3 አንቀጽ 9 አጠቃላይ የተጫዋቾች ምዝገባ ንዑስ አንቀጽ 9.6 መሠረት

“የተጫዋች ምዝገባና ዝውውር የሚከናወነው የአመቱ ውድድር ተጠናቆ አዲስ የውድድር ዓመት እስከሚጀመርበት ባለው ጊዜ ውስጥ ይሆናል፡፡ 2ኛው የምዝገባ ጊዜ የአንደኛው ዙር ውድድር ተጠናቆ የ2ኛው ዙር ውድድር ተጀምሮ እስከ 21ኛው ቀን ድረስ ብቻ ይሆናል፡፡” ይላል፡፡

ይህ አንቀጽ የኢትዮጵያ ፕሪሚየር ሊግ ውድድር በተጀመረ ጊዜ አንስቶ ላለፉት 18 ዓመታት ያህል ከሞላ ጐደል ይዘቱ ሳይቀየር ሲሰራበት የቆየና ለማንኛውም ተወዳዳሪ ቡድን ለሚያስመዘግባቸው ተጫዋቾች በሙሉ የትኛውም ዓይነት ዜግነት ቢኖራቸው የማስመዝገቢያ ወቅቶቹን በግልጽ የሚያሳውቅ ደንብ ነው፡፡

በተጨማሪም የፊፋ የተጨዋቾችና ደረጃ ዝውውር መመሪያ በአንቀጽ 6.1 እና 6.2 እንደሚያስቀምጠው የተጫዋቾች የምዝገባ ወቅቶች የሚወሰኑት እንደየራሳቸው ሊግ የውድድር ወቅት በየፌዴሬሽኖቹ መሆኑንና የአለም አቀፍ የተጫዋቾች ዝውውሮች ቀናት ብቻ በቅድሚያ ለፊፋ ማሳወቅ እንደሚገባና እነዚህ የአለም አቀፍ (International) የተጫዋቾች ዝዉውሮችም በፊፋ TMS ሲስተም ብቻ መከናወን እንደሚገባቸው ይገልፃል፡፡

ነገር ግን በያዝነው የውድድር ዓመት ከላይ ከተጠቀሰው ደንብ ውጪ አንዳንድ ክለቦች ተጫዋቾችን ከተፈቀደው የምዝገባ ወቅት ወጪ በማዘዋወር በቀጥታ ወደ ውድድር እየገቡ እንደሆነ ተመልክተናል፡፡

ደንቡን በማክበር በአለም አቀፍ የፊፋ የዝውውር ደንብ መሰረት ያዘዋወርነው ተጫዋች የሀገራችን ፕሪሚየር ሊግ ሁለተኛው የምዝገባ ወቅት ማለትም አንደኛው ዙር ተጠናቆ ሁለተኛው ዙር እስከሚጀመር እየጠበቅን ባለንበት ሁኔታ ይህን ግልጽ ያልሆነ አካሄድ ለማስታዋል ችለናል፡፡

ይህም በመሆኑ ኢትዮጵያውያን ተጨዋቾች በሁለቱ በህግ አግባብ በተፈቀደ የዝውውር መስኮቶች ብቻ ሲጠቀሙ ኢትዮጵያውያን ያልሆኑ የውጭ ተጨዋቾች ሦስተኛ ተጨማሪ መስኮት ከህግ አግባብ ውጭ የተዘጋጀላቸው ያለ ይመስላል፡፡

ከተለያዩ ሀገሮች ተሞክሮዎችም እንደምንረዳው የተጨዋቾች የዝውውር መስኮቶች በሁለት ወቅቶች የተገደቡ ናቸው፡፡

በእኛም ሀገር ለዘመናት ሲሰራበት በቆየው የተጨዋቾች ዝውውር መመሪያ የፕሪሚየር ሊግ ክለቦች በተለይም አንደኛው የዝውውር መስኮት ከተዘጋ በኋላ የሚያመጧቸውን ተጨዋቾች አስመዝግበው ማጫወት የሚችሉት የሁለተኛው የዝውውር መስኮት ሲከፈት ብቻ እንደነበር ግልጽ ነው፡፡

በመሆኑም የተጨዋቾች ዝውውር ፌዴሬሽኑ ባወጣው መመሪያ ክፍል 3 አንቀጽ 9 ንዑስ አንቀጽ 9.6 መሠረት ብቻ መሆን ሲገባው ዘንድሮ የተከሰተውን አካሄድ ፌዴሬሽኑ ከመቼ ጀምሮ እንዳሻሻለ እንዲያሳውቀንና ለማሻሻልም የተጠቀመባቸውን የህግ አግባቦች እንዲያስረዳን በትህትና እንጠይቃለን፡፡

ከሰላምታ ጋር