Newsletter Signup

Sign-up to stay in touch with Saint George FC

Reagent/Protectorator
Yidnekatchew Tessema
Mengistu Worku

St. George Gallery

ርዕሰ አንቀፅ የእግር ኳስ ባህላችን ወዴት እያመራ ነው

ዘመናዊ ስፖርት ወደ ሀገራችን ከገባና የእግር ኳስ እንቅስቃሴአችን ከተጀመረ ረጅም አመታትን አስቆጥሯል፡፡ ህዝባችን የእግር ኳስ ፍላጐቱ በመጨመሩ ትኩረቱን ወደ እዚሁ ስፖርት ላይ አድርጓል፡፡ ወርቃማ የሆነውን የእረፍት ጊዜውንም የሚያሳልፍበት የሚዝናናበት ስፖርቱን በመከታተል ሆኗል፡፡ በጨዋታ ሜዳ በመገኘት የሚውደውን ክለብ ለመደገፍ ሲልም በውድድር ስፍራ በመገኘት ያሳልፋል፡፡ ቀደም ሲል በነበሩት የእግር ኳስ አፍቃሪያን የክለብ ደጋፊዎች ግንኙነት ጠንካራ ነበር፡፡ በጨዋታ ሜዳ ከሚደገፋቸው ክለቦች ጋር በስፖርታዊ ጨዋነት የድጋፍ አሰጣጣቸው ላይ ሰላማዊ ነበር፡፡ ለዚህም የአንድ ክለብ ደጋፊዎች ከሌላ ክለብ ደጋፊዎች ጋር ቀጠሮ በመያዝ በመፈቃቀርና በመግባባት ያሳለፉ እነደነበር እና ይሄም የአብሮነት መገለጫም ለበርካታ አመታት ዘልቆ ይወደስ ነበር፡፡ ዛሬ ዛሬ ግን እንዲህ አይነት የድጋፍ አሰጣጥ መልኩን ቀይሮ የመጣበት በመሆኑ በተግባር እየታየ መጥቷል፡፡ የተሳዳቢ ተመልካቾች ቁጥር በእጅጉ ጨምሯል፡፡ ለህሊናና ለጆሮ የሚዘገንኑ ስድቦች የሚስተናገዱበት አስፀያፊ ተግባሮች የሚከናወኑበት መደማመጥ እና መከበባበር የማይታይበት መሆኑ በተግባር እየታየ ነው ይህ አካሄድ አፋጣኝ እልባት ካላገኘ ለእግር ኳሳችን እድገት አደጋ ነው፡፡ ስለዚህም የእግር ኳስ ባህላችን ወዴት እያመራ ነው ለሚለው ጥያቄ አስቸኳይ መፍትሄ የሚያስፈልገው ይሆናል፡፡